Power Point презентация жасау құралы. Интерфейс. Слайдтарды құру. Бірнеше слайдтардан презентация құру. Слайдтар арасында ауысу. Анимация құру.

Сабақтың тақырыбы: Power Point программасында презентациялар құру.

Сабақтың мақсаты:

• Power Point программасында презентациялар құру тәсілдерін менгеру

• Power Point программасында жұмыс істеу режимдерінің ерекшеліктерін менгеру және жұмыс жасау дағдысын қалыптастыру.

Бақылау сұрақтары

1. Power Point программасы қалай іске қосылады?

2. Power Point программасының мүмкіндіктері қандай?

3. Power Point программасының терезесі элементтері қалай орналасқан?

4. Презентация құру тәсілдері қандай?

5. Автомазмұн шебері қалай қолданылады?

6. Презентация құру дегеніміз не?

7. Бос презентация қалай құрылады?

8. Шаблон көмегімен презентация құру қалай орындалады?

9. Слайд дегеніміз не?

10. Анимация дегеніміз не? Оларды презентацияға қосу қалай жүзеге асады?

Тапсырмалар

1. Автомазмұн көмегімен «Жеке» «Хабарлама/жарнама» (Личное-объявления/реклама) тақырыбында презентация құрыңыз.

а) Осы құрылған презентация мәтіндерін «Спорт әлеміне саяхат» атты секция жарнамасы болатындай етіп өзгертіңіз.

ә) Слайттар режимдерін қолданып құрылған презентацияны өңдеу жұмыстарын жүргізіңіз.

2. Шаблондар ішінен өзіңізге ұнаған үлгіден таңдап, тағы бір презентация құрыңыз. Схемасын диаграмма мен мәтін болатындай етіп таңдаңыз.

а) «Рейтінгілік бақылау» тақырыбын енгізіп, өздеріңіз оқитын пәндерді таңдап, студенттердің бағаларымен толтырыңыз.

ә) Осы слайдта студенттердің бақылау жұмысынан алған бағаларының диаграммасын көрсетіңіз.

3. Бос презентация құру тәсілімен «Компьютер және біз» тақырыбындағы баяндамаңызды презентация ретінде ұйымдастырыңыз.

а) Презентация құру барысында әртүрлі анимациялық эффектілерді пайдаланып презентацияңызды жандандырыңыз.

Power Point программасын іске қосу

Power Point программасы MS Office-тің құрамындағы басқа программалар сияқты әрекеттегі тәсілдермен іске қосылады. Солардың бірі программаны басты меню арқылы іске қосу. Ол үшін Пуск -> Программы -> Microsoft Power Point командалық қатарын орындаймыз. Программа іске қосылғаннан кейін, презентация құру тәсілдерін таңдау және презентацияны оқуға мүмкіндік беретін командалар тізімі бар сұхбат терезе шығады (суретте).

6666

• Автомазмұн шебері (Мастер автосодержания) командасы таңдалынса, жаңа презентация белгілі тақырыптарға сәйкес мәтін және безендіру элементтері енгізіліп сақталған презентациялар тізімінен қажеттісін таңдап, салылы түрде сұрақтарға жауап бере отырып құрылады. Бұл кезде презентация мазмұны автоматты түрде жасалады.

• Презентация шаблоны (Шаблон презентации) Презентацияны бұрынан безендіру элементтері сақталып қойылған шаблон түрінде дайындауға мүмкіндік береді.

• Бос презентация (Пустую презентацию) ешқашан безендіру элементтері пайдаланылмаған таза, бос презентация құруға мүмкіндік береді.

• Презентацияны ашу (Открыть презентацию) бұрыннан құрылып, сақталып тұрған презентацияларды ашуға мүмкіндік береді.

Автомазмұн шебері көмегімен презентация құру

Power Point программасы іске қосылғанан кейінгі алғашқы сұхбат терезеден Автомазмұн шебері (мастер автосодержания) өрісін таңдап, ОК батырмасын басамыз. Автомазмұн шебері көмегімен презентация құру үшін сатылы түрде мынадай сұрақтарға жауап беруді талап етеді:

1-қадамда Презентацияның түрі, яғни оның тақырыптық бағытын таңдаймыз;

2-қадамда Презентацияны көрсету тәсілдері, презентацияны тек иллюстративті слайттардан құралатынын немесе ақпараттық киоск түрінде дайындалып, көрермендер өз беттерінше қарауға арналған операциялар бірін таңдау қажет.

3-қадам Презентацияны шығару материалының форматы таңдалынады.

4-қадамда Қосымша мәліметтер; презентацияның тақырыбы және титулды слайдта жазылатын мәтіндерді енгіземіз.

Осы 4-қадамнан өткеннен кейін, Дайын (Готово) батырмасын басамыз.

Автомазмұн шебері көмегімен жасалынған презентацияға қажетімізше арнайы эффектілер қосып, көркемдеу элементін жүргіссек болады.

Шаблон көмегімен презентация құру

Power Point программасында безендіріліп, дайындалған презентациялар шаблон түрінде сақталып қойылған. Осы шаблондарды пайдалана отырып, өз презентацияларымызды құруға болады. Ол үшін программаның алғашқы сұхбат терезесінен Презентация шаблоны (Шаблон презентации) операциясын таңдаймыз. Осыдан кейін Жалпы (Общие), Презентациялар дизайындары (Дизайны презентации), Презентациялар, Wep парақтар астарлы беттерден тұратын Презентацияны құру (Создать презентации) сұхбат терезесі шығады. Презентациялар дизайындары (Дизайны презентации) комендасын таңдаған терезеде әртүрлі атаулармен сақталынған презентация үлгілерінің тізімі беріледі. Презентация шаблондарын маус көмегімен белгілеген кезімізде, экранға таңдалынған шаблон үлгісі көрінеді. Өзімізге ұнағанын таңдап ОК батырмасын басамыз. Шаблон арқылы құрылған презентацияға тиісті мәтіндерді, арнайы эффектілерді қосып көркемдейміз.

Бос презентация (Пустую презентацию)

Бос презентация, яғни ешқашан көркемдеу элементтері қолданылмаған таза презентация құру әрекеттері:

• Power Point программасын іске қосқанда шыққан алғашқы сұхбат терезеден Бос презентация (Пустую презентацию) опциясын таңдау арқылы

• Файл – Құру (Файл - Создать) командасын орындағанда ашылған сұхбат терезенің Жалпы (Общие) астарлы бетінде Жаңа презентацияны (Новую презентацию) шарт белгісін таңдау арқылы:

• Стандартты саймандар тақтасындағы Құру (Создать) батырмасында тышқанды шерту арқылы орындауға болады.

Осы әрекеттердің бірі орындалған соң экранда Слайд құру сұхбат терезесі ашылады.

Слайд белгілеуінің 24 варианты бар. Осы варианттар ішінен өзімізге қажетті слайд үлгісін таңдаймыз.

Презентация слайдтарын қарастыру, үйлестіру схемасын таңдау әрекетік Слайд құру сұхбат терезесінде жүзеге асыруға болады.

Power Point программасында слайдпен жұмыс істеу режимдері

Power Point программасының графикалық объектілерді бейнелеуге арналған басқа программалардан айырмашылығы, бір мезгілде бірнеше слайдтардан тұратын презентациялармен жұмыс істеу мүмкіндігін береді. Слайдтарды қараудың бірнеше режимдері бар:

• Слайдтар режимі (Режим слайда)

• Құрылымдар режимі (Режим структуры)

• Слайдтарды сұрыптау режимі (Режим сортировщика слайдов);

• Бетке ескертпе жазу режимі (Режим страниц заметок)

• Слайдтарды көрсету режимі (Режим показ слайдов).

Слайдтар режимі (Режим слайда) – презентацияның әр слайдын жеке қарауға және өңдеуге, графикалық объектілер мен кестелер енгізуге болады. Сонымен бірге өзіміз дайындаған немесе дайын суреттер, мәтіндік түсініктемелер енгізуге болады.

Құрылымдық режим (Режим структуры) – презентацияның тек мәтіндік мазмұнын көрсетеді. Бұл режимде презентацияға мәтінді өзгертуге немесе жаңа мәтін енгізуге болады. Слайд режимінде жасаған безендіру әрекеттерін құрылымдық режимде орындай аламыз.

Слайдтарды сұрыптау режимі (Режим сортировщика слайдов) – презентацияның барлық слайдтары тізбектеліп, терезеде орналасады. Тұтас презентацияның түріне арналған слайдтардың фоны, түстерді таңдау сияқты ортақ параметрлерді тағайындай отырып, болған өзгерістерді бақылауға ынғайлы. Нақты слайдтың мазмұнын өзгерту мүмкін емес болғанымен, оларды өшіру, қайталау, көрсету ретін өзгерту әрекеттерін орындауға болады.

Бетке ескерте жазу режимі (Режим страниц заметок) – презентация кезінде баяндамашы қолдану үшін беттерге ескертпелер құруға арналған. Бұл режимге көшкен кезде слайдтың кішірейтілген көшірмесі беттің жоғарғы жағына орналасады да, төменгі бөлігін мәтіндік түсініктемемен толтыруға болады.

Слайдтарды көрсету режимі (Режим показ слайдов) – дайындалған презентация слайдтары бірінен кейін бірі экранда көріне бастайды. Бұл режимде қолданылған арлық анимациалық эффектілер экранда көрінеді.

Осы режимдерді іске қосу үшін менюдан Түр (Вид) командасын орындаймыз немесе терезенің төменгі сол жақ бұрышында осы режимдердің батырмасы орналасқан, соларды шерту арқылы көшіруге болады.

ЗЕРТХАНАЛЫҚ ЖҰМЫС № 10