6.4 Сурет. Негізгі процеспен толық тотықсыздандырумен балқыту кезіндегі доғалық болат балқытатын пештің қуатының және кернеуінің графигі

2. Пеште қалпына келтірілген атмосфераны ұстап тұру.

3. Пештің электр жабдығының жиі қысқаша тұйықталуларға және балқу периоды кезіндегі доғаның үзілуіне жылдам әсері, токты қысқаша тұйықталудың қауіпсіз шамасына дейін шектеу мүмкіндіг, аз уақыт ішінде қалыпты электрлік режимнен барлық ауытқуларды жою. Қалыпты режимнің бұзылуы фаза бойынша жүзеге асады. Сондықтан пештің әрбір электроды автоматты түрде реттелетін көтеру және түсіру механизмімен жабдықталуы қажет.

Доғалық болат балқытатын пештер үшфазалы болып табылады және өткізбейтін төменгі бөлігі бар. Бұндай пештегі металы бар ванна табиғи үшфазалық тізбектің нольдік нүктесін түзеді және пеш нольдік сымсыз үшфазалы токтың үш сымды жүйесі бойынша қосылған болады.

Доғалық пештердегі электродтар электр энергиясын оны тұтыну аумағына енгізуге, шихтаны балқытуға және қажетті материалды алу үшін қызмет етеді. Электродтар шығындалмайтын және шығындалатын болып бөлінеді. Оларға қойылатын негізгі талаптар: жеткілікті механикалық беріктілік, жоғары температураға шыдамдылық, төмен активті кедергі. Доғалық пештерде үздіксіз өсірілетін графиттелген электродтар қолданылады. Олардың дөңгелек қимасы және осі бойынша бұрандалы саңылаулы өңделген бүйіржағы бар. Саңылауларға электрод материалынан жасалған бұрандалы түтіктер бұралған. Бұрандалы түтіктер ұзындығының жартысына дейін бұралған. Электродтың бүйіржағынан шығып тұрған бқрандалы түтіктің жарты бөлігіне келесі электрод бұралған және т.с.с. Осындай жолмен бірнеше электродтан тұратын электродты шырақ дайындалады.

Диаметріне байланысты электродтарды 1000-1800мм ұзындықта әзірлейді. Электродтардың шырағының төменгі бөліктері пеште жану дәрежесіне байланысты ол жылжу механизмінің көмегімен төмен түсіріледі. Электр ұстағыш пештің күмбезіне жеткенде электродтардың өсірілуі және қайта қосылуы жүзеге асырылады.

6.1. кесте.

Пештің түрі	Трансформатордың номинал қуаты, кВ·А	Трансформатордың бірінші ретті орамының кернеуі U1, кВ	Екінші ретті кернеудің өзгерісінің шектері, ∆U, B	Трансформатордың екінші ретті орамасының тогы I2, кА	Электр энергиясының шекті шығыны w, кВт·сағ/т
ДС-0,5	400	6,10	213-110	1,085	650
ДСП-1,5	1000	6,10	225-118	2,57	550
ДСП-3	1800	6,10	242-122,5	2,25	525
ДСП-6	2800	6,10	257-197,5	6,3	-
ДСП-12	5000	6,10	278-202	10,4	500
ДСП-20	9000	6,10	318-116	16,35	470
ДСП-25	16000	35	384-148	24-10	-
ДСП-40	15000	35	386-126	23,5	-
ДСП-50	20000-29150	35	486-152	27,7-34,6	460-440
ДСП-80А	32000	35	478-161	38,8	420
ДСП-100	45000	35	591,5-164,1	43,9	-
ДСП-200	45000	35	-	-	400

Графиттелген электродтарды арнайы электрлік пештерде жасанды элетрграфиттен дайындайды. Олар көміртікке қарағанда қымбат болғанына қарамастан, заманауи пештерде айтарлықтай басым түрде графиттелген электродтар қолданылады. олардың негізгі артықшылықтары – меншікті кедергісінің аз болуы.

Кейде қолданылатын диаметрі 100-1200мм графиткөмірлі электродтар арнайы пештерде дайындамларды оттегінсіз 1600К дейінгі температурада күйдіру жолымен антрациттен, термоантрациттен (қыздырылған антрациттен), мұнайлық кокстен, таскөмірлі пектен (таскөмірді айдау қалдығы) және шайырдан дайындалады.

Біздің елімізде сыйымдылқтары 200т дейін, қуаты 80МВ·А дейін трансформатормен қуатталатын пештер эксплуатацияланады. Болашақта сыйымдылқтары 300-400т болатын пештер жасалуы керек. ДБП негізгі берілгендері 6.1 кестеде келтірілген.

Пештің қуаты жоғарылағанда 1т металды балқытуға кететін энергия шығыны төмендейді, бұл пеш қондырғыларының беталысының іріленуін анықтайды.