Негізгі түсініктер

1. Барлық өндірістік процесс – бұл өзара байланысты еңбек процестерінің, технологиялық және табиғи процестердің жиынтығы.

2. Технологиялық процесс – бұл адамның қандай да бір еңбек құралын қолдана отырып, еңбек затына әсер етуі нәтижесінде орын алатын еңбек затының сапалық (физикалық-химиялық және механикалық) өзгерісі.

3. Негізгі процесс - бұл еңбек затының кәсіпорынның мамандануына сәйкес дайын өнімге айналуы.

4. Ұтымды ұйымдастырылған өндірістік процестің маңызды принциптеріне үздіксіздік, ырғақтылық және пропорционалдық жатады.

5. Өндірістік құрылым дегенде кәсіпорынның өндіріс ішілік бөлімшелері мен қызметтерінің жиынтығын, олардың арасындағы арақатынас пен өзара байланысты түсінеді.

6. Негізгі өндіріс өнімді дайындаумен тікелей байланысты процестерді қамтиды.

7. Ұңғыларға өндірістік қызмет көрсетумен байланысты көмекші өндірістер өндірістік қызмет көрсету базаларына (ӨҚКБ) біріккен.

Талқылауға арналған сұрақтар

1. Өндірістік процесті ұйымдастырудың негізгі принциптерін атаңыз.

2. «Өндірістік процес» терминінің мәнін ашып көрсетіңіз.

3. Жұмысшының өндірістік процесті жүзеге асыруға қатысу сипаты бойынша қандай процестерді ажыратады?

4. Мұнай-газ өндірісіндегі өндірістік процесті ұйымдастырудың ерекшелігі неде?

5. Өндірістік процесс қандай процестерден тұрады?

6. АИТҚ функциялары қандай?

7. ӨҚКБ құрамына қандай цехтар жатады?

8. Өндірістік процестің үздіксіздік шарттары қандай?

9. Мұнай-газ өндіру кәсіпорындарының өндірістік құрылымын жетілдірудің басты бағыттары қандай?

№1-ші тақырыпқа практикум

1. Мұнай-газ өндіру кәсіпорынының өндірістік құрылымын бейнелеңіз.

2. Қозғалыстың параллель түрі қолданылады:

1. тек сериялы өндірісте;

2. бірлік және жаппай өндірісте;

3. ірі сериялы және жаппай өндірісте;

4. тек өнеркәсіпте.

3. Өндірістік процесс жүреді:

1. тек уақыт ағымында;

2. уақыт ағымы мен кеңістікте;

3. тек кеңістікте;

4. өнеркәсіп салаларында.

4. Технологиялық процестің бір жұмыс орнында орындалатын аяқталған бөлігі – бұл:

1. технологиялық көшу;

2. технологиялық операция;

3. көмекші көшу;

4. өндірістік операция.

5. Негізгі өндірістік процесс – бұл:

1. кәсіпорын ішінде қолданылатын өнімді дайындау процесі;

2. нәтижесінде шикізаттар мен материалдар өнімге айналатын процесс;

3. технологиялық процесті орындауға қажетті өндіріс құралдарының жиынтығы;

4. бұйымды жасау процесі.

6. Технологиялық процесс – бұл:

1. нәтижесінде бұйымның формасы, мөлшері, қасиеттері өзгеріске ұшырайтын процесс;

2. бұйымның формасын, мөлшері мен қасиеттерін өзгеріске ұшыратпайтын процесс;

3. технологиялық процестің аяқталған бөлігі;

4. операция бөлігі.