Приложение а

Тексты для комплексного исторического анализа

Текст 1. Прhжде убо словене неймhаху писменъ, ну чертами и рhзанми гадааху погани сущи. Крестивше же ся римскамы и гречьскыми писмены, нуждаахуся писати словенску речь безъ устроя. Ну како можется писати добрh гречьсками писмены богъ или животъ или зhло.

Аще ли въпросиши словенскыя букваря, глаголя: кто писмена сътворилъ есть, или кто книгы прhложилъ? Въси вhдять и отвhщавь речеть: святый Константинъ философъ, нарицаемый Кирилъ, тъ писмена сътвори и книгы прhложи, и Мефодии, братъ его. Сут бо еще живи, иже суть видhли их. Аще въпросиши: въ кое врhмя? Вhдять и рекуть: яко въ врhмена Михаила царя греческа и Бориса князя болгарска и Растица князя моравьска и Коцля князя блатьска. А лhто же отъ създаниа всего мира 6363 … Такъ разумъ, братие, богъ есть далъ словhномъ. Ему же слава и честь и дръжава и поклоняние нынh и присно и въ бесконечныя вhкы вhкомъ. Аминь.

О письменехъ черноризца Храбра

Текст 2. В лhто 6454. Ольга съ сыном своимъ Святославомъ собра вои много и храбры, и идее на Деревьску землю. И изидоша деревляне противу. И сънемъшемася обhма полкома на скупь, суну копьемъ Святославъ на деревляны, и копье летh сквозh уши коневи, и удари в ноги коневи, бh бо дhтескъ. И рече Свhнедлъ и Асмолдъ. «Князь уже почалъ, потягнhте, дружина по князh». И побhдиша деревляны. Деревляне же побhгоша и затворишася в градhхъ своихъ. Ольга же устремися с сыном своимъ на Искоростhнь градъ, яко тhе бяху убили мужа ея, и ста около града с сыномъ своимъ, а деревляне затворишася в градh, и боряхуся крhпко из града, вhдhху бо, яко сами убили князя и на что ся предати. И стоя Ольга лhто, и не можаше взятии града, и умысли сице: посла ко граду, глаголюще: «Что хочете досhдhте? А вси гради ваши предашася мнh, и ялися по дань, и дhлають нивы своя и землh своя; а вы хочете изъмерети гладомъ, не имучеся по дань».

Повhсть времяньных лет

Текст 3. Господи, благослови, отьче.

«Родъ правыихъ благословиться, — рече пророкъ, — и семя ихъ въ благословлении будеть». Сице убо бысть малъмь преже сихъ. Сущю самодржьцю вьсеи Русьскеи земли Володимиру сыну Святославлю, вънуку же Игореву, иже и святыимь крьщениемь вьсю просвети сию землю Русьску. Прочая же его добродетели инде съкажемъ, ныне же несть время. А о сихъ по ряду сице есть: сь убо Володимиръ имеяше сыновъ 12 не отъ единоя жены, нъ отъ раснъ матерь ихъ. Въ нихъ же бяше старей Вышеславъ, а по немь Изяславъ, 3 — Святопълк, иже и убийство се зълое изъобретъ. Сего мати преже бе чьрницею, гръкыни сущи, и поялъ ю бе Яропълкъ, братъ Володимирь, и ростригъ ю красоты деля лица ея. И зача отъ нея сего Святопълка оканьнааго. Володимиръ же, поганъи еще, убивъ Яропълка и поятъ жену его не-праздьну сущю. Отъ иея же родися сии оканьныи Святопълкъ, и бысть отъ дъвою отьцю и брату сущю. Темь же и не любляаше его Володимиръ, акы не отъ себе ему сущю. А отъ Рогнеди 4 сыны имеяше: Изяслава, и Мьстислава, и Ярослава, и Всеволода, а отъ иноя Святослава и Мьстислава, а отъ българыне Бориса и Глеба. И посажа вся по роснамъ землямъ въ княжении, иже инъде съкажемъ, сихъ же съповемы убо, о нихъ же и повесть си есть.Посади убо сего оканьнааго Святопълка въ княжении Пиньске, а Ярослава — Новегороде, а Бориса — Ростове, а Глеба — Муроме. Нъ се остаану много глаголати, да не многописании въ забыть вълеземъ, нъ о немь же начахъ, си съкажемъ убо сице. Многомъ же уже дьньмъ минувшемъ, и яко съконьчашася дьние Володимиру, уже минувъшемъ летомъ 28 по святемь крьщении, въпаде въ недугъ крепъкъ. Въ то же время бяше пришелъ Борись изд-Ростова, печенегомъ же о онуду пакы идущемъ ратию на Русь, въ велице печали бяаше Володимиръ, зане не можааше изити противу имъ, и много печаляашеся. И призъвавъ Бориса, ему же бе имя наречено въ святемь крьщении Романъ, блаженааго и скоропослушьливааго, продавъ вое мъногы въ руце его, посъла и противу безбожьнымъ печенегомъ. Онъ же съ радостию въставъ иде рекъ: «Се готовь есмь предъ очима твоима сътворити, елико велить воля сьрдьца твоего». О таковыихъ бо рече Притъчьникъ: «Сынъ быхъ отьцю послушьливъ и любиимъ предъ лицьмь матере своея».