Кж жобасын техникалық қамсыздандыруы

Бірінші тапсырма – эффективті АЖЖ-ді пайдалану. АЖЖ ҮИС-дың негізгі өндірушілері – Cadence, Synopsis және Mentors Graphics. Фирманың әрқайсысы жобалық модульдердің айтарлықтай толық жиынтығын жеткізеді. Алайда барлық фирмалар белгілі спецификацияға ие. Cadence аналогтық және аналогтық-сандық микросұлбаларды жобалау үшін ең жақсы бағдарламаларға ие. Mentors Graphics ПЛИС-пен жұмыс істеу үшін және тұғырды физикалық жобалау мен кешенді модельдеу үшін ең жақс ыбағдарламаларды жеткізеді. Мәліметтерді ұсыну тұрпаттары (форматтары) бірегейлендірілген: бір АЖЖ-де әр түрлі фирманың бағдарламалық модульдерінің үйлесімділігін қамтамасыз етуге міндетті. Бағдарламалық модульдерінің үйлесімді еместігі әлі де кездеседі, дегенмен бұл ережеден гөрі ерекшелік болып табылады.

КЖ әзірлеушілерінің ұжымы өзінің АЖЖ-нде әр түрлі фирмалармен жеткізілуі мүмкін жобалық модульдердің оңтайлы жиынтығын күйге келтіруге және біріктіруге міндетті.

Екінші тапсырма – мәліметтер қорын құру. Кез келген жағдайда қарапайым (примитивті) элементтердің: транзисторлардың, резисторлардың, индукаторлардың, конденсаторлардың және т.б. аналогтық кітапханалары қажет болады. Сандық логикалық лементтердің кітапханалары қажет болады. Жай элементтер кітапханалары, әдетте, кремнийлі фабрикалармен жеткізіледі және технологиялық үрдіске дәлме-дәл сәйкес болуы керек. Кітпаханаларды дайындауға деген келісілген талаптар оларды кез келген өндірушінің АЖЖ-де пайдалануға мүмкіндік береді.

Аяқталған СФ-блоктар фабрикалармен де, тәуелсіз өндірушілермен де орнатылады. Олардың сәйкестігін қамтамасыз ету үшін бірнеше жүздеген тараудан тұратын талаптар жасалған. Жалпы жағдайда, СФ-блоктар бір фабрикадан басқасына ауыстырылмайды. Бірақ, сандық құрылғылар үшін VHDL-Verilog-сипаттамасына және басқа технологиялық үрдіске арналған мінетілген (отлаженный) топологияға сүйене отырып, электрлік сұлбаның және топологияның автоматтық синтезін орындау жеткілікті. Сондықтан, сандық құрылғылар үшін жиі VHDL-Verilog тілдеріндегі сипаттамалар сатылады.

Үшінші тапсырма – өңдеу үрдісінің ақпараттық және техникалық қолдауы. Қажетті СФ-блок жинағын белгіленген мерзімде өз бетімен дайындау немесе табу барлық кезде орындала бермейді. Бұл жағдайда өңдеудің қолдау орталықтарына көмекке жүгіну қажет. Мұндай бөлімдер САПР-ды (ЖЖАЖ-ін) өңдеуші фирмалармаен құрылады. Бұл фирмаларда “виртуалды САПР (ЖЖАЖ)” термині жиі қолданылады. Бұл қажетті САПР жоқ кез және тапсырма алынған спецификацияның және жеке тәжірибенің негізінде фирманың мамандарымен шешіледі. Қолдау орталықтары тек қана тапсырысты СФ-блоктарды жасап қана қоймай, жобалаудың нақты сұрақтары бойынша кеңес береді. Кеңес беру интернет арқылы, сондай-ақ маманның тапсырыс берушіге шығуы арқылы жүзеге асады.

Төртінші тапсырма – жобаны аттестаттау және электронды техника өнімін өндірістік тестілеу мәселелерін шешу. Жоғарыда көрсетілгендей, жобада бақылаудың кіріктірме құралдарының қарастырылуы қажет. Алайда, бақылаудың кіріктірме құралдары ғана ҮИС тестілеуін қамтамасыз ете алмайды. Бұл үшін миллион доллар тұратын арнайы бақылау-өлшеу қондырғысы қажет. Мамандандырылған фабрикалар (Test-house) тесттік қондырғыларды жалға беруге дайын, бірақ жоба берілген нақты қондырғыны қолдануға даярланған болуы қажет. Жобаның тестке жарамдылық талдауы және оның таңдалған тесттік қондырғымен үйлесімділік талдауы орындалу қажет. Көбінесе бұл СНК-ның аналогтық, радиотехникалық және оптоэлектрондық блоктарына қатысты. Тестілеу сұрақтары жобаның аяқталуына қарай шегіндірілмеуі қажет, техникалық тапсырманы дайындаудан бастап, бүкіл жұмыс уақытында қарастырылуы қажет.

Бесінші тапсырма – қызметкерді оқыту. САПР-ды (ЖЖАЖ-ін) өндірушілер жыл сайын ондаған жаңа бағдарламалық модульдерді анонстайды (жасап шығарады). Жаңа бағдарламаларды алу олардың тиімді қолданылуына кепілдік бермейді, ал жаңа өнімнен бас тарту фирмаларды техникалық артта қалуға ұшыратады. Ресейде қазір алдыңғы қатарлы техникалық жоғары оқу орындарымен бірге құрылған САПР (ЖЖАЖ) бойынша 10-ға жуық білім беру орталықтары бар.