Шымкент көпсалалы колледжі

Келісілді Бекітемін

Әдістемелік орталықтың Директордың оқу-тәрбие

меңгерушісі істері жөніндегі орынбасары:

Байназарова Г.А. ___________ Жаналиева Г.Ж. ________

« _ »_________ 2014ж. « _»____________2014 ж.

Сабақтың әдістемелік тәсілдемесі

Пәні: Ішкі аурулар пропедевтикасы

Тақырыбы: Тыныс алу ағзаларының аурулары бар науқастарды субъективті тексеру әдістері, науқастарды сұрастыру. Объективтік зерттеу әдістері: қарау, пальпация, перкуссия, аускультация

Мамандығы: 0301013 – Емдеу ісі

Семестр: 5

Курс: 2

Кафедра меңгерушісі:____________ Умарова М.С.

Құрастырған:____________________ Төреханова М.С.

1. Мазмұны.

Тақырыбы: Субъективті тексеру әдістері, науқастарды сұрастыру

Сабақтың түрі: теория

Өткізу әдісі: түсіндіру, баяндау, сұрақ-жауап

Сабақтың мақсаттары:

1. Білімділік: оқушыларға ауру туралы жалпы мәліметтерді дұрыс жинау, сырқатнаманың төлқұжаттық бөлімін толтыру, шағымдарын қалай сұрастыру керектігін, алынған мәліметтерді сараптауды үйрету.

2. Тәрбиелік:

• Адамгершілік тәрбиесін беру (үлкенге сый-кішіге жол көрсету, мәдениетті түрде өз ойын жеткізе алу)

• Еңбек тәрбиесі ( еңбекке баулу, мамандыққа бағдарлау )

3. Дамытушылық:

• Жеке тұлғаны дамыту (талдау, салыстыра білу қабілеттерін дамыту, оқу материалынан ең бастысын бөліп алу, классификациялау)

• Танымдық қызығушылықты дамыту (танымдық қызығушылықты дамытудың стимулы: жаңашылдық пен ғылым мен техниканың жетістіктерін пайдалана білу )

Пәнаралық және пәнішілік байланыс:

Пәнаралық байланыс – Патологиялық физиология, Ішкі аурулар

Пәнішілік байланыс –Медициналық деонтология, Жалпы нозология

Сабақтың құрылымы:

1. Ұйымдастыру кезеңі – 5 мин.

• Сәлемдесу;

• Оқушылар мен аудиторияның сабаққа дайындығын тексеру;

• Оқушылардың зейінін сабаққа аудару.

2. Білімді тексеру кезеңі – 20 мин.

1.Емдеу алдын-алу мекемелерінің қандай түрлері бар?

2. Аурухананың құрылымы қандай?

3.Емханада қандай медициналық құжаттар толтырылады?

3. Жаңа тақырыпты түсіндіру – 45 мин.

Дәріс жоспары

І.Кіріспе

1.1. Тыныс алу жүйесінің анатомо- физиологиялық қасиеттері

1.2.Тыныс алу жүйесі дерттерінің таралуы, әлеуметтік маңыздылығы

ІІ. Негізгі бөлімі

2.1. Тыныс алу жүйесі дерттері бар ауруларды тексеру әдістері:

-сұрап тексеру (шағымдары және анамнезі)

-қарап тексеру (жалпы қарау, кеудені қарау, оның пальпациясы, перкуссиясы және аускультациясы)

3.Қорытынды бөлімі

Тыныс алу жүйесінің анатомо- физиологиялық қасиеттері

Тыныс алу жүйесі ағзаларына:

• жоғарғы тыныс жолдары (мұрын қуысы, мұрын-жұтқыншақ, ауыз-жұтқыншақ, көмей);

• төменгі тыныс жолдары (кеңірдек, қолқалар); өкпе тіні,

• плевра және оның қуысы;

• тыныс алу қимылын атқаратын жүйе (тыныс бұлшық еттері, қабырғалар) жатады.

Тыныс алу жүйесінің негізгі қызметі - бұл ағза және қоршаған орта арасындағы газ алмасу үрдісін қалыпты қамтемесіз ету.

Бұл қызметі бір-бірімен байланысты үш үрдістен құралады:

- өкпенің ауаға толуы;

- ауаның альвеолалар қабырғасынан өтуі;

- өкпе қан айналымының қарқындылығы.

Сұрап тексеру, тыныс алу жүйесі дерттерінің шағымдарын анықтау

І.Шағымдары: көрсетілген әрекеттер реттілігін сақтап анықтау:

1.Өзін таныстырып және науқастың (балалардың ата-анасымен немесе өзінен) аты-жөнін, тегін анықтағаннан кейін “Қандай шағымдарыңыз бар” немесе “Сізді не мазалайды”? деген сұрақтар беріп, науқастың шағымдарын анықтайды. Олар: жөтел, қан қақыру, кеудедегі ауру сезім, ентігу, тұншығу, қалтырау, әлсіздік, шаршағыштық, бас ауру, ұйқының бұзылысы, тәбеттің төмендеуі.

2.Негізгі шағымдарды айырып алу- жөтел, кеудедегі ауру сезім, ентігу, тұншығу, қан қақыру;