III. Қорытынды

Мен, Мақсұт Темірлан Құрманғалиұлы Тұрар Рысқұлов атындағы ҚазЭУ-дің Экономикалық колледжінің III-курс студенті , өзімнің өндірістік тәжірибемді Алматы қаласы, Абая көшесі 2-де өттім.

Өндірістік тәжірибе өту барысында «Қаржылық есепті талдау», «Ұйым экономикасы», «Экономикалық талдау және қаржылық есептілікті талдау», пәндерінен алған теориялық білімімді және алғашқы оқу тәжірибесінен алған іс-жүзіндегі білімімді кеңейтіп, толтырып жаңа нәтижелерге қол жеткіздім, білмегенімді үйрендім.

Бухгалтерияның ұйымдастырлуы және ондағы операциялардың жүргізілуін, атап айтар болсам, ақша қаражаттары бойынша кассада операциялардың ұйымдастырылуы есебін, негізгі құралдардың кірістелуі мен есептен шығарылуын, тауарлы – материалдық қорлардың түсуін құжаттық ресімдеу және олардың бухгалтериядағы, қоймадағы есебінің жүргізілуі, еңбекақыны есептеудің, мерзімдік баланс әзірлеуге, барлық операциялардың заңдылығын, нысаналылығын, шаруашылық мақсатына сай болуын,сметалық және қаржылық тәртіптің сақталуын қадағалауға, белгіленген ережелер мен құжаттама нысандарын сақтай отырып, ақшалай қаражат пен материалдық құндылықтарды есепке алу кітаптары мен тізімдемелерін жүргізу, бухгалтерлік шоттарға тиісті мәліметтерді түсіру жолымен қаржы және материалдық ресурстардың қозғалысын дер кезінде тіркеп отыру жұмыстарының жүргізілуімен таныстым.

Оқу тәжірибесінен өту барысында кіріс кассалық,шығыс кассалық ордерлерімен,кассалық кітапппен, аванстық есеппен, штаттық кестемен, жұмысшыларды жұмысқа қабылдау және жұмыстан шығару бұйрықтарымен, шот – фактурамен, төлем тапсырмасымен, бухгалтерлік баланспен, кіріс және шығыс туралы есеп, ақша қаражаттарының қозғалысы, меншікті капиталдың өзгері туралы есептермен, кәсіпорынның салық органдарына және басқа да арнаулы органдарға есеп берулерімен және тағы басқа көптеген құжаттармен жұмыс істеп, олардың толтырылуын және «1С бухгалтерия» бағдарламасында жұмыс істеуді үйрендім.

Мен осы аталған жұмыстар мен құжаттардың негізінде өзімнің өндірістік тәжірибе жөніндегі есебімді жасадым.

Менің өндірістік тәжірибеден түйгенім, әр кәсіпорынның нарықта орнын нығайтып, келешекте жақсы табыстарға, жоғары жетістіктерге жетуі ең алдымен, шаруашылық құрылымының жақсы ұйымдастырылуы, бухгалтерлік есептің дұрыс жүргізілуі негізінде жүзеге асырылатынын және бухгалтерлік жұмыстың үлкен жауапкершілікті,тиянақтылықты және шыдамдылықты қажет ететініндігі.

Есеп беруімнің соңына тігілетін әрбір құжат маған сеніп тапсырылған. Және де «AlemTrade» ЖШС-ның «ORDABAS » орталығында, яғни ALEMTRADE-тың еншілес ұйымында өндірістік тәжірибе өту барысында «AlemTrade» және «ORDABAS » ұйымдары жайлы көптеген ақпараттарға ие болдым. Мұндағы ақпараттарды нағыз маман ретінде мен таратпауым керекпін. Есеп беруде қолданылған деректер колледж тарапынан сыртқы ортаға тарамайтынына сенімдімін.