Сарыет игукъау

Плащ плъыжь дахэ щыгъэу Сарыет музыкальнэ еджапIэм дэжь щыт. Жьыбгъэу къепщэрэм пшъэшъэжъыем ышъхьэ къыригъэIэтырэп. Сарыет бзылъфыгъэ къопцIэ од лъагэ къакIоу зелъэгъум, псынкIэу еджапIэм ыкъогъу зишIыгъ. Пшъэшъэжъыер къызэмыплъэкIэу чылэ гу-зэгумкIэ ежьагъ. Нотэхэр зыдэлъ папкэр жьым къыIэкIитхъыщтыгъ. Са-рыет тучаным чIэхьагъ. Джэгуалъэхэр зыщащэрэ отделым дэхьагъ. Бэрэ нысхъапэхэр зыдэщысымэ ахэтэу яплъэу щытыгъ. Лъэшэу фай ныс-хъапэ дахэ къыфащэфынэу, ау янэ ыдэрэп ахъщэр джэгуалъэхэмкIэ бгъэкIодынэу. Сарыет нысэ джэнэ фыжьыбзэ зыщыгъ нысхъапэм ынэ шхъонтIэ цIыкIухэр тыримыхэу дэхэкIаерэ еплъыгъ. СомипшI ыуас. Пшъэшъэ цIыкIум рихъухьагъ: еджапIэр къызиухыкIэ, Iоф ышIэнэу ри-гъэжьэщт. Апэрэ зарплатэр къызыраткIэ, нысхъапэр къызфищэфы-жьыщт, янэ джэнэ дахэ къыфищэфыщт.

Гъыщ Рахьмэт.

Словарная работа

Ышъхьэ къыригъэІэтрэп – не дает поднять голову

ыкъогъу зишІыгъ – повернула за угол

джэгуалъ – игрушка

нысхъап – кукла

ежьагъ – направилась

къыІэкІитхъыщтыгъ – вырывал

ыдэрэп – не позволяет …

тыримыхэу – не отрывая глаз (взгляда)

рихъухьагъ – решила.

Тикъал

Ти Мыекъуапэ къэлэ дах. Ар урам зэнкIабзэхэмкIэ зэтеутыгъэ. Ахэмэ чъыг сатыр дахэхэр атетых. Тыдэ уплъагъэми урамхэр къабзэх. Мыекъуапэ икъыблэ лъэныкъокIэ псыхъоу Шъхьэгуащэ речъэкIы. Псы-хъом ыкIыбкIэ мэз Iужъу зытет къушъхьэ лъагэхэр къалэм къышъхьарэплъых. Зы бгъумкIэ бгы лъагэр къалэм рекIокIы, адрэ бгъумкIэ чIы-гур зэныбжь. А чIыгу зэныбжьым унакIэхэр бэу зэтетхэу щашIых.

Заводхэр, фабрикхэр, еджапIэ зэфэшъхьафхэр тикъалэ дэтых.

Мыекъуапэ пчэгу дахэхэр иIэх. Ахэр чъыг бырэбэ дахэхэм къагъэ-кIэракIэх. Ахэмэ цIыфыбэмэ защагъэпсэфы, кIэлэцIыкIухэм къащачъы-хьаныр якIас. Мыекъуапэ дэсхэм якъалэ ашIодах, шIу алъэгъу, рэгушхох, агъэдэхэным ренэу пылъых.

Кощбэе Пщымафэ ытхыгъэм техыгъ.

Словарная работа

Урам зэнкIабзэхэмкIэ – очень прямыми улицами

речъэкIы – протекает (пробегает)

къышъхьарэплъых – смотрят сверху на …

рекIокIы – проходит

чІыгу зэныбжьым – на равнине

къыщачъыхьаныр – бегать (на …)

Тиреспублик

Адыгэ Республикэм икъушъхьэ лъагэмэ ашыгу осыр телъ, мэз кIырхэр атет. Къушъхьэ псыхъо чъэрхэу Лаби, Шъхьээгуащи, Псэкъупси, нэмыкIхэри ахэм къячъэхых. Губгъо зэныбжьмэ коцыр, натрыфыр, чIыплъыр, нэмыкI лэжьыгъэхэр ащэбагъох.

Дахэ, бай адыгэ чIыгур, ау ижъыкIэ ащ щыпсэущтыгъэ лэжьакIо-хэр тхьамыкIэу щыIагъэх, цIыф гъэсагъэхэр яIагъэхэп. ЗэкIэ къуаджэхэр пштэмэ, ублэпIэ еджапIэу заулэ нахь адэтыгъэп.

Апшъэрэ гъэсэныгъэ иIэу зыпари адыгэмэ ахэтыгъэп. Джы еджа-пIэ дэмытэу Адыгэ Республикэм зы къуаджэ итэп. Ахэмэ нэбгырэ мин пчъагъэ ащеджэ. Республикэм институтхэу, техникумхэу, училищхэу итмэ афэшъхьафэу тикIалэхэр, типшъашъэхэр нэмыкІ хэгъэгухэм аще-джэх.

Адыгэ Республикэм апэрэ илъэсхэм зы электрическэ остыгъэ щыблэщтыгъэп, телеграф, телефон, радио, газ зыфэпIощтхэр щыIагъэ-хэп, гъогухэр дэй дэдагъэх. Джы ахэр зэкIэ республикэм илэжьакIохэм агъотыгъ, ящыIэныгъэ щыщ хъугъэх.

Кощбэе Пщымаф.

Словарная работа

Губгъо зэныбжьымэ – на ровных полях, (на равнине)

тхьамыкIэу – бедно

апшъэрэ гъэсэныгъэ – высшее образование

афэшъхьафэу – кроме, другое

остыгъэр щыблэщтыгъэп – не горела лампа в …