Словарь на тему «Летний отдых»

вартчыны – плавать

вежöдны – зеленеть

ветлыны – сходить, съездить

вотчыны – собирать грибы, ягоды

гожйöдчыны – загорать

град йöр – огород

дзоридзавны – цвести

ёг турун – сорняк

ёрны – слепить

заптыны – заготавливать

купайтчыны – купаться

лыа – песок, пляж

ляпкавны – мелеть

нетшкыны – рвать

нимкодясьны – радоваться, любоваться

отсасьны – помогать

пöжны – припекать

пöт – сытый

пуктыны турун – заготавливать сено

саридз – море

суйöр – граница

сулавны – нырять

тöдмавны – узнать

тöдмасьны – познакомиться, ознакомиться

сайöдчыны – укрыться

мыччыны – подать

Лыддьöй да тöдмалöй нöдкывъяссö. Индöй кывбердъяслысь лыдсö.

Ачыс ичöт-ичöт, а став мирсö мичмöдö.

Луннас мортысь ыджыд, а войын байдöгысь дзоля.

Быд керкаын бордтöм варыш.

Керка гöгöр сира гез.

Сувтöд öтка лыда кывбердъяссö уна лыда формаö.

мича лун – лунъясыс мичаöсь, мича лунъяс;

Югыдлöз кымöр, чöскыд вотöс, веж кер, виж горадзуль.

Пöла-мачöн ворсöм.

Пудъясьöмöн бöрйöны мачö кучкалысьöс, мукöдыс мач куталысьяс. Ворсны колö лöсьöдны ичöтик резина мач, палич (метра кузьта кымын бедь) да неыджыд пöв. Пöвсö сувтöдöны. Мач куталысьяс мунöны боклань, а кучкалысьыс пöв дорсяньыс качöдыштö мачсö вылö да кучкö паличнас. Мач куталысьяс зільöны кутны лэбысь мачсö. Коді кутас, сійö лоö кучкалысьöн. Некодлы кö оз удайтчы кутны, быдöн тэрмасьö медводдзаöн кыпöдны мачсö му вылысь да шабитны пöвъяс. Инмас кö, сійö лоö кучкалысьнас, а оз кö инмы, кучкалысьыс кольö важыс. Мачсö куталысьясöн шыбитігöн кучкалысьыс öвтчö бедьнас, дорйö ассьыс пöвсö инмöмысь.

Ю. Рочев

Гожöм.

Вылö шонді кайö, Ёрö йöзлысь син. Жарыс сылöн вайö Мулы ыджыд вын. Быдмö, йывмö йöрын Картупель да лук. Няньыс зэрöм бöрын Лэптысьöма сук.

Вöччöмаöсь пуяс, Паськöм налöн веж. Ляпкалöны юяс, Содö лыа бöж. Вöрын уна вотöс: Мырпом, пув да чöд. Шонді найöс сотö, Кисьмыштасны мед.

М. Лебедев

Гожся лунö.

сашук бура колляліс шойччан лун. Асывбыд сійö узис, а сэсся сёйис веськыда вольпасяс. лунтыр ворсіс ывлаын: котраліс зонкаяскöд, дурис, туплясис турун вылын. Юасьтöг ветліс ю дорö купайтчыны.

Рытывбыд Сашö дöзмöдіс ичöт чойсö. Войбыд кывзіс гора музыка да видзöдіс телевизор. Сöмын мыйла сэтшöма мудзисны бать-мамыс?

Повторение.

Öнія и колян кад.

Гиж лöсялана шыпасъяс содтöмöн.

…ишук …етліс …ойччыны …иктö …ійö …тсасис …öчыслы, …етліс … орö … отöсла, …упайтчис да …ыйис …ери. …аникулъяс …олляліс …эз …ура.

Лыддьы да гöгöрво висьтсö. Дасьты план серти гожся лоöмтор йылысь ас висьт.

Медводдза чери.

Медводзöн садьмöма Степан:

– Шондіыс енэж шöрас нин, а ті узянныд!

Сир-сыныд миян вылын вак-вакöн сералöны. Öтвылысь юим тшай. Быдöнлöн öти гуся мöвп – шеді-ö войнас чери.

Виталей медводзын котöртіс видлыны подольникъяссö. Вочасöн ставö разöдчим.

Степанлы мича сын пысассьöма. Радлö, дерт.

Веськыда кö, быдöлы ичöтика шедöма. Ме жö эг тэрмась: кык подольниктö öдйö видлала. Степан шмонитö:

– Енмыслы Ичöт Миш кевмö. Ыджыд чери корö.

Петь юаліс:

– Ачыд лэптан али отсöг виччысян?

Весиг повзьышті.

– Ачым, дерт.

Öти подольникас прамöй сир шедöма, а мöдас – налим. Ёртъяс мекö тшöтш радлісны. Ошкисны и. Öні пö тэнö, ичöт Миш, сьöрысь пыр кутам босьтны.

План:

1. Кытчö ветлін гожöмнас?

2. Мый аддзылін?

3. Мый выльторсö тöдмалін?