Работа с первоисточниками Из Тверской летописи

…В лето 6834 (1326). Того же лета князю Александру Михайловичу дано княжение великое, и прииде из Орды, и себе на великое княжение. Потом, за мало дний, за умножение грех ради наших, Богу попустившу Диаволу возложити злаа въ сердця безбожным татаром глаголати беззаконному царю: «Аще не погубиши князя Александра и всех князий русских, то не имаша власти над ними». И беззаконный и треклятый всему злу начальник Шевкал, разоритель христианский, отверзъ сквернаа своя уста, начат глаголити Диаволом учим: «Господине царю, аще ми велиши, аз иду в Русь и разорю христианство, а князя их изобию, а княгини и дети к тебе приведу». И повеле ему царь сътворити тако.

Беззаконный же Шевкал, разоритель христианский, поиде в Русь с многыми татары и прииде на Тферь и прогна князя великого с двора его, а сам ста на князя великого дворе с многою гордостию и яростию. И воздвиже гонение велико на христианы насилством и граблением и битием и поруганием. Народи же гражданстии, повсегда оскорбляеми от поганых, жаловахуся многожды великому князю, дабы их оборонил. Он же, видя озлобление людей своих и не могы их оборонити, терпети им веляше. И сего не терпяще, тферичи искаху подобно времени.

И бысть в день 15 августа месяца, пол-утра, как торг снимается, некто диакон тферитин, прозвище ему Дудко, поведе кобылицу младу и зело тучну, напоити ю на Волзе воды. Татарове же, видевши, отъяша ю, диакон же, сжаливси зело, начат вопити, глаголя: «О, мужи тферстии, не выдавайте!»

И бысть между ими бой. Татарове же начаша сечи, и абие стекашася человеци и сметошася людие. И удариша во вся колоколы, и сташа вечем, и поворотися град весь, и весь народ в том часе собрася. И бысть в них замятня, и кликныша тферичи, и начаша избивати татар, где которага застропив, дондеже и самого Шевкала убиша. И всех по ряду, не оставиша и вестоноши, разве иже на поли пастуси стада коневаа пастущеи. Тии похватавше лучшии жребци и скоро бежаша на Москву и оттоль в Орду и тамо возвестиша кончину Шевкалову.

А убиен бысть Шевкал в лето 6835 (1327). И то слышав, беззаконный царь на зиму посла рать на землю Русскую 5 темников, а воевода Федоруюк, и людий множество погубиша, а иныя в плен поведоша, а Тферь и вся грады огнем пожгоша. Великий же князь Александр, не терпя безбожныя их крамолы, оставль княжение русское и вся отчьствиа своя и иде в Псков с княгинею и с детьми своими и пребысть в Пскове…».

Из Новгородской первой летописи

«...Того же лета, на Успенье святыя Богородица, князь Александр Михайлович изби татар много во Твери и по иным городам, и торговци гость хопыльскыи исече: пришел бо бояше посол силен из Орды, именем Шевкал, с множеством татар. И присла князь Олександр послы к новгородцем, хотя бечи в Новгород, и не прияша его.

Того же лета присла князь Иван Данилович наместникы своя в Новъгород, а сам иде в Орду.

На ту же зиму приде рать татарьская множество много, и взяша Тверь и Кашин и Новоторжьскую волость, и просто рещи всю землю Русскую положиша пусту, только Новъгород ублюде Бог и святая Софья. А Олександр вбежа в Пльсков; а Константин, брат его, и Василий – в Ладогу; и в Новгород прислаша послы татарове, и Даша им новгородцы 2000 серебра, и свои послы послаша с ними к воеводам с множеством даров. Убиша же тогда татарове Ивана, князя Рязанского…»

Контрольные вопросы и задания:

1. Какое событие произошло в 1327 году? Как летописцы рассказывают об этом событии?

2. Что нового о происшедшем вы узнали из каждого источника?

3. Чем различаются версии случившегося в Твери, изложенные в Новгородской и Тверской летописях? Как вы можете объяснить причины различного толкования событий в этих источниках?

4. После 1327 г. Иван Калита получил право собирать ордынский выход с земель Северо-Восточной Руси. Есть ли связь между этими событиями? Почему Иван Калита был заинтересован в сборе дани?

5. Почему Москва, а не Тверь стала центром собирания русских земель?