2.4 Пәнді оқытудың соңғы нәтижелері.

Студент білуі тиіс:

• иммунологияның тарихи даму жолын; иммунитеттің негізгі теорияларын, иммунитеттің түрлерін;

• иммунды жүйенің ағзалық, жасушалық және молекулалық деңгейдегі құрылысын; оның негізгі қызмет ету принциптерін;

• иммунды жауап туралы түсінікті, иммунокомпетент жасушалар кооперациясын, иммунды жауаптағы жасушалық және гуморалдық механизмдердің маңызын;

• антигендерді, олардың негізгі түрлері мен сипаттамаларын;

• гуморалды иммунитет жүйесінің құрылысы мен қызметін, иммуноглобулиндер класын;

• комплемент жүйесінің құрылысы мен қызметтерін, активацияның негізгі жолдарын, комплементтің қалыпты жағдай мен патологиядағы маңызын;

• спецификалы иммунды жауаптағы антигентаныстырушы жасушалардың негізгі түрлерін; антигендердің өңделуі мен таныстырылуын;

• жасушалық иммунитет жүйесінің құрылысы мен қызметтерін, Т-лимфоциттердің негізгі субпопуляциялары мен қызметтерін; жасанды және табиғи төзімділік түсініктерін;

• иммунитет тапшылығы жағдайлары (ИТЖ) туралы түсінік пен олардың жіктелуін; ілкі және салдарлық ИТЖ клиникалық белгілері мен лабораторлық диагностика принциптерін;

• адамның иммунды статусына лабораторлық баға беру әдістерін;

• иммунды жүйенің реттелу механизмдерін; жүйке, иммунды және эндокринді жүйелердің қарым-қатынасының маңызын;

• адамның негізгі гистосәйкестік комплексінің құрылысын, локустардың қызметтерін; HLA-антигендердің тұқым қуалайтын ауруларға бейімділіктің генетикалық маркері ретіндегі маңызын;

• трансплантацияның иммунологиялық проблемаларын;

• ісікке қарсы иммунитеттің негізін, обырдың иммунды терапия мен иммунды диагностика әдістерін;

• Кумбс пен Джелл бойынша жоғары сезімталдық механизмдерінің жіктелуін, жоғары сезімталдықтың негізгі түрлерінің патогенезі мен клиникалық үлгілерін; аутоиммунды аурулардың патогенезін;

• вакциналық профилактика принциптерін, жаңа вакциналардың жіктелуін, вакцинация кезіндегі асқынулар мен оларды алдын алу шараларын .

Студент істей алуы тиіс:

• Иммунограмма нәтижелерін талқылау, оларды клиникалық мәліметтермен, зертханалық нәтижелермен, құрал-жабдықтардың зерттеулерімен салыстыра алуы және осылардың негізінде иммуножетіспеушілік жағдайды анықтау;

• Аллергиялық, аутоиммундық, инфекциялық аурулардың дифференциялды диагностикасын өткізу, клиникалық диагноз қою, ауруларды тексеруде қажетті зертханамен жабдықталған тәсілдердің комплексіне нұсқау жасау, оның ішінде балалар;

• иммунды жетіспкушіліктің формасына сәйкес коррекциялық терапия жүргізу;

Студент үйрену керек

• лейкограмма мен иммунограмма көрсеткіштерін түсіндіруді;

• шеткері қандағы лимфоциттердің және олардың субпопуляцияларының салыстырмалы және абсолютті санын анықтауды;

• иммунды ферментті талдау (ИФТ) әдісімен анықталған негізгі цитокиндер мен сарысулық иммуноглобулиндердің концентрациясын талдауды;

• фагоциттердің жұту қабілетін, сонымен қатар, спонтанды және индукцияланған НКТ-тестінде олардың тотығу-тотоқсыздану потенциалын анықтауды;

• трансплантациялау үшін лайық донор мен рецепиенттің HLA-антигендерін іріктеуді;

• ғылыми, медициналық әдебиеттермен және интернет-ресурстармен өзіндік жұмыс жүргізуді .

2.5 Реквизитке дейінгі: Жалпы иммунология, қалыпты физиология, патологиялық физиология, фармакология.

2.6 Реквизиттен кейінгі: «Жалпы дәрігерлік тәжірибие», «Ішкі аурулар», «Педиатрия», «Хирургия» интернатура бағыттары.