Табысты болудың сыры неде?

Табысты адам өз уақытын дұрыс пайдаланады, яғни өз жұмысын, өмірін дұрыс ұйымдастырады. Мәселен, табысты іскер адам өз жұмысын да, өзгелердің жұмысын да ұйымдастырып үлгереді, тренингке, іскерлік кездесуге де барады, сондай-ақ кешке отбасына уақыт бөлуді де ұмытпайды. Өз уақытын басқара алу – бұл іскер адамда болуы керек ең басты қасиеттердің бірі. Табысты іскер адам уақытының бәрін жұмысқа арнайды деп ойламыңыз, бұл – жаңсақ пікір. Табысты адам үшін демалыс та өте маңызды. Нағыз табысты адам демалысқа да, өз отбасына да міндетті түрде уақыт табады. Жұмыс олардың өміріндегі маңызды нәрсе екені рас, бірақ өмірдегі басты құндылық емес. Өмірде жетістікке жетудің мәні де тынбай еңбектеніп, сол еңбегіңнің рақатын көруде болып табылады.

3-тапсырма.Мәтінді оқып, берілген сұрақтарға жауап беріңіз.

1) Қандай адам өз уақытын дұрыс пайдаланады?

2) Іскер адамда болуы керек ең басты қасиет не?

3) Табысты іскер адам уақытының бәрін тек жұмысқа арнай ма?

4) Табысты адам үшін жұмыс құндылық па?

4-тапсырма. Берілген сөйлемдердің өткен шақтың қай түрі (жедел, бұрынғы) екенін ажыратыңыз.

1. Түске дейін бастықтың қабылдауында болдым. 2. Ол жұмысқа келе сала электронды поштасын тексерген. 3. Біз ұзақ уақыт ғаламтор арқылы хат жазысқанбыз. 4. Сұхбаттасуға келгенде, оның өз жұмысын білетін білікті маман екенін байқаған жоқсыздар ма? 5. Сіздер мәжіліске қатыстыңыздар ма? 6. Ол бізге түйіндемесін, құжаттарының көшірмесін қалдырған. 7. Сен түске дейін банкке барып үлгермедің бе?

Жедел өткен шақ	Бұрынғы өткен шақ

Фразеологизмді есте сақтаңыз.

Қолы бос болу – уақыты болу. М.: Қазір қолың бос па?

Қолы бос болмау – уақыты болмау. М.: Қазір қолым бос емес.

5-тапсырма. Берілген сөйлемдерді ырықсыз етіс формасында беріңіз.

Үлгі: Бастық жұмысты жоспарлады. – Жұмыс жоспарланды.

1. Қызметкерлер тапсырманы орындады. 2. Сәбит Қайратұлы мәжіліс өткізді. 3. Компания қаржыны үнемдеді. 4. Жанар маңызды жұмыстарды белгіледі. 5. Дарын шаруаларын үшке бөлді. 6. Әріптестер сыйлықтарын көрсетті. 7. Мамандар жұмысты жүзеге асырды. 8. Бастық жұмысты орынбасарға тапсырды.

6-тапсырма. Берілген сөйлемдерге 5 сұрақтан қойыңыз.

1) Өз уақытын басқара алу – бұл іскер адамда болуы керек ең басты қасиеттердің бірі.

2) Нағыз табысты адам демалысқа да, өз отбасына да міндетті түрде уақыт табады.

3) Өмірде жетістікке жетудің мәні – өз еңбегіңнің рақатын көруде.

11-апта

Модульдік тақырып: Басшы келбеті

Тақырып мазмұны:

1. Басшы келбеті

2. Басшының басқару стилі

3. Қазіргі заман менеджерлеріне қойылатын талаптар

Грамматикалық тақырып: Сын есімнің шырайлары

Мақсаты: тақырып бойынша өтілген жаңа сөздер мен сөз тіркестерін, клишелер мен грамматикалық тұлғаларды меңгеру, оларды шынайы өмір жағдайында қолдануға машықтану.

Айтылым бойынша: жаңа сөздер мен сөз тіркестерін, клишелерді дұрыс айту,тақырып бойынша ауызша сұхбаттаса алуға үйрету.

Жазылым бойынша: өз ойын, сұрағын, жауабын жазбаша жаза алуға машықтандыру.

Оқылым бойынша: өзіне қажетті мәліметті оқып түсіне алуға үйрету.

Тыңдалым бойынша: тақырып бойынша берілетін материалдарды түсініп, мәлімет ала алуға төселдіру.

1-сабақ