Бағалау орталығы (Assessment-Centr)

«Бағалау орталығы» деп немесе «Баға беру орталығы» деп аталатын бұл әдіс: Алдын - ала анықталған талаптарға сай, бірнеше қатысушылардың іс - әрекетінің жағымды, тиімді жағын немесе, керісінше, жағымсыз жақтарын бірнеше бақылаушылардың көмегімен қарастыруға болады. Қатысушылар - би жұптары, әрқайсысының реттік нөмірі бар, үлкен би алаңында, музыка әуенімен бағдарламада берілген бір биді көп жұп билейді. Олардың орындауын бірнеше әділ - қазылар (судьялар) мұқият қадағалап, әр жұпқа баға береді. Баға беру орталығы! Неге?

Себебі, бұл жердегі маңызды нәрсе, баға берудегі келіспеушілік, бұл жағынан баға беру орталығы - әділ - қазылар алқасы. Бұл жерде терминологиядан қателеспеу керек. "Орталық" деген белгілі бір жер, ғимарат, баға беретін бөлме емес, жоғарыда аталған үрдіс.

Бұл әдістің түйіні мынада: кандидаттың алдағы кездегі жұмысының негізгі кезеңдерін модельдейтін және оның іскерлік, жеке қасиеттерін көрсететін кейбір жаттығуларды табу, іске қосу. Бұл үшін көбіне сұхбаттар, рөлдік және іскерлік ойындар, психологиялық тестілеулер, пікірталастар т.б. қолданылады. Шын мәні жағынан "Баға беру орталығы" - модельдік жағдайда қатысушылардың іс - әрекетіне берілген эксперттік баға.

Assessment-Centr әдісінің негізгі сипаты мен мәні неде? Атап өтейік:

1) Әр қатысушы кандидатқа бірнеше мамандар баға береді, олар - арнайы дайындығы бар бақылаушылар. Әр бақылаушы барлық қатысушыларға баға береді, бұл өз кезегінде шынайы баға берудің жоқтың қасы десек те болады.

2. "Бақылау" мен "бағалау" арасында мол уақыт аралығы бар (шынайы дерек алу үшін).

3. Аттестацияланушының іс -әрекетінің себеп - салдары туралы гипотеза емес, дәл бақылаған кездегі іс -әрекеті бағаланады.

4. Кандитаттың потенциалын (мүмкіндіктер қорын) анықтауға бағытталған баға «жүйесі» құрылады.

5. Кандидаттың бағалау әдісі бірін - бірі толықтыратын әр түрлі жаттығулар арқылы сынаумен жүзеге асады.

Келесі сұрақ: Assessment-Centr әдісінің этаптары қандай?

І.Бағалаудың мақсатын, оның мүмкін болатын нәтижелерін анықтау.

2)Бақылаушы эксперттерді таңдау.

З)Кандитаттарға қойылатын талаптарды анықтау, бағалау критеийлерінің тізімін жасау.

4) Қатысушыларды хабардар ету. Ұйымдастыру - техникалық дайындық.

5)Бақылаушы - эксперттердің жаттығуы.

6. Assessment-Centrге (баға беру орталығына) қатысушылардың кездесуі, болатын істердің мақсатын, жоспарын, бағдарламасын жария ету.

7. Жаттығуларды өткізу (баға беру орталығын жүргізу)

8. Кандидаттарды (үміткерлерді) бақылау.Байқалғанды бағалау

10. Баға беруде эксперттердің өзара келісімі

12) Рекомендациялар (ұсыныстар) дайындау, үміткердің жеке іскерлік қабілет - қасиеттерін сипаттау (жеке анықтамалар)

13. Ақтық талқылау және таңдау: белгілі бір қызметке үміткердің сай, сай еместігін белгілеу.

14. Үміткерлерді Assessment-Centr нәтижесі туралы құлағдар ету.

15. Бірлескен әрекеттер мен даму іс-шараларын келісу.

Енді Assessment-Centr әдісін қолданудың артықшылығын қарастырайық:

Assessment-Centr - ді қолданудың ұжым үшін артықшылығы:

1) Жұмыс жағдайына, сұхбатты жүргізушінің бағасы мен ықпалына тәуелсіз түрде, кандидаттың жеке мүмкіншіліктерін бағалау.

2. Жалпы стандартты пайдалана отырып, барлық қатысушыларды маңызды да елеулі қасиеттеріне қарай бағалайтын объективті шаралар болуы.

3. Әр қатысушы үміткер үшін ерекше мықты және осал жақтарын анықтау мүмкіндігінің болуы және бұл ақпаратты жүмысқа қабылдау үшін ғана емес, карьера (қызмет баспалдағына көтерілу) және дамуда да қолдану.

4. Жеке мақсаттылықты білу мүмкіндігі (қажеттілік, күту, мақсат, қызығушылық).

5) Келешекте жетістікке жеткізетін, басқару қызметін атқара алатын, жақсы потенциалы бар түлғаны анықтау (потенциал дегеніміз - адамның бойындағы мол іскерлік қабілет, мүмкіндіктер қоры).

Assessment-Centr - ді қолданудың үміткер үшін артықшылығы:

1) Өзінің бойындағы қызметте көтерілуге қажетті потенциалды көрсетудегі тең мүмкіндіктер.

2. Қызметте көтерілудегі өзінің қызығушылығын, мақсатын, үмітін көрсету мүмкіндігінің болуы, ақпаратты тиімді пайдалануға арнайы жағдайдың жасалуы.

2. Шынайы және әділ кәсіби баға алу.

4) Өмірлік мақсатын, карьера жасаудағы жеке жоспары туралы шешім қабылдау мүмкіндігінің болуы.

Бұл әдістің кемшілік тұсы деп мына жағдайды атауға болады: Материалдық ресурстардың да, уақыттын да көп жұмсалуы.