Қазіргі заман менеджерлеріне қойылатын талаптар

1-тапсырма. Сөздікпен жұмыс. Заманауи, талап, ақпараттар ағыны, көрегендік таныту, қалыптан тыс шешім, стратегиялық, материалдық, әлеуметтік, ұйымдастыру, өкім беру, үйлестіру, қадағалау, бақылау.

2-тапсырма. Берілген сөздермен сөз тіркестерін жасаңыз.

......................., ......................., ...................... талап

әлеуметтік ...................., ..................., ....................

....................., ....................., ................... қадағалау

..................., .................., ........................ өкім беру

3-тапсырма. Мәтінді оқыңыз.

Қазіргі заман менеджерлеріне қойылатын талаптар

Басқару ісінің заманауи даму бағыттары менеджерлерге қойылатын жаңа талаптарды қалыптастырды. Сонымен ХХІ ғасыр менеджерлері қандай болуы керек, оларға қойылатын талаптар қандай?

ХХІ ғасыр менеджері ақпараттар ағынында бағдар ұстай алатын, өзіне керекті ақпараттарды дұрыс қорыта алатын болуы тиіс. Кез келген қиын жағдайда стратегиялық дұрыс шешім қабылдап, көрегендік таныта алуы керек. Ол ұйымдастыруда, басқаруда кездесетін мәселелерді шешудің әр түрлі әдістерін білуі және қалыптан тыс шешімдер қабылдаудан қорықпауы қажет.

ХХІ ғасыр басшысы

• келешекті ойлап, әрекет ету бағдарламасын жасайды, яғни көреген болады;

• кәсіпорынның материалдық және әлеуметтік организмін құрады, яғни ұйымдастырушы болады;

• тиісті шараларды қолдана отырып, қызметкерлерге жұмыс істетеді, яғни өкім беруші болады;

• кәсіпорындағы барлық әрекетті, жағдайды өзара байланыста, бірлікте, үйлесімде ұстайды, яғни үйлестіруші болады.

• барлық істің бекітілген ережеге, берілген өкімге сай жүзеге асуын қадағалайды, яғни бақылаушы болады.

4-тапсырма. Мәтінді оқып, берілген сұрақтарды мәтіннің баяндалу ретімен орналастырып, жауап беріңіз.

А) Ненің материалдық және әлеуметтік организмін құрады?

Ә) Жаңа ғасыр менеджері қандай болуы керек?

Б) Басқару ісінің жаңа даму бағыттары менеджерлерге қандай талаптар қояды?

В) Жаңа заман менеджері ненің әр түрлі әдістерін білуі қажет?

Г) Менеджер кәсіпорындағы барлық әрекетті, жағдайды өзара байланыста, бірлікте, үйлесімде ұстап, кім болуы керек?

5-тапсырма. «Алу» көмекші етістігімен қажетті форманы жасаңыз.

Кез келген маман біліктілігін (көтеру, алу). Басшы ретінде тиісті шара (қолдану, алу). Біз сіздерді шикізатпен (қамтамасыз ету, алу). Сіздер мұны өздеріңіз (ұйымдастыру, алу). Сіздер басшыны (сынау, алмау). Сіз бізге (өкім беру, алмау). Менеджер қызметкерлердің жұмысын (үйлестіру, алу). Менің орныма бұл жұмысты сен де (қадағалау, алу).

6-тапсырма. Мәтіннен «алу» көмекші етістігі бар сөйлемдерді табыңыз.

7-тапсырма. Берілген әр сөйлемге 5 сұрақтан қойыңыз.

1) Менеджер кез келген қиын жағдайда стратегиялық дұрыс шешім қабылдай алуы керек.

2) Менеджер қалыптан тыс шешімдер қабылдаудан қорықпауы қажет.

3) Менеджер барлық істің бекітілген ережеге, берілген өкімге сай жүзеге асуын қадағалай алуы қажет.

8-тапсырма. Сұрақтар бойынша жолдасыңызбен сұхбаттасып, жолдасыңыздың пікірін әңгімелеп беріңіз.

Сұрақтар	Жолдасыңыздың жауаптары
1. Сіздің ойыңызша, басшы болып туа ма әлде қалыптаса ма?
2. Басшы болу үшін адамға ең бастысы қандай қасиеттер қажет?
3. Сіздің ойыңызша, болашақта сізден басшы шыға ма?
4. Егер сіз басшы болсаңыз қандай басшы болар едіңіз?

12-апта

Модульдік тақырып: Төл теңге тарихы

Тақырып мазмұны:

1. Ақша – ерекше тауар

2. Ұлттық валюта

3. Шетелдік валюталар

Грамматикалық тақырып: Сөйлемдер арасындағы пысықтауыштық қатынастар.

Мақсаты: «Төл теңге тарихы» тақырыбы бойынша жаңа сөздер мен сөз тіркестерін, клишелер мен грамматикалық тұлғаларды меңгерту, оларды күнделікті сөйлесім әрекетінде қолдана алуға төселдіру.

Айтылым бойынша: жаңа сөздер мен сөз тіркестерін дұрыс айту,тақырып бойынша ауызша сұхбаттаса алуға үйрету.

Жазылым бойынша: жаңа сөздер мен сөз тіркестерін дұрыс жазуға,тақырып бойынша жазбаша сұхбат, мәтін құрастыра алуға төселдіру.

Оқылым бойынша: тақырып бойынша өзіне керекті материалдарды оқып түсінуге машықтандыру.

Тыңдалым бойынша: тақырып бойынша берілген сұхбаттарды, сұрақтарды тыңдап түсінуге үйрету.