Экономика және оның қоғам өміріндегі бағасы

1-тапсырма. Пайда, шаруашылық, жүргізу, басқару, тұрмыс, тауар, өнім, өндіру, өндіріс, сұраныс, ұсыныс, тұтынушы, салыстыруға болады, сипат алады, игере алмаймыз, некелік келісімшартқа отырады.

2-тапсырма. Мәтінді оқып, жоспар құрыңыз.

Экономиканы табиғатпен салыстыруға болады. Экономика да, табиғат та объективті. Экономика заңдары, табиғат заңдары сияқты объективтік сипат алады. Егер табиғатты түсінбесек, табиғат байлығын игере алмаймыз. Экономика да солай. Егер экономиканы жақсы білсек, ол бізге байлық, пайда әкеледі.

Экономика – бұл үй шаруашылығын басқару өнері дегенді білдіретін көне грек сөзі, өте қарапайым түрде айтатын болсақ, экономика дегеніміз – өзіміздің тұрмысымыз.

Базарға шыққанда сіз кімнің тауарын аласыз, кімге сатасыз, қанша аласыз, бәрін есептеу – экономика. Мамандық таңдар кезде сіз ойланасыз, қай мамандық қoғамға көбірек керек, қай мамандық халыққа көбірек қажет – сіз оны да есептейсіз, күнделікті өмірде қандай мамандарға сұраныс көп, дәрігер ме, экономист пе, заңгер ме, оқытушы ма, инженер ме – мұны білу де – экономика, яғни экономиканы білмесек, тұрмысымыз төмендей береді.

Экономика сіз өмірге келген күннен бастап-ақ сіздің өміріңізге араласа бастайды. Жігіт үйленеді, қыз тұрмысқа шығады, кішкентай мемлекет пайда болады. Ал кішкентай мемлекетіңіздің шаруашылығын басқару – үлкен өнер. Сонымен сіздің күнделікті тұрмысыңыздың бәрі экономикадан тұрады. Шетелдерде жастар үйленген кезде кәдімгі екі мемлекет сияқты некелік келісімшартқа отырады. Ол келісімшартта көп мәселе қаралады.

Ұрпақ үшін күрес, ұрпақ үшін еңбек ету, өмір сүру ол да экономика. Сіз баланы жеткізу үшін, аяғынан тұрғызу үшін, көп нәрсені есептейсіз, ауырмауды шаршамауды ойлайсыз. Өзіңізді ойлау, денсаулығыңызды ойлау – бәрі де экономика. Экономика – байлыққа, бақытқа, тыныштыққа барар жол.

3-тапсырма. Қазақша баламасын табыңыз.

можно сравнить–

носит характер–

не можем освоить –

заключают брачный контракт–