Коми республикаса каналан пасъяс

Кыввор:

Канму – государство, страна, республика

Каналан – государственный

Канму пасъяс – государственные символы

Вежöртас – значение

Вежöртö – означает, значит

Видзысь – хранитель

Вежа – святой

Лöсялана – подходящий

Кузьта – длина

Пасьта – ширина

Перымса пемöсъяслöн сер – пермский звериный стиль

Помтöм-дортöм – бескрайний

Кывбердъяс артмöны эмакывйысь

эмакыв

+

-а, -я, -тöм, -са, -ся, -öсь

=

шондіа кöмтöм войвывса гожся пызьöсь

солнечный босоногий северный лений мукой запачканный

Öтвывтöм кывбердъяс петкöдлöны мортлысь да предметлысь качествосö ас, аслыс нимвежтасъяс дорö нога, сяма, сикас, руа, ныра, пöлöс кывъяс содтöмöн. Шуам: асруа, асныра, аслыспöлöс да с.в.

Лыддьы да кут тöд вылын.

Республикаса символъясöн лоöны государственнöй канпас, дöрапас да кып, кодъясöс примитöма Коми республикаса 12-öдысь бöрйöм медвылыс Сöветлöн XX сессия вылын 1994 вося июнь 6-öд лунö.

Рисунок: Герб РК.

Канпас.

Коми Республикалöн государственнöй канпас – тайö перымса зверинöй стиль серти зарниöн серпасалöм варыш, коді гöрд геральдическöй пöв вылын: лэбач морöс вылас квайт йöра юр кытшысь нывбаба чужöмбан.

Варыш öткодявсьö власьткöд, енэжвывса олöмкöд. Лэбач морöс вылын нывбаба чужöмбан – тайö Зарни Ань, олöм сетысь ен, став мирса мам. Йöра петкöдлö вын, шаньлун, авъялун.

Зарни да гöрд рöмъяс коми фольклорын петкöдлöны асъя шонді, мамлун да кага чужöм. Общественно-политическöй олöмын гöрдыс гöгöрвоöдсьö кыдзи войтырлöн да власьтлöн удж-зільöм.

Рисунок: флаг РК.

Дöрапас.

Коми Республикалöн государственнöй дöрапас – тайö веськыд пельöса дöра, кöні вомöнног öта-мöд бöрся вылісянь улö лэччысь визьяс – лöз, турунвиж да еджыд.

Лöз рöм петкöдлö помтöм енэж, войвывса эрдъяслысь мичсö да отсö.

турунвиж рöм – лача да озырлун пас, гöгöрвоöдö помтöм-дортöм коми парма – коми войтырлысь медыджыд озырлун да олан-уджаланін.

Еджыд рöм петкöдлö коми мулысь сöстöмлун, вöрзьöдлытöм мичлун.

Кып.

Коми Республикалöн государственнöй кыпöн лоö Виктор Савинлöн «Варыш поз» сьыланкыв серти мелодия.

 Сёрнит ёртыдкöд канму пасъяс йылысь. Пырт сёрниö вöзйöм юалöмъяс.

– Кор вöлі примитöма Коми Республикалысь выль Оланподув?

– Коді веськöдлö Каналан Сöветöн?

– Кутшöм каналан кывъяс миян Республикаын?

– Мый серпасалöма канпасö?

– Кутшöм дöрапасыс?

– Коді лöсьöдіс кыпсö?

Видзöдлы кывъяс вылö да мöвпышт, кутшöм шыпасъяс оз тырмыны. Сетöм шыпасъясöн артмöд кывъяс.

ДРПС	НЖ	КНПС	ЙР РЪЯС	КП
ЛМ	ПРМ	ВРШ ПЗ	ЛБЧ	ЗРН НЬ

Удж. Лыддьы да гöгöрво Коми республикалысь кыпсö. Велöд наизусть.

Коми республикалöн каналан кып.

Кывъясыс В. Савинлöн; редакцияыс В. Тиминлöн, А. Шергиналöн да А. Суворовлöн

Шыладыс В. Савинлöн, обработкаыс М. Герцманлöн

Ылын-ылын Войвылын Джуджыд Парма сулалö. Парма шöрын варыш поз Кыпыд горöн шыалö. Лэбзьöй, повтöм варышъяс, Вына бордъяс шеныштлöй, Веськыд туйö нуöдöй, Коми мусö югдöдöй!

Север, наш родимый край, Глубоки твои снега, Холодны твои ветра, Высока твоя тайга! Нас несут через века Соколиные крыла. Коми край, твоя судьба Благодатна и светла!

Содты кывбурö лöсялана кывъяс (рöм вылö индысь кывбердъяс).

Степан нима изэрд весьтын

Куим рöма дöрапас.

Татчö, кодыр кöть ог веськав

Паськыд эрдыс меным ас.

… рöм – тайö миян енэж

… – парма-вöр

… рöмыс казьтö меным

Лымъя войвыв – сьöлöмшöр.

В. Тимин

Тöдан-ö тэ кутшöм финн-угор кывъя йöзлöн тайö дöрапасъясыс?

Рисунок: флаги Удмуртии, Венгрии, финский, ханты-мансийский.

Вöзйы да дорйы лöсьöдöм дöрапас.

Аддзы вочакывъяс, мый серпасалöма Коми канпасö.

1 кырныш варыш сюзь

2 шонді зарни ань

3 ош юръяс кöр юръяс йöра юръяс

 Сёрнитам государственнöй симовлика йылысь.

– Кор вöлі примитöма Коми республикалысь выль Оланподув?

– Коді веськöдлö Государственнöй Сöветöн?

– Кутшöм кывъяс миян республикаын лыддьысьöны государственнöйöн?

– Уна-ö вужвойтырыс республикаын?

– Кыдзи вöчöма канпассö?

– Мый серпасалöма канпасын?

– Кутшöм дöрапасыс?

– Коді лöсьöдіс кыпсö?

Миян велöдчанін

-ін	Коми кывйын -ин суффикс индö места вылö велöдчыны – велöдчанін сёйны – сёянін вузасьны – вузасянін лыддьысьны – лыддьысянін

Кыввор:

асмогасянін – туалет бурдöдчанін – медпункт велöдчанін – школа веськöдлысьлöн уджаланін – кабинет директора, руководителя дöрапас канпас коми кыв велöданін – кабинет коми языка кып лыддьысянін, небöг куд – библиотека

мыссянін пöрччысянін – раздевалка роч кыв велöданін – кабинет русского языка серпасасянін – кабинет изобразительного искусства сёянін – столовая спортивнöй зал –спортивный зал судта – этаж сьыланін – кабинет музыки

Лыддьы да гöгöрво висьтсö.