Силлабус

(Пәннің жұмыс бағдарламасы)

1. Жалпы мәлімет:

Ш.Есенов атындағы Каспий мемлекеттік технологиялар және инжиниринг университеті

«Биология және география» кафедрасы

050113 «Биология» мамандығының күндізгі бөліміне арналған цитология пәнінің

жұмыс бағдарламасы

1.1. Пән туралы мәлімет:

Пәннің коды	Пәні	Курс	Се местр	Кредит саны	Дәріс	Практ.сабақ	Зертхана. саб.	СОӨЖ	СӨЖ	Барл. сағат
Cit 3305	цитология	2	3	2	15	-	15	9	51	90

1.2. Оқытушы жөнінде мәлімет:

Дәріс беруші	Базаров Бисен Қадырбайұлы
Білімі	Алматы.Абай атындағы Қаз ұлттық педагогикалық университеті
ЖОО қызметі	Ш.Есенов атындағы Каспий мемлекеттік технологиялар және инжиниринг университеті «Биология және география» кафедрасы аға оқытушы
Байланыс тел:	42-58-04
Кеңес беру мезгілі мен орны	Ақтау қаласы, 32 ш/а, КМТжИУ, каб.1-10.

1.3. Курс процедурасы және саясаты:

Міндетті талаптар:

- сабаққа міндетті түрде қатысу;

- бақылаудың барлық түрі бойынша уақытында есеп беру;

- қатыспаған сабақтарды тапсыру

Жол бермеу керек:

- сабақтан қалу және кешігу;

- сабақ уақытында бөтен істермен айналысу;

- тапсырмаларды өз уақытында тапсырмау және т.б..

2. Бағдарлама

2.1. Пәннің сипаттамасы

Цитология пәні клетка құрылысын, оның қарапайым тірі жүйе ретінде тіршілік етуін зерттейтін биологиялық білім беру оқу жоспарының фундаментальдық ғылымы болып саналады; жеке клетка компоненттерінің функциясын, клеткалардың жаңару процестерін, олардың қоршаған орта жағдайларына бейімделу және жалпы клеткалардың ортақ қасиеттері мен қызметтері туралы мағлұмат алуға мүмкіндік беретін басқа да көптеген процестерді зерттейді.

2.2. Пәнді оқытудың мақсаты:

Цитологияның биологиялық бағдарлы пәндерді оқытудағы маңызы өте зор. Студенттерді қазіргі цитология негіздерімен таныстыру олардың органикалық дүниенің пайда болуы мен дамуы және адамның шығу тегіне байланысты эволюциялық көзқарастарын қалыптастырады, өсімдіктер мен жануарлар дүниесінің негізгі даму заңдылықтарын көрсететін анық ғылыми теорияны метафизикалық түсінікпен беттестіріп көрсетеді. Пән шығармашылық ойлау, студенттерде ғылыми көзқарас қалыптастыру, ғылымның өмірмен байланысын ашу, белсенді педагогикалық әрекет үшін қажетті білім және білік дағдыларын қалыптастыру мәселелеріне көмегін тигізеді.

2.3. Пәнді оқытудың арнаулы міндеттері:

Биология саласына маманданушы студенттің клетка туралы қазіргі заманғы түсінігі

болуы тиіс, клетка теориясының пайда болуы, цитологияның даму тарихы ж.т.б.

мәселелерді білуі қажет. Цитологияның басты міндеті – ұлпалардың құрылымдық ең маңызды бөлігі - клеткалардың жеке құрылымдарының бірлігін, оның күрделі қатынастағы жеке жүйе екендігін, клетка компоненттерінің бірі екіншісіне тәуелді болатынын студенттердің логикалық жолмен түсінуіне мүмкіндік жасау.

Курс бағдарламасы барлық дәрістер зертханалық сабақтармен қатар жүргізілуіне

ыңғайластырылып құрылған. Зертханалық сабақтардың міндеті клетка морфологиясын, химиялық құрамы мен клеткалық құрылымның функциональдық ерекшеліктерін көрсету. Цитология биохимиямен, биофизикамен, молекулалық биологиямен және генетикамен тығыз байланысты.