Бақылау сұрақтары .
1. Каротаждық станциялар неге арналған?
2. Компьютерленген каротажды зертханалардың қандай негізгі типтері болады?
Олардың өзара айырмашылықтары неде?
3. Компьютерленген тіркеуші қандай негізгі операцияларды орындауы қажет?
4. Кванттау (дискретизация) қадамын қалай түсінесін?
Сабақ 2
Тәжірибелік жұмыс № 1.1.1
Тақырыбы: МЕГА-МАКС КАРОТАЖДЫҚ СТАНЦИЯСЫ
Жоспары: 1) МЕГА-МАКС каротажды станциясы
2) Станциямен қамсыздандырылуы
МЕГА-МАКС (1 сурет) каротаждық станция – бұл қазіргі замандық компьютерленген бағдарламалық – аппаратуралық кешен, ол мұнай және газ ұңғы маларында перфорация жұмыстарын жүргізу үшін арналған. Станцияның негізгі ерекшеліктері оның әмбебаптылығы және жұмыста ыңғайлығы.
Электрлік сызбаның компоненттері электронды блок шассиінде орналасқан. Шасси екі бөліктен тұрады. Бір бөлігі электроника, жылусіңіргіш және фторопласттық қақпақпен Дьюар түтігінде орналасады, ал екінші бөлік дроссельмен (мұнда екінші модульде манометр көрсеткішінің электрондық модулі де орналасады) шассиде қорғаныс терісінің астында қалады. Дьюар түтігінде жоғары температураға сезімтал түйіндер орналасады (қорек көзінің бір бөлігі, телеметрия модулі).
Модуль БУ-К басқару блогымен кешенделген каротаждық станция құрамында жұмыс істеуге арналған.
Байланыс желісі ретінде үш желілі ұзындығы 6000м-ге дейінгі геофизикалық кабель қолданылады.
МЕГА-МАКС каротаждық станциясы
1 сурет. МЕГА-МАКС каротажды станциясы.
МЕГА-МАКС келесілерді қамтамасыз етеді:
-аспаптарды жалғау;
-ұңғымалық және жербетілік аппаратурадан телеметриялық мәліметтерді үздіксіз жинау;
-операторлық есептегіш машинаға жібермес бұрын телеметриялық мәліметтерді буферизациялау.
Мәліметтерді беру компьютерде стандартты протокол ТСР/IP бойынша жүргізіледі, бұл жұмыстың жоғарғы жылдамдығын және сенімділігін, сонымен қатар соңғы өңдеу жүргізгенде қолданатылатын компьютер типі мен онда орналасқан бағдарламалық қамтамасыз ету типінен тәуелсіздігін қамтамасыз етеді.
Бақылау сұрақтары:
МЕГА-МАКС станциясы туралы не білесің?
Станция нені қамтамасыз етеді?
Байланыс желіс ретінде неше желілі кабель қолданылады?
Сабақ 3
Тәжірибелік жұмыс № 1.1.2
Тақырыбы: МЕГА-МАКС КАРОТАЖДЫҚ СТАНЦИЯСЫНЫҢ БЛОКТАРЫ
Жоспары:
1). КОНСОЛЬ-2 блогы .
2). ПЕРФОПАНЕЛЬ блогы.
3). ИСТОК блогы.
4) .ТЕРМОПРИНТЕР сандық.
МЕГА-МАКС каротаждық станциясы келесі блоктардан тұрады:
КОНСОЛЬ-2, перфопанель, ИСТОК, СИБ, моноблок, резевті басқару блогы, термопринтер, үздіксіз қоректендіру блогы, климат-контроль.
Сонымен қатар каротаждық станция «Логис-Контроль» аппаратурасының модульдерінің қалыпты жұмыс істеуі үшін БУ-К блогымен жабдықталады. Станция тереңдік, магниттік белгі және кернеу көрсеткіштерімен кешенделеді.
Станцияның аппаратуралық бағанасы виброқорғаныс жүйесімен жабдықталған, ол жолсыз жерлермен станцияны тасығанда аппаратураның вибрация деңгейін 0,4 g дейін түсіреді.
КОНСОЛЬ-2 блогы (2-сурет) (көтеріп-түсіру операцияларын бақылау жүйесі) – каротаждық көтергішінің лебедчигінің пульті болып табылады. КОНСОЛЬ-2 ернеулік көрсеткіштерден (кернеу, тереңдік және магнитті белгі көрсеткіштері), сонымен қатар автокөліктің күштік құрылғысының көрсеткіштерінен (бортты жүйе кернеуі, май қысымы, суыту сұйықтығының температурасы) сандық және баламалы мәліметтерді жинайды.
Өңделген мәлімет станцияның есептегіш кешеніне және КОНСОЛЬ-2 индикаторларына беріледі. Блок қолмен және BitBus бойынша басқарылады (сонымен қатар магниттік белгі деңгейін реттеу). Бұдан басқа, КОНСОЛЬ-2 негізінде бағдарламалық түрде орындалатын параметрлер шамаларының шегі жеткенде ескерту белгілерін береді. Блок МЕГА-МАКС каротаждық станциясының машинист пультіндегі штаттық орнында орналастырылады.
Сонымен қатар, оператормен берілетін параметрлер шамаларының шегі жеткенде ескерту белгілерін береді.