1. Оқу тәжірибесі

2. Өндірістік - полигондық тәжірибе

Өндірістік тәжірибеден өтудің үлгілік оқу бағдарламасын жүзеге асыру барысында жеке бригадалық және жеке оқыту бойынша тәжірибелік жұмыстар өткізу, саяхат жасау, оқытудың дәстүрлі жүйесі мен қазіргі заманға сай жаңа технологиялар мен дидактикалық, көрнекілік, оқу-әдістемелік құралдарын қолдану ұсынылады.

Өндірістік тәжірибеден өтудің үлгілік оқу бағдарламасы техникалық және кәсіптік білім беру ұйымдары тарапынан жұмыс оқу бағдарламаларын даярлап шығару негізі болып табылады.

Өндірістік тәжірибеден өтудің үлгілік оқыту жоспарында көрсетілген оқыту көлемі сағатын 15-25% шамасында өзгеруге құқылы (ҚР МЖМБС 4.05-2008 «Орта білім. Техникалық және кәсіптік білім. Негізгі ережелер»);

- тәжірибеден өтуге белгіленген тараулар және тақырыптар бойынша жалпы оқыту мөлшерін бөлуге;

- бағдарламалық материалды оқыту барысында дәлелденген өзгерістерді енгізуге;

- мазмұны бойынша ұқсас жеке тәжірибелік және зертханалық сабақ түрлерін алмастыруға;

Тараулар атауы жұмыс берушілер талаптары мен жергілікті жағдайларды есепке

алу барысында аймақтық компонентті енгізу есебінен өзгертілуі мүмкін.

1. Кәсіптік тәжірибенің яғни оқу және өндірістік полигондық тәжірибенің дайындалуы және ұйымдастырылуы.

Тәжірибенің басталар алдында білім алушылар мен жетекші оқытушылардың жиналысы бірнеше күн бұрын өткізіледі.

Жиналыста білім алушыларға тәжірибенің өту уақыты, анықталған оқу жоспары, кәсіпорындардағы жұмыс мазмұны туралы айтылуы тиіс.

Тәжірибенің базасын таңдаған кезде келесіні ескеру керек:

• тәжірибенің бағдарламасын жүзеге асыру мүмкіндігін;

• тәжірибелік дағдыландыру үшін қажетті мамандардың бар болуы.

2. Тәжірибені басқару және бақылаудың әдістері

Колледж жағынан білім алушылардың тәжірибесін ұйымдастыру мен оқу - әдістемелік құралдар мен нұсқаулармен қамтамасыз ету кафедра арқылы жүзеге асады, Тәжірибе жетекшісі ретінде кафедра оқытушысы тағайындалады.

2.1 Колледжден тағайындалған жетекшінің міндеті:

• білім алушыларға күнделіктерді жүргізу, өткізілген жұмыс туралы сұрақтары бойынша мағлұмат беру;

• білім алушылармен өткізілетін жұмыстарының күнтізбелік-тақырыптық жоспарының жүзеге асуын қадағалау.

2.2 Кәсіпорындағы жетекші міндеті:

• біліктілік жетекшілігін жүзеге асыру, білім алушыны автоматтандырылған жұмыс орнымен қамтамасыз ету;

• тәжірибе өтетін білім алушыға жұмысты түсіндіру, берілген тапсырмаларды сапалы түрде және уақытында тапсыруды талап ету;

• тәжірибенің соңында білім алушы өткізген жұмыс бойынша тиісті сипаттама беру, тәжірибешімен жасалған есеп беруді растау;

2.3. Тәжірибе өтуші білім алушының міндеті :

• тәжірибені өтетін орынға дәл мерзімінде келу;

• кәсіпорында орнатылған ішкі ережелер мен жұмыс туралы заңнаманың талаптарын сақтау;

• тәжірибенің бағдарламасын жеке жоспарына сәйкес орындау;

• кафедрадан тәжірибе жетекшісінің консультацияларын қолдану;

• күнделікті тиісті түрде жүргізіп, кәсіпорында тәжірибені өту туралы есеп беруде жазуларды жүргізу;

• жұмыс орнында алынған жұмысты өз бетінше орындап, сапасына жауап беру;

• міндетті түрде күнделікті жүргізіп, жетекшіге күнделікті барып тексерту, қолын қойғызу;

• есеп беруді, оның қосымшасын уақытында дайындау.

Білім алушы бірінші күні ұжыммен танысып, тәжірибе жетекшісімен біріге отырып, бекітілген бағдарламаға сәйкес тәжірибені өту үшін күнтізбелік-тақырыптық жоспарын құрады. Күнтізбелік-тақырыптық жоспардың үлгісі бірінші қосымшада көрсетілген.

Көңіл аударыңыздар!

Күнтізбелік - тақырыптық жоспар міндетті түрде кәсіпорындағы тәжірибе жетекшісінің қолымен және гербті мөрімен расталуы тиіс.

Кәсіптік тәжірибеге шығар алдында білім алушы өзімен бірге алуы тиіс құжаттар:

• Колледж деканатынан тәжірибеге жолдама және күнделік алу;

• Кітапханадан немесе кафедрадан кәсіптік тәжірибе яғни оқу және өндірістік - полигондық тәжірибенің бағдарламасын;

Тәжірибе аяқталған кезде осы құжаттарды міндетті түрде білім алушы кафедрадаға, колледждегі жетекшіге әкелуі тиіс;