4. Ішкі тәртіп ережелері, білім алушылардың құқықтары мен міндеттері Университетте білім алушылардың құқықтары мен міндеттері

Құқықтары:

1. білім берудегі жалпыға міндетті мемлекеттік білім беру стандарттарына сəйкес сапалы білім алуға;

2. университет əкімшілігінің шешімі бойынша жалпыға міндетті мемлекеттік білім беру стандарттары шеңберінде жеке оқу жоспарлары, қысқартылған білім беретін оқу бағдарламалары бойынша оқуға;

3. өзінің бейімділігі мен қажеттеріне қарай қосымша білім беру қызметтерін, білімдерді ақылы негізде алуға;

4. келісім шарт бойынша қосымша білім беру қызметтерін алуға;

5. қайта қабылдануға жəне бір оқу орнынан басқасына, бір мамандықтан басқасына немесе оқудың бір нысанынан басқасына ауысуға;

6. Қазақстан Республикасының Үкіметі белгілеген тəртіппен білім беру ұйымдарында ақпараттық ресурстарды тегін пайдалануға, оқулықтармен, оқу-əдістемелік кешендермен жəне оқу-əдістемелік құралдармен қамтамасыз етілуге;

7. университеттің кітапханасын, ақпараттық қорын, оқу, ғылыми жəне басқа бөлімдердің қызметтерін ақысыз қолдануға;

8. спорт, оқу, акт залдарын, кітапхананы тегін пайдалануға;

9. Қазақстан Республикасының заңнамасына сəйкес халықты жұмыспен қамту саласындағы жағдай туралы ақпарат алуға;

10. өзінің пікірі мен сенімін еркін білдіруге;

11. оқытудың сапасы мен əдістемесі туралы ой-пікірлерін білдіруге жəне оны жетілдіру бойынша ұсыныстар беруге;

12. өзінің адамдық қадір-қасиетінің құрметтелуіне;

13. оқудағы, ғылыми жəне шығармашылық қызметтегі табыстары үшін көтермеленуге жəне сыйақы алуға;

14. оқудан бос уақытты жұмыспен ұштастыруға;

15. медициналық айғақтар бойынша жəне өзге де ерекше жағдайларда білім алушыға академиялық демалыс алуға;

16. еңбек кітапшасы болған жағдайда оған күндізгі бөлімде оқығаны туралы мəліметті жаздыруға (Жеке құжаттарды мұрағатқа дейін сақтау бөлімі толтырады жəне университеттен шығарылған себебі көрсетілмейді);

17. мемлекеттік білім гранты негізінде күндізгі оқу нысанында оқитын даярлық бөлімнің студенттеріне, магистранттарына, тыңдаушыларына мемлекеттік степендия төлеуге;

18. Қазақстан Республикасының заңнамасына сəйкес əскери қызметке шақырылу мерзімін кейінге қалдыруға құқығы бар.

Міндеттері:

1. білім алушылар мемлекеттік жалпыға міндетті білім беру стандарттарының талаптарына сəйкес білімді, шеберлікті, практикалық дағдылар мен біліктілікті меңгеруге, ішкі тəртіп ережелерін сақтауға, университеттің жарғысында көзделген талаптарды орындауға;

2. білім алушылар өздерінің денсаулығы үшін рухани жəне тəн саулығын өздігінен жетілдіруге ұмтылуға;

3. білім ұйымдарында қалыптасқан киім кию үлгісін сақтауға;

4. білім алушылар педагогикалық қызметкердің ар-намысы мен қадір-қасиетін, өздері білім алатын оқу орнының дəстүрлерін құрметтеуге міндетті.

Оқу тəртібін, ішкі тəртіп Ережесін жəне жатақханада тұрудың қабылданған ережелерін бұзғаны үшін білім алушылар Қазақстан Республикасының Заң шегінде жауапкершілікке тартылады.