Еліміздің сыртқы саясаты

Бірлік жоқ жерде - тірлік жоқ.

Төле би

Тірек сөздер: әлемдік қауымдастық, сыртқы саясат, жолға қою, мойындады, елшілік, өкілдіктер, тіркелген, қауіпсіздік,ынтымақтастық, бейбіт жолмен, араласпау, сенім білдіру.

1-тапсырма. «Тәуелсіздік» анаграммасын оқып, ой қосыңыз.

Табиғи ресурстарды игере бастадық. Жетпіс жыл бойы қызығын Кеңестер көрген мұнай-газ, металл өнімдері қазақстандық сауда маркасымен әлемдік деңгейге шықты. Олар ең таза, сапалы өнім деген бағаға ие болды.

Әуе қатынастары дамыды. Орталықтандырылған жүйе ыдыраған соң ішкі, сыртқы әуе қатынастарына жол ашылды.

Утопиямен қоғам біржола қоштасты. Халық жақсы өмірді, жақсы тұрмысты біреу жасап бермейтінін түсінді.Таза табыстабудың жолдарын меңгере бастады.

Елінің тағдыры үшін жанын азапқа салған, арыстардың есімі қайта оралды. Шығармалары басылып, оқырманымен қауышты.

Лизингтікәдіс ел ішінде жандана түсті. Шаруа - лизингтік(жалға алу) әдісті меңгере бастады.

Сөз бостандығы. Он сан тәуелсіз басылым дүниеге келді, Жылдар бойы бүркелген шындық жарыққа шықты.

Іргелі елдерге Қазақстан өнерпаздары қазақ өнерін кең көлемде алып шыға бастады. Қазақтың домбыра, қобыз сияқты аспаптары шет елдерде айрықша ықыласпен қабылданды.Заңдық – құқықтық мемлекет болдық.

Дін - діңгек. Атеизм құрсауынан құтылдық.

Ілгерілеу жолында қазақ баласы ғарыш төріне шықты.

Конституцияның 7-бабы - тіл туралы бап дүниеге келді.

2-тапсырма. Мәтінді оқып, сұрақтар дайындаңыз.

1991 жылы әлемдік қауымдастықтың тең құқылы мүшесі болғанды. Сол себепті басқа мемлекеттермен ара қатынасты жолға қою қажеттілігі тұрды.

Өзінің тәуелсіздігін жариялағаннан кейін көп уақыт өтпей Қазақстанды 100-ден астам мемлекеттер ресми мойындады. Республикада 68 елшілік және халықаралық ұйымдардың өкілдіктері тіркелген. 38 мемлекетте Қазақстанның дипломатиялық елшіліктері жұмыс істейді.

Қазақстан көптеген халықаралық ұйымдардың мүшесі болып табылады, оның ішінде Біріккен Ұлттар Ұйымы (БҰҰ), Еуропадағы қауіпсіздік және ынтымақтастық ұйымы (ЕҚЫҰ), Халықаралық Валюта қоры (ХВҚ), Дүниежүзілік банк (ДБ), Азиялық даму банкі (АДБ), Ислам конференциясы ұйымы (ИКҰ), Экономикалық ынтымақтастық ұйымы (ЭЫҰ).

1992 жылы Қазақстан Алматыда өз өкілдігі бар Еуропа Одағымен (ЕО) техникалық ынтымақтастық туралы келісім жасады. Ал 1995 жылы Қазақстан НАТО «Бейбітшілік үшін серіктестік» Бағдарламасына қосылды.

Қазақстан Республикасы халықаралық құқық принциптері мен нормаларын құрметтейтін мемлекеттер арасында ынтымақтастық және тату көршілік қарым-қатынастар орнату, олардытеңдігі мен бір-бірінің ішкі істеріне араласпау, халықаралықдауларды бейбіт жолмен шешу саясатын жүргізеді. Қазақстан өзеркімен ядролық қарудан бас тартқан әлемдегі бірінші мемлекетболып табылады.

3-тапсырма. Сұрақтарға жауап беріңіз.

1. Қазақ дипломатиясы туралы не білдіңіз?

2. Тәуелсіздік алғалы ұандай шаруалар атқарылды?

3. Қазақстанның аймақтық стратегиясы қандай?

4. Еліміз қандай халықаралық ұйымдарға мүше?

5. Қазақстанның қол жеткізген жетістіктерін атап беріңіз?

6. Мүдделер тоғысындағы Қазақстан қандай ерекшеліктерге ие?

7. Қазақстанның басқа мемлекеттермен байланысы қандай?

8. «Еуразиялық дипломатия» тұжырымдамасы дегеніміз не?

9. Оның міндеттері қандай?

10. Қазақстан сыртқы мемлекеттермен ынтымақтастықты нығайту үшін қандай шаралар қолдануда?

10. Жалпы Қазақстанның сыртқы саясаты туралы сіздің пікіріңіз қандай?

4 -тапсырма. Біліп алыңыз.

«Еуразиялық дипломатия» тұжырымдамасында Орталық Азия аймағына қатысты саясат үш бағытқа бөлінетіндігі атап көрсетілді;

1. сенім білдіру мен өзара түсіністікті тереңдету үшін саяси диалогты жүргізу;

2. экономикалық ынтымақтастык пен табиғи ресурстарды игеру саласындағы ынтымақтастық;

3. ядролық қаруды таратпау, демократия және тұрақтылық арқылы аймақта бейбітшілік орнату.

5 -тапсырма. Сөйлемдерден экономикалық клишелерді теріп жазыңыз.

Қазақ дипломатиясы бір күнде пайда бола салған жоқ.Сонау Жәнібек пен Керей дәуірінен бастап, Абылай, Кенесары хандар заманын терең зерттеп, назар аударған кісіге «дала дипломатиясы» үлкен сабақ. Күншығыста Қытай, солтүстігінді Ресей сынды империялармен өзара түсіністікке негізделген көршілік қарым-қатынас құру қазіргі айтып жүрген «көпвекторлы» дипломатияны еске салады.

Қазақстан өзінің географиялык, экономикалық, тарихи, мәдени және басқа факторлардын әсеріне қарай геосаяси, геоэкономикалық жағынан өзіндік ерекшеліктерге ие мемлекет. Ол географиялық жағынан Батыстағы Еуропа мен Шығыстағы Азияның, солтүстіктегі Ресей мен оңтүстіктегі ислам әлемінің тоғысқан жерінде орналасқан. Демек, Қазақстанның стратегиялық маңызы өте зор мемлекет.

6 -тапсырма. Сөздік жұмысын жүргізіңіз.

Внешнеэкономическая политика –

Внешнеэкономический комплекс –

Внешнеэкономическая ассоциация –

Внешнеэкономическая информация –

Внешнеэкономические посреднические операции –

2 – сабақ