3.3 «Банк ісі» мамандануы бойынша дипломалды тәжірибеден өту бағдарламасы

Банктерде өндірістік тәжірибеден өту кезінде (ҚР ҰБ және коммерциялық банктер) студенттерге келесілерді зерттеу қажет:

1. Банктің қысқаша сипаттамасы.

2. Қысқаша тарихи анықтама беру.

3. Банктің құрылуының ұйымдастырушылық-құқықтық негізін сипаттау (жоғары тұрған құрылымдармен кәсіпорындардың, мекемелердің қарым-қатынас жүйесі).

4. Жоғары тұрған органдармен және басқа банктермен өзара қарым-қатынас.

5. Құрылтайшылармен қарым-қатынас (ҚР ҰБ-ң үкімет органдарымен).

6. Клиенттермен өзара қарым-қатынас.

7. Үш жыл ішіндегі банктің қаржылық жағдайын талдау (негізгі қаржылық көрсеткіштерді сипаттау: активтер, меншікті капитал, міндеттемелер, табыстар, шығыстар).

Студенттерге келесідей бөлімдерден өту және үйрену керек:

Несие бөлімі

- банктік несиелеудің шарттары мен жағдайларымен танысу;

- банктік өнімдердің түрлері бойынша несиелеу нұсқаулығын зерттеу;

-несие түрлері бойынша әлеуетті қарыз алушының несиеге қабілеттілігін талдау;

- несие түрлері бойынша кепілді қамтамасыз етуді бағалау.

Егер тақырыпты қарастыру барысында құжаттың мақұлдануы талап етілсе, онда сілтеме жасау және келесідей құжаттар салынуы қажет:

1. Несие түрлері бойынша несиелеу шарттары;

2. Қарыз алушының сауалнамасы;

3. Банктік қарыздың келісім-шарты;

4. Кепіл туралы келісім-шарт;

5. Өтеудің болжамды графигі;

6. Басқалай ілеспе құжаттар.

Операциондық бөлім

Операциондық бөлім жұмысын ұйымдастыру бойынша банктің нұсқаулық материалдарын зерттеу;

• Есеп-шоттарды ашу және жүргізу тәртібін зерттеу;

• Банктік есеп-шоттарды жабу тәртібін зерттеу;

• Депозиттік операциялар менеджерлерінің жұмысын зерттеу.

Қосымшаға қажет құжаттар:

1. Мөр және өкілетті тұлғалардың қолдарының үлгілері қойылған құжат;

2. Банктік есеп-шот келісім-шарты;

3. Заңды және жеке тұлғалардың салымдарын тарту шарттары;

4. Банктік салым келісім-шарты;;

5. Төлем тапсырмалары.

Ақша айналымы мен кассалық операциялар бөлімі

• Касса меңгерушісі мен кассирлердің міндеттемелерін зерттеу;

• Кіріс кассасы операцияларын жүргізу тәртібін зерттеу;

• Шығыс кассасы операцияларын жүргізу тәртібін зерттеу;

• Кешкі касса операцияларын жүргізу тәртібін зерттеу;

• Қайта есептеу кассасының жұмыс тәртібін зерттеу.

Қосымшаға қажет құжаттар:

1. Кіріс кассалық ордер;

2. Шығыс кассалық ордер;

3. Кіріс кассалық ордерлер реестрі;

4. Шығыс кассалық ордерлер реестрі;

5. Бас касса кітабы;

6. Касса бойынша журнал-ордер.

Бухгалтерлік есеп бөлімі

• Банктердегі бухгалтерлік есеп пен есептілікті, оның ішінде шоттар жоспарын жүргізу тәртібін зерттеу;

• Банктердегі ТМҚ-мен жүргізілетін операциялардың есебін зерттеу;

• Банктердегі негізгі құралдар мен олардың амортизациясының есебін зерттеу;

• Несиелер есебі мен олармен жүргізілетін операциялардың тәртібін зерттеу;

• Депозиттер есебі мен олармен жүргізілетін операциялардың тәртібін зерттеу;

• Үш жыл ішіндегі банктің шоғырландырылған бухгалтерлік баланстарын зерттеу;

• Үш жыл ішіндегі банктің шоғырландырылған табыстары мен шығыстарының есебін зерттеу;

• Үш жылдағы банктің ақша қаражаттарының қозғалысының есебін зерттеу.

Қосымшаға қажет құжаттар:

1. Үш жыл ішіндегі шоғырландырылған бухгалтерлік баланстар;

2. Шоғырландырылған табыстар мен шығыстардың есебі;

Бұдан басқа қосымша зерттеуге ұсынылатындар:

• Банктің жоспарлы-экономикалық қызметі.

• Банктердің бағалы қағаздармен қызметі.

• Халықаралық есеп айырысулар мен валюталық операциялар.

• Несиелік портфельдің құрылымы мен сапасы.

• Қызметті жоспарлау мен ұйымдастыру, өнімдер маркетингі.

• Банк дамуының стратегиялық жоспары.

• Банктің техникалық жағдайының сипаттамасы.

• Нарықтық жағдайдағы банктің даму перспективалары.