Емтихан билеті № 1

1. Тасымалдауға жүктерді қабылдау қалай жүзеге асырылады?

Жүк және коммерциялық жұмыстың технологиясы келесі операцияларды орындауды талап етеді: жүктермен (тасымалдауға қабылдау, өлшеу, сақтау, тиеу, түсіру, сұрыптау және тапсыру); құжаттармен; жүк пойыздарымен (коммерциялық байқау); жүк қабылдаушы мен жүк жөнелтушінің ақпараты бойынша (жақындау, келу, вагондарды тиеу-түсіру шебіне беру және жинау туралы); кәсіпорындар мен порттардың кірме жолдарына қызмет ету; көлік қызметі мен жүкті тасымалдау үшін есептеулері бойынша. Жүк және коммерциялық операцияларды орындау технологиясы жүк бекетінде жұмыстың технологиялық барысында өңделеді. Жүк бекетінде жұмыстың технологиялық барысы дегеніміз – өндірістік кәсіпорындардың кірме жолдары, теміржол Заңдары мен жүктерді тасымалдау Ережелерінің талаптарын қатаң сақтаған жағдайда еңбек әдістерін нәтижелі қолдану, бекеттің техникалық құралдардың рационалды қолдануға негізделген ұйымның жүйесі. Техникалық құралдардың өңдеу қабілетін тиімді қолдану, құжаттар мен жүктерді өз уақытында өңдеу, контейнерлер мен вагондардың айналымын тездету, еңбектің максималды өнімділігі, теміржол көлігінің қызметтерімен қолданатын кәсіпорындарды, ұйымдарды және бөлек азаматтарды жоғары қызмет ету мәдениеттілігі - технологиялық барыстың үйлесімді белгісі болып табылады. Жүк және коммерциялық операциялардың өндірістік-технологиялық циклі жүктерді жөнелту бекеттерінде, жүру жолында және келу бекетінде орындалады. Жүк және коммерциялық операциялардың өндірістік-технологиялық цикліне: қабылдау, тиеу, жүктерді жөнелту операциялары, жүру жолы, келуі, жүктерді түсіру және беру жатады. Жүктерді қабылдау, тиеу және жөнелтуді ұйымдастыру. Жүкті қабылдап жөнелтумен байланысты жүк және коммерциялық операциялар бекетте жүк жөнелтушімен, тауар кеңсесінің және тасымалдау құжаттарын өңдеумен айналысатын технологиялық орталықтың, сондай-ақ, жүк ауласының және механикаландырылған дистанцияның жұмыскерлерімен орындалады. Бұл операцияларға: жүк жөнелтушімен жүк пен құжаттарды дайындау, жүкті тасымалдауға келісім-шарт жасау, тауар кеңсесінде құжатты тексеру және белгі қою, тасымалдау құжаттарын дайындау, жылжымалы құрамды дайындау, тиеуге вагондарды беру, жүкті тасымалдауға қабылдау, теміржол көлігімен жүктің салмағын анықтау, жүк ауласына жүктерді түсіру, жүкті тасымалдау үшін есептеулерді анықтау жатады. Жүкті тасымалдауға дайындау. Жүкті тасымалдау үшін келесідей дайындықты қамсыздандыру қажет: тасымалдаудың сақтандырылуы мен қауіпсіздігі, жылжымалы құрамды рационалды пайдалану, жүк операцияларын тездетуді орындау. Жүкті тасымалдауға дайындау үшін келесідей кешенді шаралар орындалу қажет: өнімді сапалық жағдайға келтіру, көлік пакеттерінде үлкейтілген жүк орындарының тиісті орамасы, жүктердің таңбалауы, жүк жөнелтушінің жүкті өлшеуі, тиісті бақылау және қадағалау органдарымен жүктерді қарау (нан немесе карантин инспекциясымен, санитарлық-мал дәрігерлік қадағалаумен).