4.3.2. Әрлі-қорғаушы қабаттарды жағу технологиясы

Ұялы бетон негізіндегі қабырғалық материалдардың сыртқы беті қолдануға дайын: сулыэмульсиялы стиролбутадиенді бояулармен Э-К4-112 және поливинилацетатты Э-ВА-17 (ГОСТ 20833), цементперхлорвинилді (ЦПХВ), органосиликатты ВН-30, хлорсульфирленген полиэтилен негізіндегі ХП-799 және кемнийорганикалық КО-174 эмальдарымен өңделеді.

Поливинилацетатты бояулар ұялы бетон өндіретін заводта немесе кәсіпорында даярлауға болады. Әртүрлі модификациядағы ПВАЦ, ПВАГ, ПМС, ПВАМ поливинилацетатты бояулардың құрамы 4.8 - кестеде көрсетілген. Сулыэмульсиялы сылақтарды, желімдерді немесе бояулық құрамдарды СБ-43, С-716, С-365, СО-11, С-411А араластырғыштарында дайындайды.

Поливинилацетатты ПВАЦ, ПВАГ, ПМС, ПВАМ бояуларын, алғашқыда 50% ПВА ұнтағы мен суды, одан соң 4.8 - кестедегі құрғақ компоненттерді салып СО-11 немесе С-860 бояу араластырғышта 5-10 минут араластыру арқылы дайындайды.

Полимерцементті бояуларды құрғақ араласпа мен қоспаларды СКС-65ГП латексімен араластырып даярлайды. Полимерцементті бояуларды дайындаудың алдында, алдын-ала ОП-7-ні 1:2 қатынаста сумен араластырып және 2,5 %-ды КМЦ ерітіндісі дайындалып 24 сағат арнайы ыдыста сақталады.

4.8 - кесте. Поливинилацетатты бояулар құрамы, %

Компоненттер	ПВАЦ	ПВАГ	ПМС	ПВАМ
Ақ немесе түрлі түсті портландцемент Ұнтақталған газбетон (меншікті ұнтақтылығы 600-2000 см2/г) 50 %-ды ПВА ұнтағы, СВЭ эмульсиясы немесе С-135 маркалы СВМ Кремнийфторлы натрий Минералды пигмент* Кремнийорганикалық сұйық ГКЖ-11 Су	53 - 19 - 1,0 - - 27	- 44 26 - 0-10 - 30	- 53,3 13,3 - 0-10 6,7 26,7	- 37 26 - 0-10 - 37

* Газды бетон массасынан

Бояу араластырғышқа компоненттер келесі кезекпен және мөлшерде беріледі, %:

СКС-65ГК латексі ОП-7 КМЦ (2,5 % ерітіндісі) Ақ портландцемент Құм (ірілігі 0,5 мм дейін) Ұнтақталған газбетон ГКЖ сұйығы Пигмент

30,6 1,8 1,3 15,0 18,4 30,6 1,0 бұйымның жобадағы түсіне байланысты

Дайындалған полимерцементті бояудың қолданылу мерзімі – 3-4 сағат.

Әрлі ерітінді минутына 80-120 айналым жасайтын арнайы араластырғышта дайындалады. Компоненттер араластырғышқа келесі кезекте салынады: су → стаблизатор → акрилді эмульсия МБМ-5С немесе СКС-65ПГ латексі (қажетті мөлшердің 50-70 %) немесе 50 %-ды ПВА ұнтағы, одан соң 4.9 - кестеде көрсетілген құрғақ компоненттер салынады. Екі минут араластырылғаннан соң эмульсияның немесе латекстің қалған мөлшері (30-50 %) қосылып араластыру процесі 2-3 минут жалғасады. Дайын әрлі ерітіндінің қоюлығы СтройЦНИЛ конусы бойынша 10-12 см болуы қажет.

4.9 – кесте. Әрлі ерітіндінің құрамы, массасы бойынша %

Компоненттер	Толықтырғыш қосылмаған	Толықтырғыш қосылған
Ақ портландцемент М400 Құм немесе құм мен мәрмәр ұнтағы (1:1) Ұнтақталған ұялы бетон МБМ-5С эмульсиясы СКС-65ПГ латексі 50 %-ды ПВА ұнтағы ОП-7 10 %-ды ерітіндісі Су Пигменттер (құрғақ компоненттердің массасы бойынша) Мырыш тотығы	18-21 36-42 - 7-9 4-5 7 1-2 10-15 0-4 0-5	10-15 15-30 20-30 - 3-5 5-9 4-6 10-15 0-4 0-5

Өңделетін ұялы бетон негізіндегі бұйымдар мен материалдардың беттері ГОСТ 11118 талаптарына сай және органикалық құрамдағы бояулар жағылатын беттік қабатының (5 мм қабаттың) ылғалдылығы 8 % - дан аспауы қажет. Сулы эмульсиялы бояулар қолданылғанда бетон ылғалдылығына шектеу қойылмайды.

Сылақтық және әрлік құрамдар ұялы бетон негізіндегі бұйымның бетіне 2-3 атм қысыммен С-411 бояу шашқышқа қосылған КРВ-2, О-45, С-592 атқыш-бүркігіш көмегімен жағылады.