1.1 Жұмыс оқу бағдарламасы (Sillabus)

0. Оқытушылар туралы мәліметтер және байланыс ақпараты

Қарасартова Мадина Муратовна аға оқытушы, Мусаева Жайдары Толеубаевна оқытушы аға оқытушы, Қыстаубаева Ғалия Айташқызы аға оқытушы.

Әлеуметтік-гуманитарлық пәндер кафедрасы ҚарМТУ-нің I корпусында (Б.Бульвары, 56) орналасқан, 223 ауд., байланыс телефоны 56-59-32 қос 2052.

1.2 Пәннің еңбек сыйымдылығы

Семестр	Кредиттер саны	Сабақтардың түрі					СӨЖ сағаттар саны	Жалпы сағаттар саны	Бақылау түрі
		Қосылған сағаттар саны			ОСӨЖ сағаттарының саны	Барлығы сағаттар саны
		лекциялар	Практикалық сабақтар	Зертханалық сабақтар
5	2	15	15		30	60	30	90	емтихан

1.3 Пәннің сипаттамасы

«Құқық негіздері» пәні жоғары оқу орны студенттерімен оқытылатын, әлеуметтік гуманитарлық пәндердің жалпы білім циклына кіреді.

Кез келген адамның өмірінде құқық маңызды орын алады, ол қоғамның, мемлекеттің алуан түрлі салаларын, көп жағдайларда азаматтардың жеке өмірінің де сан қырларын қамтиды.

Пәнді оқу құқық, мемлекет, құқықтық құбылыстар туралы аса маңызды деректерді қамтиды. Осы курс заңдық емес мамандықтар студенттеріне арналған. Білім алу құқықтық тұрғыдан келгенде сауатты, өз құқығын білетін әрі қорғай алатын тұлға қалыптастыруға бағытталған. Студенттің құқықтық санасын қалыптастыру және құқықтық мәдениетін арттыру да пәнді оқыту барысында маңызды орын алады.

Оқу курсында құқық салаларының негізін қалайтын ұғымдар мен құқықтық нормалар, қазақстандық құқықтың жетекші салаларының ұғымдары мен қағидаттары қарастырылады. Әсіресе азаматтың күнделікті өмірінде жиі кездесетін құқық салаларын оқып-зерделеуге баса көңіл бөлінеді. Атап айтқанда, азаматтық, еңбек, отбасы құқығы.

1.4 Пәннің мақсаты

«Құқық негіздері» пәнін оқыту мақсаты: Қазақстан Республикасындағы құқықтық мемлекеттілікті жетілдірудің қажетті шарты ретіндегі қазақстандық патриотизмді тәрбиелеу, оқушылардың әлемдік танымын қалыптастыру, қоғамдық және құқықтық мәдениет және жеке құқық танымын жоғарылату.

Оқу пәнін оқыту мақсаты қазіргі қоғамның қажеттілігі мен мүддесінен туындап отыр. Оқытудың негізгі мақсаты заң мамандығын алмайтын студенттерге мемлекет және құқық теориясының негіздерін меңгеру, ұлттық құқықтың жетекші салаларының шеңберінде қажетті білім беру. «Құқық негіздері» пәні заңдық емес мамандықтардың студенттерінің заң ғылымының құқық негіздерін оқып-үйренуі, студенттерге өмірде және халықаралық оқиғаларда дұрыс бағыт-бағдар сілтеу, құқықтық емес кәсіптің болашақ мамандарының тиісті заңдық білімді алып қана қоймай, келешекте өзінің еңбек қызметін жемісті жүзеге асыру мақсатын алға қояды.

1.5 Пәннің міндеттері

Пәннің міндеттері мынадай:

Берілген пәнді оқу нәтижесінде студенттер міндетті:

- мемлекеттік стандартына сәйкес студенттердің жалпы юриспруденция туралы;

- заңнамалық жүйе және заңның заңдылық күші туралы түсінікке ие болуға;

- ата Заңымыз - ҚР Конституциясын, конституциялық заңдарды, заңшығарушылықпен айналысатын мемлекеттік органдарды, қолданыстағы құқық салаларын білуге;

- заңнамаларды бағдарлай білуі, заңдық әдебиеттермен жұмыс істей білуге;

- келісім-шарттарды жасай білу, нормативтік-құқықтық құжаттармен практикалық дағдыларды меңгеруге.