Еліміздің ұлтжанды жастары

Тақырып мазмұны:

1. Асыл – тастан, ақыл - жастан

2. Ұлттық рухы күшті адам

3. Талант пен тәрбие

Грамматикалық тақырып: Шартты рай. Шартты мәнді құрылым.

Мақсаты: «Еліміздің ұлтжанды жастары» тақырыбы бойынша өтілген жаңа лексиканы, грамматикалық тұлғаларды игерту, сөйлесім әрекетін дамыту.

Айтылым бойынша: жаңа сөздерді дұрыс айту, тақырып бойынша ойын ауызша жеткізе алуға төселдіру.

Жазылым бойынша: жаңа сөздер мен грамматикалық тұлғаларды пайдаланып, тақырып бойынша жазбаша тілдесімге түсуге төселдіру.

Оқылым бойынша: тақырып бойынша оқыған мәтіндерін түсініп, өзіне қажетті мәлімет ала алуға үйрету.

Тыңдалым бойынша: тақырыпқа қатысты сұхбатты, монологты түсініп, сұрақ қоя алуға, сұраққа жауап бере алуға машықтандыру.

1 - сабақ

Асыл – тастан, ақыл - жастан. Тірек сөздер: мұрагер, аманат, зая, әдетке айналуы, қасиет тұту, мойынсұнушылық, ардақтау, өнегелі.

1-тапсырма.Мәтінді оқып, тапсырмаларды орындаңыз.

Бала мен болашақ мәселесі ғасырдан, ғасырға әрқашан халықтың назарыннан түсіп көрген емес.Бала - ұрпақ жалғасы. Яғни келешек өмірдің тірегі. Мұрагері жоқ отбасының болашағы да жоқ. “Адам өзі мың жасамайды, ұрпағымен мың жасайды” дейді дана халықымыз. Баласын ақылды да көрікті, әрі тәртіпті тәрбиелеу үшін ата-бабамыз қолдан келгеннің бәрін істеумен болды.

Көшпенділердің өз ұрпақтарына қалдыратын аманаттарын былай жіктеуге болар еді: а) Нәрестенің бесігінен, бастап оған қатысы бар заттардың барлығына құрметпен қарау;ә) Келешек ұрпақты өмірге әкеліп, тәрбиелейтін әйел затына сыйластықпен қарау;

б) Жастар мен жас сарбаздарды жылқыға, ат әбзедері мен ер-тұрмандарын дайындай білуге үйрету.

2-тапсырма. Пікірлесіңіз!

1.“Адам өзі мың жасамайды, ұрпағымен мың жасайды” мақалының мағынасын түсіндіріңіз.

2. “Қазақ отбасындағы ананың орны” тақырыбында пікірлесіңіздер.

3-тапсырма. Мәтінді оқып, ойды жалғастырып жазыңыз.

Ел ертеңі - жастар

Х ХІ ғасыр Қазақстан жастарының алдына жаңа талап қояды. Жастар жоғары білім алып, өз ісінің шебері болуы керек. Нарық экономикасы жастардан білікті маман болуды талап етеді.

Сондай-ақ өзінің туған халқының тарихы мен мәдениетін, салт-дәстүрін, мемлекеттік тілін жақсы білуі керек. Заман талабына сай бірнеше тіл, бірнеше мамандықты білуге тырысуы керек.

Сен, әрине, өз өміріңді өзің айқындайсың. ......................................

4

----------------------------------------------------------------------------------------------------------------------------------

-тапсырма. Өлеңдегі ойды қара сөзбен беріңіз.

Жастықта әр тараптың басын шалсаң,

Қармақты тәуекел деп суға салсаң,

Еңбегің еңбектенген кетпес зая,

Міндетке бір жетерсің ойыңа алсаң (Ақансері Қорамсаұлы)

5-тапсырма. Тұрақты тіркестерді жұптастырып, сөйлем құраңыз.

1. Тас жүрек а. дәмі жоқ

2. Су татиды ә. қатыгез

3. Маңдайы ашық б. бақытты

6-тапсырма. Берілген мәтінді оқып,шартты райға айналдырыңыз.