Іскер адамның жұмыс күнін жоспарлауы

1-тапсырма. Жұмыс күні, жоспарлау, нәтижелі, орындау мерзімі, жұмыс күнінің басы, жұмыс күнінің соңы, көрсету, көрсетілген, қолайлы, бөлік, белгілеу, белгіленген, тапсырма, жоспарланған, жоспарланбаған.

2-тапсырма. Берілген сөздермен сөз тіркесін жасап, сөйлемдер құраңыз.

1) жоспарланбаған а) көрсетілген

2) жұмыс күнінің ә) түрде

3) мерзімі б) нәтижелі

4) міндетті в) басы

5) жоспар г) жұмыс

6) жұмысы ғ) құру

3-тапсырма. Мәтінді оқыңыз.

Іскер адамның жұмыс күнін жоспарлауы

Кез келген іскер адам үшін жұмысының жүруі, нәтижелі болуы оның жұмысын қалай жоспарлайтынына байланысты. Жұмыстың дұрыс жоспарлануы көп жағдайда уақытты үнемдеуге көмектеседі. Мәселен, сіздің жұмыс күнін жоспарлауға кеткен 10 минутыңыз жұмыс күніңіздің 2 сағатын үнемдейді екен. Олай болса, жұмыс уақытын жоспарлаудың басты қағидаларымен танысып көрейік.

• Алдымен жоспарлаудың оңтайлы жолдарын анықтап алыңыз. Жоспар қысқа әрі анық болғаны дұрыс. Ұзақ жоспар дайындау көп уақытыңызды алуы мүмкін.

• Әр тапсырманың нақты әрі шынайы орындалу мерзімін көрсетіңіз.

• Әр жұмыстың маңыздылық дәрежесін анықтаңыз.

• Жұмыс уақытыңыздың тек 60%-ын ғана жоспарлаңыз, кездейсоқ туындайтын жұмыстарға 20%-ын, ал қалған 20%-ын жоспарланбаған істерге қалдырыңыз.

Жұмыстарыңызды маңыздылық дәрежесіне қарай үшке бөліңіз: аса маңызды, маңыздылығы орташа және қалғандары.

Аса маңызды жұмыстарға жататындар:

- орындау мерзімі белгіленген жұмыстар;

- көп күш пен уақытты қажет ететін стратегиялық міндеттер;

- орындалуы сіз үшін қиындықтар тудыратын жұмыстар.

Маңыздылығы орташа жұмыстарды сіздің күнделікті қайталанып отыратын міндеттеріңіз бен жұмыстарыңыз құрайды.

Қалғандарына орындалмай қалса да, сіз үшін жағымсыз салдары болмайтын істер жатады.

Жоспарланған істің міндетті түрде 50%-ының орындалатынын ұмытпаңыз. Олай болса, іске сәт!

4-тапсырма. Берілген сұрақтарды мәтіннің баяндалу ретімен орналастырып, жауап беріңіз.

А) Жұмыстарды маңыздылық дәрежесіне қарай қаншаға бөлу керек?

Ә) Жоспарланған жұмыстың міндетті түрде қаншасы орындалады?

Б) Уақытты үнемдеуге не көмектеседі?

В) Жұмыс уақытын жоспарлаудың қандай қағидалары бар?

Г) Аса маңызды жұмыстарға қандай жұмыстар жатады?

5-тапсырма. Мәтін бойынша берілген ақпараттың дұрыс, бұрыстығын анықтаңыз.

Сөйлемдер	Дұрыс	Бұрыс
1. Кез келген іскер адамның жұмысқа орналасуы жұмысын қалай жоспарлайтынына байланысты.
2. Уақытты үнемдегіңіз келсе, жұмысыңызды жоспарлаңыз.
3. Он минутыңызды жұмысыңызды жоспарлауға арнасаңыз, жұмысыңызды екі сағат ерте бітіресіз.
4. Ұзақ жоспар дайындау көп уақытыңызды алмайды.
5. Әр тапсырманың орындалу мерзімін жазып қойыңыз.
6. Жоспарланбаған жұмыстарға уақытыңыздың 60%-ын арнаңыз.
7. Орындау мерзімі көрсетілген жұмыстар аса маңызды жұмыстарға жатады.
8. Күнделікті қайталанып отыратын жұмыстар да аса маңызды жұмыстар.
9. Көп уақытты қажет ететін жұмыстар маңызды жұмыстар емес.
10. Жоспарланған жұмыстың жартысы жүзеге асады.

6-тапсырма. Етістіктерді жедел өткен шақ формасына қойып, сөйлемдерді толықтырыңыз.

Мен жұмысқа кеше (шығу) ...................... . Ол жақсы жұмысқа (орналасу) ..................... . Сіз жұмысқа неге (кешігу) ...................... ? Сен бүгін жұмысқа сағат нешеде (келу) ...................... ? Сіздер бүгінге қанша жұмыс (жоспарлау) ...................... ? Сендер қай банктен несие (алу) ...................... . Олар бастықтың тапсырмаларын (орындау) ...................... .

7-тапсырма. Мәтінді керекті сөздермен толықтырыңыз.

Керек сөздер:жайсыз жұмыстарды, аса маңызды, орындалмаған істерді, жұмыс күнінің соңына, келесі істі.