«Home banking» - үйде және жұмыс орнында банктік қызмет көрсету

Мәтінді оқыңыз және мазмұңдаңыз.

Банкоматтарды қолданумен қатар, әлемдегі банк жүйесі тұтынушыларға төлемдердің электрондық жүйесін, яғни электронды техниканы пайдаланып, банк операцияларын үйде отырып-ақ жүзеге асыруды ұсынады.

Банк қызметінің бұл түрі Батыс Еуропада өткен ғасырдың 80 жылдарында қарқынды дамыды. 1982 жылы Nottingam Building Society құрылыс қоғамы мен Шотландия банкі және British Teleсom компаниясы Homelink жүйесін енгізді. Батыс Еуропадағы ең ірі банктер бір-бірімен бәсекелес бола бастады.

Үйде немесе жұмыс орнында болсақ та, уақытымызды үнемдеп, банк операцияларының барлық түрін іске асыруға арналған банк қызметінің бұл түрі, қазіргі кезде Франция мен Американың ең ірі банктерінде және Ресейдегі кейбір коммерциялық банктерде енгізілген. «Home banking» банк қызметін таңдаған клиенттерге пароль немесе кілті бар дискет беріледі. Осы дискет арқылы олар барлық төлем түрлерін компьютер арқылы жіберіп, электронды қол қойып растайды. Бұл жүйе аптасына жеті күн тәулік бойы қызмет көрсетеді.

Батыс экономистерінің болжамы бойынша, жақын арада банк мекемелерінде күрделі өзгеріс болады деп күтілуде. Өйткені телекоммуникация мен ақпараттық технологияның дамуы миллиондаған қызметкерлердің үйде отырып жұмыс атқаруын қамтамасыз етеді. Мұның салдарынан мекемелерде төрт миллионға жуық қызмет орны босайды; әкімшілік ғимараттарға сұраныс азаяды. Бұл өзгерістер еңбек өнімділігін төрт есе көбейтіп, ірі кәсіпорындардың шығынын кемітеді. Адамның жұмыс орны – үйі болып, бүкіл қажетті ақпаратты үйдегі сенімді досы – компьютерден алуы ықтимал, деп күтілуде.

(Банковкие технологии» журналы, 2000. -№9. С.47-50.).

Сұрақтар:

1. Әлемдегі банк жүйесі тұтынушыларға төлемдердің электрондық жүйесі, банк операциялары қалай жүзеге асуда?

2. ҚР Банк жүйесі қазір қандай деңгейде?

3. «Home banking» жүйесі сізге ұнады ма?

4. Бұл жүйенің артықшылығы мен кемшілігі туралы не айтар едіңіз?

Ойтүрткі.

1. Қазақстанда банк қызметінің бұл түрі әлі дамыған жоқ.

Қалай ойлайсыз, бұл жүйе бізге керек пе?

Сіздің ойыңыз: ______________________________________________

2. ҚР Банк жүйесі қазір қандай деңгейде?

Сіздің ойыңыз: ______________________________________________

3. Бұл жүйенің дамуы үшін халықтың әл-ауқаты жоғары болуы қажет пе?

Сіздің ойыңыз: ______________________________________________

Лексика – грамматикалық тапсырмалар

1-тапсырма. Мына сөз тіркестерімен сөйлем құрастырыңыздар.

Халықтың әл-ауқаты, банк қызметінің бұл түрі, жүйенің тиімділігі, батыс Еуропа елдері

2– тапсырма. Бұл қызметтің тиімді және тиімсіз жақтарын топ болып талқылаңыздар, толықтырыңыздар.

Тиімді жағы	Тиімсіз жағы
1. Көптеген қызметкерлер үйде отырып-ақ жұмыс атқарады	1. Мекемелерде қызмет орындары азаяды.
….........................	2. ….............................
….....................	3. …...........................

3 – тапсырма. Жақшаның ішіндегі сөздерді қазақ тіліне аударыңыз.

1. Жақын арада (по мнению западных экономистов), банк жүйесінде күрделі өзгерістер болады деп күтілуде.

2. Шетел банктері банк қызметінің осы түрі бойынша өзара (конкурируют).

3. Үйде де, көлікте де, жұмыста да компьютерлер (будут установлены)

4-тапсырма. Мына сұрақтарға жазбаша жауап беріңіз.

1. «Home banking» жүйесі сізге ұнады ма?

2. Бұл жүйенің артықшылығы мен кемшілігі туралы не айтар едіңіз?

25– сабақ Лексикалық тақырып: Ипотекалық несие

1. Ойтүрткі.

1. Ипотекалық несие дегенді қалай түсінесіз?

Сіздің ойыңыз: ................................................

2. Ипотекалық несие алу тиімді ме?

Сіздің ойыңыз: .................................................

Осы сұрақтарға жауап беру үшін мына сөздерді пайдаланып, сөйлем құрастырыңыз:

Иә, әрине, өйткені, менің ойымша......................

Жоқ, мен бұл пікірге қосылмаймын, себебі......

1 – тапсырма. Тірек сөздер мен сөз тіркестерін меңгеріңіз.

Жылжымайтын мүлік - недвижимость

Кепілдік - гарантия

Ипотекалық несие - ипотечное кредитование

Қарыз - долг

Элитті тұрғын үй кешені -элитный жилой комплекс

Екінші деңгейлі рыноктағы - недвижимость на вторичном рынке

Тұрғын үй құрылысына қатысу үлесі - долевое участие

30% -дық алғашқы салымы бар несие - кредит с первоначальным взносом 30%

Табысты растайтын құжатсыз несие алу - кредит без потверждения доходов

Несиелендіру мерзімі - срок кредитования