Энтеровирустық сары сулық менингит

Бұлар Коксаки және ЭСНО вирустары туғызатын менингиттер, жаз айларында жиі кездеседі. Негізгі тарау жолы ауа-тамшы жолы және фекальды-оральды жол кездеседі. Балалар жиі ауырады. Инкубациялық кезеңі 2-8 күн.

Клиникасы. Ауру жедел басталады, дене қызуы жоғары көтеріліп, қатты бас ауру, құсу пайда болады. Дене қызуы бір аптаға дейін сақталынады. Аурудың беті қызарып, мұрын-ерін маңы көкшіл тартады, коньнюнктивит, ангина, ерінде, мұрында герпестік бөртпелер байқалады. Петехиальді бөртпелер ауыз қуысында пайда болады. Қандағы лейкоциттердің саны көбейеді. СОЭ көтеріледі.

Негізгі клиникалық синдром гипертензиялық синдром, ол-бастың қатты ауруымен, құсумен байқалады. Менингеальдық синдром 2-3 күннен кейін дамиды. Бел пункциясын жасағаннан кейін аурудың басының ауырғаны азайып, жағдайы жақсарады.

Ликвордың қысымы өте жоғары, мөлдір, лимфоцитарлық плеоцитоз байқалады, клеткалар саны бірнеше жүздеп саналады (300-500).

Ағымы қатерсіз, екі аптадан соң аурудың жағдайы жақсарады. Көбіне энтеровирустық менингит толық сауығуымен аяқталады. Кейде рецидивтік ағымы байқалады. Бұл менингиттің этиологиясын анықтау көп жағдайда мүмкін емес.

Емдеу жолдары-дезинтоксикация, денсебилизация, дегидратация және симптоматикалық емдеу қолданамыз.