4. Кестені толықтырыңыз.

Зияны	Ауру түрлері	Қалай сақтану керек? Кеңес.
Электромагниттік сәуле	Жүйке ауруы

5. Төмендегі сұрақтарға жауап беріңіз.

1.Неліктен дербес компьютер деп аталады?

2.Бұқаралық дербес компьютер қайда қолданылады?

3.Компьютерлер қолданылуына қарай неше топқа бөлінеді?

4.Үйде компьютердің қандай түрімен жұмыс істеген қолайлы?

5.Дербес компьютердің құрылысына не жатады?

Ұсынылатын әдебиеттер:

1. Күзекова З. С. Қазақ тілінің практикалық курсы (гуманит). Алматы: Ғылым, 2001.

2.Бектұров Ш.К., Бектұрова А.Ш. Қазақ тілі (Ана тілі деңгейінде үйрету құралы). Алматы, 1998

3. Жақсылықова К.Б., Шабденова Қ.Ж. Ақпараттық технологиялар бөлімі студенттеріне арналған қазақша кәсіби тілді меңгертуге арналған оқу құралы.Қарағанды - 2007

4. Хасен М.Ә. Ақпараттық технологиялар факультетінің студенттеріне арналған мәтіндер жинағы. ЭОҚ. ҚарМТУ,2008 ж

СӨЖ арналған бақылау тапсырмалары (6-тақырып) [қосымша 12,14, 16,18]

1. «Ұлттық байлық» тақырыбына шығарма жазу.

2. «Қазақстанның пайдалы қазбалары» тақырыбына реферат жасау.

3. «Компьютердің зияны қаншалықты» тақырыбына баяндама жасау.

7-тақырып Аралық тест. Экономикалық тәуелсіздік. Тышқанды ойлап тапқан кім?

Практикалық (семинарлық) сабақтың жоспары

1. №325, №327 кабинеттерде тест тапсыру.

2. Лексикалық тақырыптар бойынша сұрақ-жауап, әңгімелесу.

3. Жаңа сөздермен жұмыс жүргізу.

4. Сөздікті пайдалана отырып, техникалық мәтіндерді аударту. Экономикалық тәуелсіздік

Егемендік, тәуелсіздіктің екі жағы бар. Бір жағы саяси тәуелсіздік. Саяси тәуелсіздік алу – өз алдына ұлттық мемлекет болу, жеке ел болу. Екінші жағы – экономикалық тәуелсіздік. Ғылыми тұрғыдан алғанда экономикалық тәуелсіздік саяси тәуелсіздіктің негізі болып табылады. Экономикалық тәуелсіздігі жоқ елдің тәуелсіз болуы екіталай. Елдің экономикалық тәуелсіздігі үшін не қажет? Ол үшін ең алдымен, ел экономикасын көтеру, экономика тиімділігін арттыру, халықтың әл-ауқатын көтеру қажет.

АҚШ пен Батыс Еуропаны айтпағанда, мына өзіміздің алып көршіміз Қытайды алайық. Қытайдың ақыл-оймен асықпай жасаған реформасы қазір миллиардтан астам халықтың тұрмысын көтеруде.

Бар ісін техника атқаратын АҚШ, Англия, Жапония сияқты елдердің ауыл шаруашылығына мемлекет дотация береді. Ауыл шаруашылығы өнеркәсіп өндірісіне ұқсамайтын ерекше шаруашылық, себебі ол табиғатқа тәуелді. Табиғатпен байланысты экономика тілінде ұдайы өндіріс дейміз. Мал өсуі үшін уақыт керек, егін өсіп шығуы үшін уақыт керек. Ең қиыны ауыл шаруашылығын дамытпай бірде-бір ел, ел болмайды. Ауыл шаруашылығы деген – азық-түлік. Ал, азық-түліктің 50-60 пайызын өзі өндірмей, шетелден әкелетін ел экономика тәуелділікке түседі.

Тапсырмалар:

1. Мәтінді оқыңыз.

2. Мәтінді әңгімелеуге қажетті сөздер мен сөз тіркестерін жазыңыз.

3. Мәтінді әңгімелеңіз.

4. Саяси тәуелсіздік деген не?

5. Экономикалық тәуелсіздік деген не?

6. Ауыл шаруашылығы қандай шаруашылық?

7. Жалқы зат есімдерді табыңыздар.

8. Тәуелдік жалғаулы сөздерді табыңыздар.

9. –лық, -лік, -дық, -дік, тық,-тік жұрнағымен жасалған сөздерді табыңыз.

ТЫШҚАНДЫ ОЙЛАП ТАПҚАН КІМ ?

Компьютердің тышқанын жасаған Дуглас Энгелбарт деген кісі. Ол американдық Ксерокс компаниясының қызметкері. Алғашқы кезде компьютерлік тышқан “дисплейі жүйелерге арналған X-Y тұғырлы индикатор” деп аталған. Бұл 1968 жыл болатын. Ал “компьютерлік тышқан” деген атау 1980 жылы айналымға енді. 1984 жылы Эйпл Макинтош компаниясы американдық рынокқа өзінің компьютерін шығарды. Компьютердің құрамында клавиатурамен қоса бір түймелі манипулятор да болды. Оның сырт көрінісі тышқанға ұқсас еді. Сондықтан жұрт оны “тышқан деп атап кетті. Айтылым әлі күнге дейін сақталып келеді.

Тапсырмалар:

1. Ұқсас, айналым сөздерін қатыстырып сөйлем құрастырыңыз.

2. Компьютерлік тышқанның қандай түрлерін білесіз? Олардың қандайы сізге қолайлы?

3. Мәтіннен шылауларды тауып жазыңыз.

4. Бірінші сөйлемге мофологиялық талдау жасаңыз.

5. Мәтінді орыс тіліне аударыңыз.

Ұсынылатын әдебиеттер:

1. Күзекова З. С. Қазақ тілінің практикалық курсы (гуманит). Алматы: Ғылым, 2001.

2. Бектұров Ш.К., Бектұрова А.Ш. Қазақ тілі (Ана тілі деңгейінде үйрету құралы). Алматы, 1998

3. Жақсылықова К.Б., Шабденова Қ.Ж., Ақпараттық технологиялар бөлімі студенттеріне арналған қазақша кәсіби тілді меңгертуге арналған оқу құралы Қарағанды - 2007

4. Хасен М.Ә. Ақпараттық технологиялар факультетінің студенттеріне арналған мәтіндер жинағы. ЭОҚ. ҚарМТУ,2008 ж

СӨЖ арналған бақылау тапсырмалары (7-тақырып) [қосымша 12, 14,16,17,18]

1. Аралық тест. «Экономикалық тәуелсіздік» тақырыбына әңгіме жазу.

2. «Тышқанды ойлап тапқан кім?» әңгімелеу.

8-тақырып Нарық. Салық. Қалтаға салып жүретін сканер. Айтылу мақсатына қарай сөйлемнің түрлері.

Практикалық (семинарлық) сабақтың жоспары

1. Айтылу мақсатына қарай сөйлемнің түрлерін қайталау.