6.1 Объектілерді бұру

Объектілерді бұру Повернуть (Rotate) командасының көмегімен жүзеге асырылады.

Повернуть (Rotate) командасын РЕДАКТИРОВАНИЕ құлама мәзірінен немесе аспаптар тақтасындағы пиктограммасын басу арқылы шақыруға болады.

6.1 – суретте объектіні 60 градус бұрышқа бұру көрсетілген.

6.2 Фаскаларды орындау

Фаска (chamfer) командасын РЕДАКТИРОВАНИЕ (Modify) құлама мәзірінен немесе аспаптар тақтасындағы пиктограммасын басу арқылы шақыруға болады.

6.2 – суретте команданың қандай геометриялық параметрлермен жұмыс істейтіні көрсетілген.

Фасканы екі жолмен салуға болады:

1. Бірінші және екінші кесінділердегі фаскалардың ұзындығын анықтау арқылы;

2. Бірінші кесіндідегі фасканың ұзындығын және фасканың осы кесіндімен жасайтын бұрыштың шамасын анықтау арқылы.

Фаска командасы тек қана түзу сызықты объектілер: кесінділер, сәулелер, түзулер, тік төртбұрыштар, көпбұрыштар мен полисызықтар үшін ғана қолданылады.

6.3 Түйіндесулерді орындау

Түйіндесуді Сопряжение (Fillet) командасының көмегімен орындайды.

Сопряжение (Fillet) командасын РЕДАКТИРОВАНИЕ (Modify) құлама мәзірінен немесе аспаптар тақтасындағы пиктограммасын басу арқылы шақыруға болады.

6.4 Объектілерді «қасиеттер» терезесінде редакциялау

Свойства (properties) диалогтық терезесі AutoCAD объектілерінің қасиеттерін көру мен өзгертудің негізгі құралы болып табылады. Бұл терезенің көмегімен редакциялауға жататын кез келген қасиеттерді өзгертуге болады, оның ішінде:

• Барлық объектілерге тән жалпы қасиеттерді (түс, қабат, сызықтың түрі, сызық түрінің масштабы, баспа стилі, сызықтың қалыңдығы, гиперсілтеме, биіктік) өзгерту;

• Объектілердің, оның ішінде парақ кеңістігіндегі көрініс экрандарының да, геометриялық қасиеттерін редакциялау;

• Мәтін мазмұнын және қасиетін өзгерту;

• Өлшем блоктарының барлық параметрлерін өзгерту;

• Гипербайланыстарды өзгерту.

Бұл диалогтық терезені келесі жолдармен шақыруға болады:

1. Стандартный аспаптар тақтасы  пиктограммасы;

2. Редактировать құлама мәзірі  Свойства пункті;

3. Контекстік мәзір арқылы: объектіні таңдағаннан кейін, тышқанның оң батырмасын басып, контекстік мәзірден Свойства бөлімін (ол тізімнің соңында болады) таңдау;

4. Объектілердің ішінде көбісінің қасиеттері терезесін тышқанның сол батырмасымен объектіні екі рет шертіп қалып, шақыруға болады.

5. Пернетақтадан Окносв командасын енгізу арқылы.

6.5 Объектілерді масштабтау.

Объектілерді үлкейту немесе кішірейту Масштаб (Scale) командасының көмегімен жүзеге асырылады. Масштаб (Scale) командасын РЕДАКТИРОВАНИЕ (Modify) құлама мәзірінен немесе аспаптар тақтасындағы пиктограммасын басу арқылы шақыруға болады.

Негізгі әдебиет: 1 нег.85-101, 2 нег. 161-243.

Қосымша: 1 қос.[242-273].

Бақылау сұрақтары:

1. Кесіндіні қандай команданың көмегімен керекті жерге дейін ұзартуға болады?

2. Объектінің бөлігін қандай команданың көмегімен өшіруге болады?

3. Түйіндесуді қандай команданың көмегімен орындайды?

4. Қандай команданың көмегімен объектіні берілген бұрышқа бұруға болады?

5. Фаска командасын қандай объектілер үшін қолдануға болады?

6. Свойства (properties) диалогтық терезесін қалай шақыруға болады?

7-дәріс. Күрделі примитивтер.

Күрделі примитивтер жазық және кеңістік болады. Жазық примитивтерге келесілер жатады:

Полисызық

Мультисызық

Сызықшалау (Штриховка)

Өлшемдер

Растрлық кескіндер