Сабақ № 6

Сабақтың тақырыбы. Хаттама. Қосарланған тыныс белгілердің қолданылуы.

Сабақтың мақсаты. Хаттама туралы, оның толтырылуы, қажетті тірек сөздер мен сөз тіркестері жайлы түсініп алу, білу.

Хаттама

Хаттама – мекеменің, ұйымның, кәсіпорынның жиналысы мен мәжілістерінде қаралған, талқыланған, қорытындыланған жағдайларды тірқейтін /толық жазатын/ ұйымдастырушы-өкімшіл ресми құжат.

Белгілі бір фактіні куәландыратын құжат /жауап алу хаттамасы, тексеру хаттамасы/.

Қоғамдық тәртіптің бұзылғаны туралы факт тіркелетін ресми құжат. Хаттамаға мекеме басшысы, фактіні тіркеуге жауапты адам және хаттаманы жазушы адам қол қояды.

Хаттамада көрсетілетін міндетті мәліметтер:

1. Мекеменің, ұйымның, кәсіпорынның атауы.

2. Құжаттың аты /хаттама/.

3. Айы, күні, жылы, хаттаманың номірі.

4. Жиналыс /мәжіліс/ өткен орын.

5. Егер хаттаманы бекіту талап етілсе, бекіту /гриф/ таңбасы.

6. Қатысқандар туралы мәлімет /саны, аты-жөні, лауазымы/.

7. Күн тәртібі.

8. Төрағаның және хатшының қолы.

Үлгімен танысыңыз.

Алматы қаласы Көлік және телекоммуникациялар колледжі ұжымы жалпы жиналысының №7 хаттамасы

1997ж. 25 қыркүйек Алматы қаласы Қытысқандар_______________________________________ Қатыспағандар: дәлелді себептермен _________________ дәлелсіз себептермен________________________________

Күн тәртібі:

1. Қазақстан Республикасы Президентінің "Сыбайлас жемқорлықпен күрес туралы" Заңын талқылау

Ғылыми-практикалық конференцияға дайыйдық туралы.

Тыңдалды: 1. Күн тәртібіндегі бірінші мәселе бойынша

«_______»_________ сөйледі./хабарламаның мәтіні тіркелген/.

2. Екінші мәселе бойынша _____________ сөз сөйледі /хабарламаның мәтіні тіркелген/.

Алматы қаласы Көлік және коммуникациялар колледжі үжымының жалпы жиналысы қаулы етеді:

1.

2.

Мәжілістің төрағасы /аты-жөні/

Мәжілістің хатшысы /аты-жөні/

Негізгі сөздік

Хат	Хаттама- протокол Хаттаманың көшірмесі – выписка из протокола
Ресми	Ресми –офиц иальный Бейресми-неофициальный Рәсімдеу –оформить Ресми келіссөз –официальные переговоры Ресми түрде –официально Ресми тіл –официальный язык Ресми сөйлеу-официальное выступление Ресми қағаз –ойициальные документы (бумаги)
Іс	Іс жүргізу-делопроизводство Іс жүргізуші-делопроизводитель Іскер топтар-деловой круг Іске асыру –внедрить Іс шара-деловые меры

Тапсырма 1. Мәтінді оқыңыз. Қазақ тіліндегі сөздің орын тәртібін есіңізге түсіріңіз.

«Ақниет» шағын кәсіпорны ұжымы жалпы жиналысының

№ 7 хаттамасы

11 желтоқсан, 1998 ж. Алматы қаласы

қатысқандар: 15 адам

қатыспағандар: -

дәлелді себептермен: 1

дәлелсіз себептермен: -

Күн тәртібі

1. Қазақстан Республикасының Президентінің «Сыбайлас жемқорлыққа қарсы күрес жөніндегі 1999-2000 жылдарға арналған мемлекеттік бағдарлама туралы» жарлығын талқылау.

1. Әр түрлі мәселелер.

Тыңдалды:

1. Күн тәртібіндегі бірініші мәселе бойынша кәсіпорын директорының орынбасары Ж.Әбдірахманұлы баяндама жасады.

Күн тәртібіндегі бірінші мәселе бойынша ұжым мүшелері: Б.Досболұлы, Ж.Дәулетбайұлы, Ғ.Айбергенқызы және кәсіпорын директоры А.Ақылбайұлы сөз сөйледі.

Қаулы етеді:

«Ақниет» швағын ұжымының жалпы жиналысы қау лы етеді:

1. Қазақстан Республикасының Президентінің «Сыбайлас жемқорлыққа қарсы күрес жөніндегі 1999-2000 жылдарға арналған мемлекеттік бағдарлама туралы» жарлығының орындалуы міндеттелсін.

2. Бағдарламаны жүзеге асыруға ұжым мүшелерінің белсенді атсалысуы жө ніндегі шаралар белгіленсін.

Жиналыстың төрағасы А.Ақылбайұлы

Жиналыстың хатшысы Б.Сарыбайқызы