Тақырыбы: ms Word редакторында құжаттарды дайындау және оларды сақтау

MS Word – мәтіндік құжаттарды дайындауға, түзетуге және қағазға басып шығаруға арналған Windows жүйесінің қосымша бағдарламасы. Ол – мәтіндік және графикалық ақпараттарды өңдеу барысында жүзден аса операцияларды орындай алатын ең кең тараған мәтін редакторларының бірі.

Қазіргі компьютерлік технологияда орындауға болатын кез келген операция бұл ортада жүзеге асырыла береді. Мысалы, басқа ортада дайындалған мәтіндік фрагменттер, кестелер, суреттер сияқты неше түрлі объектілерді байланыстыра отырып осы ортаға енгізуге болады.

Word іске қосылған соң, экранда 1-құжат деген бос терезе пайда болады. Құжаттың бұлай аталу себебі Word бағдарламасы іске кіріскен кезден бастап, бұл сіздің 1-құжатыңыз болып саналады. Келесі құжат 2-нөмірлі, онан соң 3-нөмірлі тағы сол сияқты болып әрбір келесі құжат нөмірі осылай өсіп отырады.

Жаңа құжат ашарда Word оны құру үшін белгілі бір шаблонды (нұсқаны) пайдаланады. Нұсқа жаңа құжатты форматтау параметрлерін анықтайды. Бұл параметрлерге шрифтегі таңбалар сызылымы, парақ айналасындағы бос қалдырылатын өрістер (поля) мәні, табуляция символдары және тағы басқалары жатады. Нұсқалардың бұлардан басқа мынадай элементтері болуы мүмкін:

-мәтін (мысалы, жоғарғы немесе төменгі колонтитулдар немесе бер нөмірлері);

-кестелер;

-төртбұрышты жақтаулар;

-графикалық бейнелер;

-кейбір арнайы құралдар (макрокомандалар, батырмалар, аспаптар тақтасы) және т.б.

Мәтін теріліп жатқан кезде компьютердің жедел жадында болады да, ток не компьютер өшіріліп қалса, бірден жойылып кетеді. Сондықтан бірнеше сағаттық еңбегіңіз жоғалып кетпес үшін, оны дер кезінде ауық-ауық дискіге жазып отыру керек.

17-сабақ.

Тақырыбы: «Құжат ашу» сұхбат терезесінің мүмкіндіктері

«Құжат ашу» сұхбат терезесі кішігірім ақпараттық іздеу жүйесінің қызметін атқара алады. «Құжат ашу» терезесінің төмендегідей қосымша мүмкіндіктері бар:

-файл іздеуді жүзеге асыру;

-мәтіндік құжат ашу;

-файлды басқа орынға орналастыру;

-файлды қиып алу (алмасу буфері арқылы);

-файлдың көшірмесін алу;

-жарлықта дайындау;

-файлды жою;

-файл атын өзгерту;

-файл қасиеттерін қарап шығу;

-файлды ашпай-ақ, оны жылдам қарап шығу;

-файлдағы мәліметті тек оқу үшін ашу;

-файлды қағазға басып шығару;

-бумадағы файлдарды реттеу.

Жоғарыдағы көрсетілген барлық іс-әрекеттер «Құжат ашу» сұхбат терезесінің басқару тақтасы мен тінтуірдің оң жақ батырмасы арқылы ашылатын контекстік жанама менюлер жүйесі көмегімен орындалады. «Құжат ашу» сұхбат терезесінің басқару тақтасы батырмаларының атқаратын қызметтері: 1.Бір деңгей жоғары өту – бумалар сатысымен жоғары бір деңгейге өтуді жүзеге асырады. 2. Өз бумаңды ашу - өзіңнің пайдалануыңа арналған буманы ашады. 3. Өз бумаңа орналастыру – құжатты өз бумаңа орналастырады. 4. Майда белгілер – бумалар тізімін олардың шарт белгілері мен атын жазу арқылы бейнелейді. 5. Кесте – бумалар тізімі кесте түрінде олардың соңғы өзгертілген мерзіміміен бірге бейнеленеді. 6. Қасиеттерін шығару – экранға осы құжат туралы мағлұматтар шығару: дайындалған, не өзгертулер енгізілген уақыты, көлемі және т.б. 7. Ішкі мазмұныны шығару – құжатты экранда жылдам қарап шығуды жүзеге асырады. 8. Командалар мен режимдер – оқу, қағазға басу, іздеу, сұрыптау командаларының тізімін ашады.

18-сабақ.

Тақырыбы: Кестелерді даярлау және түзету

Мәтіндік редакторлармен жұмыс істеу барысында реттелген ақпаратты жиі пайдаланамыз. Осындай реттелген, ықшам ақпаратты құжаттарды сақтаудың ең бір қолайлы тәсілі кестелер болып табылады. Кестелер әртүрлі амалдар жиынын орындай алатын кестелерді ыңғайлы пайдалану жолдарын ұсынады. Кестелермен жұмыс істеуге арналған командалар кестені даярлау мен оны өңдеуді жеңілдетуге, сондай-ақ ондағы сақталынған мәліметтерді реттеу мен форматтауға мүмкіндік береді.

Кесте құжаттық мәтіннің кез келген жерін қойыла береді. Кесте мөлшері қағаз парағынан үлкен болуы да мүмкін, сондықтан ол бір немесе бірнеше беттерде орналаса алады. Мұндай жағдайда кесте тақырыптарын әрбір беттің жоғарғы жағына автоматты түрде орналастыру керек.

Кестені алғаш рет даярлау үшін Кесте -- Кестені кірістіру командасын немесе стандартты аспаптар тақтасының Кестені кірістіру батырмасын пайдалану керек. Кесте даярланған соң, ұсынылған стандартты форматтардың жиынынан өзіңізге қажетті форматты таңдап алу үшін Кесте -- Кестені автоформаттау командасын пайдаланған жөн. Бұл тәсіл кестелерді форматтау үдерісін анағұрлым жеңілдетеді.

Жұмыс кезінде мәліметтер орналасқан кестенің параметрлерін жиі-жиі өзгерту қажеттігі туады. Word редакторында кестелерді өңдеудің көптеген мүмкіндіктері – ұялардағы мәліметтердің орнын ауыстыру және көшірмелерін алу, торлардың биіктігі мен енін өзгерту және т.б.

19-сабақ.