2 Мемлекеттiк қызметке кiретiн тұлғаларға қойылатын талаптар (азаматтығы, жасы, бiлiктiлiгi) және олардың ерекшелiктерi

13-бап ”Мемлекеттiк қызметке кiру кезiнде қойылатын талаптар“:

Мемлекеттiк қызметке кiретiн адамдарға мынадай талаптар қойылады:

-ҚР азаматы болуы;

-жасы 18-ден кем болмауы;

-қажеттi бiлiмi, кәсiби даярлығы және белгiленген бiлiктiлiк талаптарына

сәйкес келуi;

-жергiлiктi салық органына өз мүлкi туралы декларациясын тапсыруы;

-арнайы тексеруден өтуi керек;

-мемлекеттiк саяси қызметке кiру үшiн қойылатын қосымша талаптарды ҚР Президентi айқындайды.

Мемлекеттiк қызметке кiру тәртiбi мына негiздер бойынша жүзеге асырылады: 2003 ж 17 наурызда шыққан “ҚР Мемлекеттiк қызмет iстерi туралы” Агенттiгiнiң төрағасы бекiткен № 02-01-02/27 бұйрығымен жүзеге асырылады. Осы бұйрықта штаттың саны мен атқару мiндеттерi көрсетiлген. Мысалы: IIО қызметтерi заңнан басқа “IIО қызметтi өткеретiн ереже”, деген нормативтiк құқықтық актісiмен реттеледi. Сонымен қатар, әкiмшiлiк лауазымға ие болу үшiн үмiткерлер тест тапсырулары керек. Сондан соң бiлiктiлiгiн анықтау кеңесi өткiзiледi.

3 Мемлекеттiк қызмет аясындағы шектеулер мен тыйым салу

Мемлекеттiк қызметке кiру кезiнде үмiткердiң азаматтық кейбiр құқықтарына шектеулер қойылады. Ол тиiстi заңның баптарда көрсетiлген.

10-бап. ”Мемлекеттiк қызметте болуға байланысты шектеулер”.

Мемлекеттiк қызметшiге мемлекеттiк қызметке кiруге байланысты мынадай шектеулер қойылады:

- өкiлдi органдардың депутаты және жергiлiктi өзiн-өзi басқару органдарының мүшесi болуға;

- педагогтiк, ғылыми және өзге де шығармашылық қызметтi қоспағанда, басқа да ақылы қызметпен айналысуға болмайды;

- кәсiпкерлiк қызметпен айналысуға, соның iшiнде, егер коммерциялық ұйымды басқаруға тiкелей қатысуға ҚР заңдарына сәйкес, оның қызметтiк мiндетiне кiрмейтiн болса, ұйымдық - құқықтық нысанына қарамастан, коммерциялық ұйымды басқаруға қатысуға болмайды;

- үшiншi тұлғалардың iстерi бойынша өзi қызмет iстейтiн не өзiне тiкелей бағынысты немесе өзiнiң бақылауындағы мемлекеттiк органда өкiл болуға болмайды;

- өзiнiң қызметтiк iс-әрекетiн материалдық - техникалық, қаржылық және ақпараттық қамтамасыз ету құралдарын, басқа да мемлекеттiк мүлiк пен қызметтiк ақпаратты қызметтiк емес мақсатта пайдалануға болмайды;

- ереуілдерге, тосқауылға тұруға және басқа да мемлекет iсiне кедергi келтiретiн iс-әрекеттерге қатысуға болмайды;

- лауазымдық құқығын пайдаланып азаматтар мен заңды тұлғаның көрсететiн қызметiн жеке мақсатта пайдалануға болмайды.

Мемлекеттiк қызметшi қызметке кiрген соң, бiр ай iшiнде жергiлiктi салық органына өзiнiң жеке мүлкi мен табысы туралы декларациясын тапсыруға мiндеттi. Өзiнiң жеке кәсiпорнын сенiм бiлдiрiлген басқаруға беруi керек. Осы мүлiктен дивиденттер, ұтыстан түскен табыстарды алуға құқылы болады. Өзiнiң жұбайы, туған iнiсi, баласы бiр органда iстеуге болмайды. Мемлекетiк қызметке бұрын сотталған болып оның мерзiмi және сотталған туралы заң бойынша жойылмаған болса, ол азамат қызметке қабылданбайды. Мысалы: бұрын қылмыс жасап сотталған адамды полицияға алмайды.

Бақылау сұрақтары:

1 Мемлекеттiк қызметке кiрудiң қандай тәртiбi, ережесi бар?

2 Конкурс пен тағайындау арасындағы айырмашылық неде?

3 Мемлекеттiк қызметтiң неше түрi бар?

№12 ДӘРIС Тақырып: “ Мемлекеттiк қызметтi өткеру”

Сабақтың мақсаты: Мемлекеттiк қызметтi өткеру бойынша туындайтын барлық сұрақтарға толық жауап беру және оны талқылауға бейімделу