42. Туристік дестинация және оның даму фазалары

Туристік дестинация-туристік жүйенің шешуші элементі. Барлық жағдайлары жасалған, қызмет көрсетулермен қамтылған территория болып табылады.

Туристік дестинация болу үшін керек шарттар:

1. Орналастыру, тамақтану орындарының, дамыған көлік инфрақұрылымының болуы.

2. Аттрактивтілігі (туристерді қызықтыратын нысандардың болуы)

3. Ақпараттық және коммуникативті жүйенің болуы (глобальді ақпараттық жүйе «Amadeus», «Galileo», «Worlds pan», «Sabre» және т.б.

Туристік дестинация фазалары:

1. Туризм әсерінен өзгеріске ұшырамаған территорияның дестинациялық тартымдылығының болуы.

2. Табиғаттың тартымдылығы әсерінен туристер санының өсуі. Туристік инфрақұрылым негізінің пайда болуы.

3. Жергілікті биліктің жарнамалық әрекетінен туристік ағымның болуы. Туристік нарық пайда болып, дестинацияны белсенді дамыту.

4. Туристердің келген мөлшерін бақылай алмау, инфрақұрылымды ары қарай дамыту дестинация түрін өзгеріске ұшыратады (дүкендер, бар, қонақ үй, казино, т.б. қызмет көрсетуге қажетті нысандарды салу)

5. Жаңа жұмыс орындарының пайда болуы. Басқа аудандардан жұмысқа орналасуға келген адамдардың қоныстануы т.б. нәтижесінде бұл дестинация сәнді емес, басқалары сияқты унификацияланған болады.

6. Туристік ағынның азаюы (біртипті дестинацияға айналғаннан соң)

7. Қызмет көрсету нысандары қолданылмайды (қонақ үйлердің бос қалуы т.б)

8. Жеңілдіктер, жаңа баға саясаты немесе дестинацияны дамыту үшін жаңа идея, тартымдылықтың жаңа факторын ойлап табу.

43. Рекреациялық аудандастыру.

Территорияның аудандастырылуы мен баға беруі рекреациялық мақсаты үшін әр түрлі факторлардың – табиғи, экономикалық, әлеуметтік, физиологиялық, экологиялық, архитектуралық және т.б. есебін талап етеді. Туристік аудандастырудың әдістері аудандастырудың мақсаты мен масштабтарына тәуелді:

1) шаруашылықты дамытудың перспективалық жоспарлардың техника – экономикалық дәлелденуі үшін мемлекеттің ірі бөліктерінің туристік әлеуетін анықтау;

2) бөлек облыстардың аумағында халықтың демалысын ұйымдастыру мүмкіндіктерін анықтау;

3) жоспарланған демалу аймақтарында белгілі нақты туристік объектілерді орналастыру және олардың толық жоспарлауын құрастыру.

Туризм үшін жер бедері, сулар, өсімдіктер, климат, табиғи және мәдени объектілер бағаланады. Рекреациялық аудан керекті рекреациялық әлеуетке ие территория ретінде көрсетілінеді.

Аумақтың аудандастырылуы – аумақтық жоспарлаудың негізін көрсететін, географиялық зерттеу әдістерінің бірі. Аудандастыру табиғи және мәдени бай әлеуетімен экологиялық таза территориялардағы адамдардың тез өсетін қажеттіліктерін қанағаттандыру мақсатымен ауданның ресурстык мүмкіндіктері туралы керекті ақпаратты жинаудың жіберу сәті болып табылады.

Туристік – рекреациялық аудандастыру туристік саланы басқару мен жоспарлау үшін негіз болып табылады. Туристік аудандастыру мақсатында оның негізгі даму бағыттары анықталынады, туризмнің материалдық – техникалық базасының қоғамдық тиімді өсуі үшін аумақтық алғы шарттар бағаланады.

Табиғи және әлеуметтік – экономикалық ресурстар, көліктік жағдайлар, туризм инфрақұрылымының деңгейі, басқа қызметтер түрлерінің туристік қызметке оң және теріс әсері, туристік ауданның ішкі өндірістік және аумақтық құрылымға баға беру негізінде аудандастыру барысында әр түрлі таксономикалық дәрежедегі рекреациялық территориялар шектелінеді, олардың функционалдық және әлеуметтік мағынасы анықталынады, рекреациялық сыйымдылықпен рекреациялық игерудің реттілігі орнатылынады.

Аудандастырудың әр түрлі әдістерін қолдану аумағындағы әр түрлі мемлекеттердің тәжірибесін зерттегеннен кейін, келесі тұжырымға келуге болады, яғни территорияның аудандастырылуы бір немесе екі доминантты өлшемдердің бар болуымен жүргізіледі, ал ол әдетте табиғи және антропогенді ресурстар болып табылады.