Жаттығулар мен есептер

1. Төменде көрсетілген ерітінді қоспаларының қайсысын NaOH ерітіндісімен кондуктометриялық титрлеу арқылы екі компоненттің мөлшерін анықтауға болады: a)HCl+H₂SO₄; б) HCl+CH₃COOH; в) H₂SO₄+CuSO₄; г)H₂SO₄+Na₂SO₄.

2. Төменде көрсетілген ерітінді қоспаларының қайсысын HCl ерітіндісімен кондуктометриялық титрлеу арқылы екі компоненттің мөлшерін анықтауға болады: a) NaOH+NH₄OH; б) NaOH+KOH; в) NaOH+ NaCl .

3. Көлемі 50мл NaOH және NH₄OH қоспасын 0,0100М HCl ерітіндісімен титрлегенде төмендегі мәндер алынды.

VHCl	0	1.0	2.0	3.0	4.0	5.0	6.0	7.0	8.0	9.0	10
,См , 1-вар	6.3	5.41	4.52	3.62	3.71	4.79	5.85	6.93	9.00	12.1	15.13
,См, 1-вар	5.68	4.46	3.20	-	3.00	3.84	4.68	5.50	7.00	10.8	14.55
,См, 1-вар	6.60	5.98	5.30	4.68	4.05	-	4.45	5.70	7.80	12.0	16.20

Титрлеу қисығын тұрғызып NaOH пен NH₄OH концентрацияларын анықтаңыз.

Жауабы:

1-вар.-0,028 г/л NaOH ; 0,01363 г/лNH₄OH

2-вар.-0,02400 г/л NaOH ; 0,01669 г/лNH₄OH

3-вар.-0,0400 г/л NaOH ; 0,008852 г/лNH₄OH

Бақылау сұрақтары

1. Кондуктометриялық анализ әдісінің негізі.

2. Электрөткізгіштікке температураның, ерітінді концентрациясының әсері қандай?

3. Кондуктометриялық титрлеу қисығын тұрғызу үшін қандай координаттар жүйесін қолданады?

4. Қышқылды-негіздік, тұнба түзу, комплекс түзу реакцияларын қолданғандағы титрлеу қисықтарын келтіріңіз.

5. Күшті қышқылды күшті негізбен титрлегенде титрлеу қисығының өзгерісі қандай болады? Мысал келтіріңіз.

6. Күшті қышқыл мен әлсіз қышқыл ерітіндісінің қоспасын күшті негізбен титрлегенде титрлеу қисығының өзгерісі қандай болады? Мысал келтіріңіз.

7. Жоғары жиіліктегі кондуктометриялық титрлеу әдісінде қолданылатын қондырғылардың ерекшеліктері.

8. Кондуктометриялық анализ әдісінің артықшылықтары және кемшіліктері. Мысал келтіріңіз.

№ 2 Лабораториялық жұмыс

Тақырыбы: Потенциометриялық әдiстер. Тура потенциометрия (ионометрия). Шыны электрод көмегiмен ерiтiндi рН-ын анықтау.

¤лшеу жұмыстарына қажетті құрал-жабдықтар мен реактивтер: рН-метр, индикаторлы шыны электроды, хлоркүміс салыстырмалы электроды, сыйымдылығы 50-100мл стакандар, буферлі ерітінділер, рН=3,56/КС₄Н₅О₆ қаныққан ерітіндісі және рН=9,18/0,05М N₂В₄О₇*10Н₂О ерітіндісі.

Жұмыстың мақсаты: Шыны электрод көмегiмен ерiтiндi рН-ын анықтау.

Зерттеу тақырыбының қажеттілігі: Ерітіндінің электр қозғаушы күші, оның негізгі физика-химиялық қасиеттерінің бірі болып есептелінеді. Ерітіндінің ЭҚК иондардың концентрациясына және олардың табиғатына байланысты. Ерітіндінің электр өткізгіштігін өлшеу, титриметриялық анализде эквиваленттік нүктені анықтауда кеңінен қолданылады.

Пререквизиттер: аналитикалық химия, жалпы химия.

Постреквизиттер: физикалық химия, электрохимия т.б. пәндерді игеру қажет.

Студенттің алдын-ала меңгеріп келуге тиісті дағдылары:

1. Потенциометриялық анализ әдістері тақырыбы бойынша орындалатын жұмыстың методикасы.

2. Потенциометриялық анализ әдістерінің негізі.

Студенттің алдын-ала біліп келуге тиісті мәліметтері:

1. Кондуктометриялық анализ әдістері. Олардың типтері.

2. Ерітіндінің электр қозғаушы күші.

3. Электр қозғаушы күшке әр түрлі параметрлердің әсері.

4. Потенциометриляқ титрлеу әдісінің негізі, титрлеу қисықтары.

5. Потенциометриляқ анализ әдісінің артықшылықтары мен кемшіліктері.