Глава VIII

О ИСКУПЛЕНИИ ПЛЕННЫХ

1. Полоняником на окуп збирати денги ежегод з го­родов всего Московского государства, с посадских дворов и с ямщиков и со всяких жилецких людей, которые живут в городех на посадех, и с уездных с патриарших и с митрополичих и с архиепископлих и епископлих и с мо­настырских вотчин, со крестьян и з бобылей з двора по осми денег. А государевых дворцовых сел, и черных во­лостей и с помещиковых и с вотчинниковых крестьян з двора по четыре денги, а с служилых людей, с стрелцов и с казаков и с пушкарей и з затинщиков и с воротников и с казенных плотников и с кузнецов и со всяких служи­лых людей, з двора по две денги. А збирати те денги погодно в Пocoлской приказ, по новым переписным книгам, а не по сошному писму, чтобы в том денежном зборе никто в и(ы)збылых не был, занеже таковое ис­купление общая милостыня нарицается, и благочестиво­му царю и всем православным християном за то великая мзда от бога будет, якоже рече праведный Енох, не пощадите злата и сребра брата ради, но искупите его, да от бога сторицею приимете. И пророком рече бог, не пощади сребра человека ради. Христос же, не токмо сребра, но и душю свою повелевает по братии положити. Больши бо тоя, рече, любве никто же не имать аще кто душю свою положит по братии своей. И того ради христова слова благочестивым царем и всем православ­ным християном не токмо пленных окупати, но и душю свою за них пологати достойно, да сторичныя мзды во он день сподобятся.

Глава X

О СУДЕ

1. Суд государя царя и великого князя Алексея Ми­хайловича всея Русии, судити бояром и околничим и думным людем и дияком, и всяким приказным людем, и судьям, и всякая росправа делати всем людем Москов­ского государьства, от большаго и до меньшаго чину, вправду. Также и приезжих иноземцов, и всяких прибы­лых людей, которые в Московском государьстве будут, тем же судом судити и росправа делати по государеву указу вправду, а своим вымыслом в судных делех по дружбе и по недружбе ничего не прибавливати, ни убавливати, и ни в чем другу не дружити, а недругу не мъстити и никому ни в чем ни для чего не норовити, де­лати всякие государевы дела, не стыдяся лица сильных, и избавляти обидящаго от руки неправеднаго.

5. А будет который боярин или околничей, или дум­ной человек, или дияк, или иной какой судья, исца или ответчика по посулом, или по дружбе, или по недружбе правого обвинит, а виноватого оправит, а сыщется про то допряма, и на тех судьях взяти исцов иск втрое, и отдати исцу, да и пошлины и пересуд и правой десяток възяти на государя на них же. Да за ту же вину у бояри­на, и у околничего, и у думного человека отняти честь. А будет который судья такую неправду учинит не из думных людей, и тем учинити торговая казнь, и въпередь им у дела не быти.

6. Да и в городех воеводам и дияком и всяким при­казным людем за такия неправды чинити тот же указ.

20. А которым людем доведется о судных своих и о иных каких делех бити челом государю, и тем людем о тех своих делех челобитныя свои подавати в приказех бояром и околничим и думным и всяким приказным лю­дем, кто в котором приказе ведом. А будет ему в приказе суда не дадут, или против его челобитья указу ему не учинят, и ему о том бити челом и челобитныя подавати государю, и то в челобитных своих описывати, что он о том деле напередь того в приказе бил челом, а указу ему в приказе не учинено. А не бив челом в приказе, ни о каких делех государю никому челобитен не подавати. А будет кто учнет о каком деле бити челом и челобитные подавати государю в приказе не бив челом, и таким че­лобитчиком за то чинити наказание, бити батоги. А кто почестнее, и того посадити в тюрму на неделю, чтобы на то смотря иным неповадно было так делати.