Ғасыр ғажайыптары

1-тапсырма. Төмендегі суреттің біріне қатысты өз ойыңызды жазыңыз.

Берілген сөздерді пайдаланыңыз: өлі табиғат, жан-жақты, ықпал, қайран қалады, құпия, беймәлім.

2-тапсырма. Әлем жаңалықтарын ашқан қандай ұлы тұлғаларды білесіз? Солардың бірі жөнінде өз мамандығыңызға қатысты әңгімелеңіз.

3-тапсырма. Терминдерді жалғастырып жазыңыз:

1) Заң. Сот, құқық, қылмыс т.б.

2) Физика. Уақыт, жарық, атом.

3) Сіз таңдаған мамандық бойынша.

Аз білетініңізді ұғыну үшін көп оқып үйрену керек.

М.Монтень

Біздің бәріміз тек жерде ғана емес, сондай –ақ космоста да өмір сүріп келеміз. Мұның мәнісі табиғат зерттеуші атақты орыс ғалымы К.А.Тимирязевтің біз «Күн перзентіміз» деген әйгілі сөзінде ғана емес. Космос күштері біздің планетамызға, оның тірі және өлі табиғатына жан-жақты әсер етеді. Бұл күштердің Жерге қалай ықпал жасайтынын және оның неден байқалатынын ғылым тек ғана ХХ ғасырда анықтай бастады.

Неше ғасыр бұрын малшы қойын іздеп жүріп, домаланған қара тасты табады. Ол таяғының темір ұшын тастың өзіне қарай тартқанын көріп, қайран қалады. Әлденендей күш ұстап алып, жібермей тұрған сияқты.

Малшы тасты ең жақын Магнессу қаласына алып келеді. Таудан әкелінген таста қайдағы бір күш бар тәрізді. Әрине, ол құпия күш.

Ғажайып әсері бар тастар осы қаланың атымен магнит аталады. Егер аңызға сенетін болсақ, табиғаттың ең ғаламат құбылыстарының бірі – магнетизммен адамдар алғаш рет осылай танысқан.

4-тапсырма. Мәтін мазмұнын әңгімелеңіз.Өзіңіз қандай ғажайып табиғат құблыстарын білесіз? Әңгімелеп беріңіз!

Жоғалған арал

1831 жылғы шілдеде Жерорта теңізінде беймәлім бір арал табылады. Оған Юлия деген ат қойылады. Сицилия корольдігіне қарайтын аралды ағылшындар басып алады. Олар соғысқа дайындалып жатқанда Юлия аралы жоқ болып кетеді.

Бірде пайда болып, бірде көзден ғайып болып жататын мұндай аралдардың сыры неде?

5-тапсырма. Өлеңді оқып,кестені толтырыңыз.

Ғылым таппай мақтанба,

Орын таппай баптанба,

Құмарланып шаттанба,

Ойнап босқа күлуге,

Бес нәрседен қашық бол,

Бес нәрсеге асық бол,

Адам болам десеңіз.

Тілеуің, өмірің алдыңда,

Оған қайғы жесеңіз.

Өсек, өтірік, мақтаншақ,

Еріншек, бекер мал шашпақ –

Бес дұшпаның білсеңіз,

Талап, еңбек, терең ой,

Қанағат, рақым, ойлап қой-

Бес асыл іс, көнсеңіз.

Абай Құнанбаев

Бес нәрседен қашық бол	Бес нәрсеге асық бол	Сіздің ойыңыз

5 -тапсырма. Мақалдардың мағынасын түсініп оқып, жұптастырыңыз, жаттап алыңыз.

Жеті жұрттың тілін біл, Киімінде емес, білімінде

Кісінің кісілігі, білім – қайық

Ғылым – теңіз, Жеті түрлі білім біл

6-тапсырма. Пікірталас!

1. Мамандығыңызға қатысты қандай ғылыми жаңалықтарды білесіз?

2.Сіз ғылымға қандай жаңалық қосар едіңіз?

2 – сабақ