1. Көп нүктенің орнына қажетті сөзді қойыңыз

Жанат сапарға шығар алдында төлқұжатын ... .

А) ұмытып кете жаздады

В) тастап кеттік

С) төлеп берді

Д) қалдырып кете жаздадың

Е) тастап кетеміз

2. Сөйлемді аяқтаңыз.

Азиадаға бөлінген қаражат жуық арада кеткен шығынның орнын ....

А) толтыра алмайтын көрінеді

В) қайтарып ала алмады

С) шығарып кете алмайды

Д) есептеп сала бастады

Е) қайтарып берді

3. Көп нүктенің орнына қажетті сөзді қойыңыз.

Оған бар құпиясын ....

А) тастап кетті

В) ойлай бастады

С) жайып салды

Д) ашып келе бастады

Е) ойлап болды

4. Көп нүктенің орнына қажетті сөзді қойыңыз.

Үйіңе барып, қалың ... кел.

А) жуынып

В) киініп

С) таранып

Д) сұранып

Е) тазаланып

5. Асты сызылған тіркеске қарама-қарсы мәнді тіркесті көрсетіңіз.

Жасы үлкен кісінің алдында беті бүлк етпеді.

А) бет пердесін ашты

В) беті жұмсарды

С) беті ду ете түсті

Д) беті бері қарады

Е) беті қызарып кетті

6. Мәтін мазмұнына сәйкес жауапты табыңыз.

Көшірмешілер немен шұғылданған?

А) кітаптарды көшірумен, данасын көбейтумен

В) кітаптардың көшірмелерін жинаумен

С) кітаптардың көшірмелерін кітапханаға жеткізумен

Д) кітапхана каталогін жасаумен, кітап қорын толықтырумен

Е) Дұрыс жауап жоқ

Әлемнің ең ірі кітапханалары.

Адамзат тарихындағы ең ірі кітапханалар саналатын әйгілі Александрия кітапханасы мен қазақ жерінде болған Отырар кітапханасы – заманында әлемдік өркениеттің дамуына теңдессіз ұлес қосқан кешенді білім ордалары. Алайда бұл екеуінің де өмрі бүгінгі таңға жетпей, тарихтың бір қойнауымен шектеледі.

Александрия кітапханасы негізін Александрия қаласында ІІ Птолемей қалаған, қорында бес мың том кітап болған. Оны Эратосфен, Зенодот, Аристарх, Калиммах есімді ірі ғалымдар басқарған. Сол заманғы оқымыстылар жүз мыңнан жеті жүз мың томға дейін кітап қоры болғанын жазады. Кітапхана қорының негізін ежелгі грек әдебиеті мен ғылымынан тұратын шығармалар құрағанмен, мұнда шығыс халықтары тілдеріндегі кітаптар да көп болған. Александрия кітапханасы жанында көшірмешілер штаты жұмыс істеп, олар кітаптарды көшіріп жазып, данасын көбейтіп отырған. Калиммахтың жетекшілігімен кітапхана каталогі жасалынып, сол жүйе негізінде кітап қоры толықтырылып тұрған.

Әлемнің екінші үлкен білім бұлағы – Отырар кітапханасы. Бұл кітапхананың қоры өте бай болған. Отырар – біздің ұлы бабамыз Әбу насыр әл-Фарабидің отаны. «Әлемнің екінші ұстазы» атанған ол әлемнің екінші ірі кітапханасында білім нәрімен сусындап өсті. Мұнда ежелгі сына жазуымен жазылған туындылар мен папирусорама қағаздарынан бастап, ортағасырлық Еуропа, араб және Қытай ғалым-оқымыстыларының шығармаларына дейін жинақталған.

2001 жылы 27 тамызда Қазақстан Республикасының Үкіметі мен Біріккен Ұлттар Ұйымының Білім беру, ғылым және мәдениет мәселелері жөніндегі ұйымы (ЮНЕСКО) арасында көне Отырар қалашығын сақтау жобасы бойынша келісімге қол қойылды. Келешекте Ұлы Жібек жолының батыс пен шығыс әлемдері тоғысар тұсында ғылым мен мәдениет орталығына айналған көне шаһардың бүгінгі орнын шетелдік қонақтар үшін туризм орнына айналдыру көзделіп отыр. Әйгілі Отыраркітапханасы ата-бабамыз мекен еткен алып аймақта ілім дәнін сепкен киелі жер екені баршаға аян.

7. Қажетті сөзді қойыңыз.

Қап! Іздеп келген адамымыз жоқ екен,.... келіппіз.

A) бекер

B) баяу

C) жылдам

Д) ақырын

Е) тез

8. «Қарға адым» деген тіркес қандай ұғымға тән?

А) салмақ

В) мезгіл

С) қашықтық

Д) көлем

Е) өлшем

9. Асты сызылған тіркестің сәйкес мағынасын табыңыз.

Бата беру – қазақ халқының ең бір тамаша дәстүрі.

А) көмек көрсету

В) ақша беру

С) сыйлық беру

Д) мал, мүлік беру

Е) жақсылық, оң тілек тілеу

10. Дұрыс жауабын табыңыз.

Жарысқа келгендер ... бөлініп күш сынасты.

A) екеулеп

B) үш-үштен

C) реттеп

Д) көп-көптен

Е) аз – аздан