Зертханалық жұмыс 7.2.

Сабақтың тақырыбы: MS Excel –дің статистикалық, финанстық және логарифм-дік функциялары

Сабақтың мақсаты: MS Excel –де статистикалық, финанстық және логарифм-дік функциялар түсінігін біліп үйрену.

Бақылау сұрақтары

1. MS Excel программасында қолданылатын функциялар топтамасы

2. MS Excel функциясының жазылу үлгісі.

3. Функцияларды формулаға енгізу қалай жүргізіледі?

4. Логикалық функциялар туралы айтыңыз.

5. Қандай статистикалық функцияларды білесіз?

6. Финанстық функцияларға тоқталыңыз.

Тапсырмалар

1.Функция мәнін енгізіп өрнекті есептеңіз.

MS Excel программасында қолданылатын функциялар мына топтарға бөлінеді:

• Қарапайым математикалық функциялар;

• Тригонометриалық функциялар;

• Күрделі математикалық функциялар;

• Матрицалық математикалық функциялар;

• Қаржылық есептеулердің функциялары;

• Уақыт және датамен жұмыс істеу функциялары;

• Мәтіндік функциялар;

• Файлдарды өңдеу фунциялары;

• Мәліметтер қорымен жұмыс істеу функциялары;

• Логикалық функциялар.

Осы функциялардың кейбір топтарына кеңінен тоқталайық. Ол үшін функциялардың MS Excel-дегі синтаксисін берейік. Функциялар y=f(x) түрінде жазылады, мұндағы у – есептелуге тиіс функция мәні, х-аргумент, f-функция.

Функция енгізілген ұяшық мысалы ретінде: =A5+sin(C7) формуласын келтіруге болады, мұндағы А5-ұяшық адресі, sin()-функция аты, жақша ішінде оның аргументі түрады, С7 аргумент (сан немесе мәтін,т.б).

MS Excel-де функция атын формулаға кірістіру үшін «Функция шеберін» (Мастер Функции) қолдануға болады, ол Енгізу – Функция (Вставка - Функция) командасымен немесе f_x бейнеленген батырма арқылы іске қосылады. Батырма басылғанда экранға функциялар бейнеленген сұхбат терезесі шығады. Соның, ішінен керектісін таңдап алып Қадам (Шаг) батырмасын басу керек. Сонда Функция шеберінің екінші сұқбат терезесі шығады да одан аргументті таңдап аламыз.

Енді функциялар топтамасын берейік

1.Логикалық функциялар

Логикалық функциялардың нәтижесі «АҚИҚАТ» және «ЖАЛҒАН» болатынын ескерсек функция қызметтері төмендегідей:

• ЕСЛИ (логическое выражение; значение истина: значение ложь) – Логикалық өрнек, қойылған шартты тексереді де егер өрнек мәні ақиқат болса «АҚИҚАТ», ал кері жағдайда «ЖАЛҒАН» деген жауаптарды шығарады.

• ИСТИНА () – «АҚИҚАТ» логикалық мәнді анықтау

• ЛОЖЬ () – «ЖАЛҒАН» логикалық мәнді анықтау

• НЕ (логическое выражение) – Бұл логикалық өрнек аргументтің мәнін кері мәнге ауыстырады. Егер логикалық өрнектің мәні «АҚИҚАТ» болса «ЖАЛҒАН» мәнді шығарады және керісінше.

• И (х1;х2;...) – Егер барлық аргументтердің мәні ақиқат болса «АҚИҚАТ» жауабын шығарады. Егер, аргументтердің кез келген біреуінің мәні жалған болса «ЖАЛҒАН» жауабын шығарады

• ИЛИ (х1;х2;...) – Егер аргументтің кез келген біреуінің мәні ғана ақиқат болса «АҚИҚАТ» мәнді береді, ал аргументтердің барлығының мәні түгелдей жалған болса «ЖАЛҒАН» мәнді шығарады.

2.Статистикалық функциялар

• ДИСП (диапазон) – Көрсетілген ұяшық диапазонында жатқан мәндердің таңдау бойынша ДИСПЕРСИЯ-сын анықтау.

• ДИСПР (диапазон) – Көрсетілген ұяшық диапазонында жатқан мәндердің басты жиынтығы бойынша ДИСПЕРСИЯ-сын анықтау.

• СРЗНАЧ (диапазон) - Көрсетілген ұяшық диапазонында жатқан мәндердің арифметикалық орташасын анықтау.

• СТАНДОТКЛОН (диапазон) – Көрсетілген ұяшық диапазонындағы стандартты ауытқуды таңдау бойынша анықтау.

• СТАНДОТКЛОННП (диапазон) – Көрсетілген ұяшық диапазонындағы стандартты ауытқуды басты жиынтық бойынша анықтау.