Водз чеччö да этша печкö.

Миян сиктын олö Дарья тьöт, дзоляник, косіник, зэв тэрыб кока да сёрниа пöрысь нывбаба. Дарья тьöт луннас быдлаö волö, ставсö тöдö, быдтор удитö … висьтавны. Лавкаö да поштаö витысь … пыралас. И клубад … на удитас волыны. Керкаыс Дарья тьöтлöн сикт шöрас, медся важиник да лёкиник. Картупельсö … заводитö керны да лымъявтöдзыс некор оз вермы эштöдны. Вöрысь локтысьясöс пыр паныдалö Дарья тьöт. Тöдö, коді … чукöртöма тшак-вотöссö, коді … вотчö. Тадзи и олö Дарья тьöт, прамöя озузьлы, а вöчны нинöм оз удит, овмöсыс эндöма.

Отсöг вылö кывъяс: сёрöнджык, медводз, медся водз, сюсьджыка, унджык, этшаджык.

Кутшöм Дарья тьöтыс?

Гöгöрвоöд висьтлысь нимсö, аддзы текстысь вочакыв.

Корсь удж йылысь шусьöгъяс. Дзеб öти шусьöг ребусö.

Финн шусьöгъяс.

Бур морт сетö этшасьыс, лёк мортлöн оз вичмы и унасьыс.

Важсö эн лёкöд водзвыв, кытчöдз выльсö бура он тöдмав.

Финн нöдкывъяс.

Коктöг котöртö, бордтöü лэбö, öти луннас дас сиктö волö. (Юöр).

Вужйыс вылын, юрыс улын. (Йинёнь).

Ыджыд лэбач надзöникöн öвтчö, бордъяссьыс ва виялö. (Пыж).

Рисунки: лодка, сосулька, SMS в телефоне, морковь.

Иван Ильич Белых.

Чужлі ме Сыктывді районса Паль сиктын 1946 вося кöч 23-ö лунö.

Ичöтдырйи ёна радейтлі кывзыны Анись баблöн чой Матер баблысь мойдъяссö. Мукöд мойдсьыс весиг юрсиыд сувтлывліс. Нöшта кажитчис вадорын вуграсьны да вöрын вотчыны. Эг öтчыдысь ичöтнад ылавлы вöрö. Пармаыс нöшта ёнджыка кутіс кыскыны менö ас дінас.

Коми пединститут помалöм бöрын пыр уджалі «Югыд туй» (öні «Коми му») газетын. Сöмын некымын во кежлö вуджлі Коми небöг лэдзанінö да «Йöлöга» газетö. Республика пасьта ветлігъясöн йöзкöд аддзысьлöмъясыс да накöд сёрниясыс и лоисны менам висьтъяслы сюрöсъясöн.

Петалісны «öзйы, бипурöй менам», «Челядьдырся пароходъяс» да «Важыс уськöдчывлö вöтöн» небöгъяс. Сэні зіли петкöдлыны, кутшöм ёна радейта ассьым чужанінöс, ас войтырöс, ас пармаöс. Наын и менам олöмыс.

Висьтав Иван Ильич Белых йылысь III морт нимсянь.

Удж. Лыддьы висьтлысь юкöнъяссö, гöгöрво да тэч найöс колана ногöн.

Выль пась.

А

Меным ньöбисны выль пась. Зэв мича, кельыдгöрд. Кор ме муна уличті, нывкаяс кындзи зонкаяс ме вылö видзöдöны. Öтчыд весиг Вадик Блинов видзöдліс, дерт, эз ме вылö, а менам пась вылö. Но век жö нимкодь. Со кутшöм менам пасьöй. Медся бур!

Б

Но лоис виччысьтöмтор. Пасьысь орис кизьыс. Гашкö, пöрччысигöн кыскышті ёнджыка. Бать казяліс орöм кизя пасьöс. Дыркодь пиняліс менö, öд пасьыс выль на:

– Кутан ветлыны пальтоöн, кытчöдз..., кытчöдз…

В

– Кытчöдз оз быдмы выль кизь, – шуис мам, коді пукаліс диван вылын да кыис моднöй шапка. Меным лои тещкодь. Син водзö сувтіс серпас: со чужö выль кизь. Медводз сійö ичöтик, сэсся ыджыдджык, медбöрын 5 шайт ыджда.

Г

– Кытчöдз он велав колана ногöн новлыны паськöм, – кывкöрталіс бать.

– Кыдзи ме велала сійöс новлыны? – шемöсми ме.

– Мöвпнад, – шуис мам и серöктіс.

Мамö вурис кизьсö, и батьö öшöдіс пасьсö шкапö. Кутшöм сылы гажтöм сэні öшавнысö, некод сы вылö оз видзöд.

Е.Габова серти

1) АБВГ	3) АГБВ
2) АГВБ	4) ГАВБ

Вочавидз юалöмъяс вылö:

1. Мыйла радліс нывка?

2. Кутшöм сылöн пасьыс?

3. Мыйысь скöрмис батьыс?

4. Мыйла пасьыслы шкапас гажтöм?

Сёян-юан (Вöлöга).

Кыввор:

вöлöга – пища вузöс – товар вузасьны – продавать вузасьысь – продавец лымвый – мороженое ньöбасьны – покупать

ньöбасьысь – покупатель сёян-юан – еда сорас – салат тшынöдöм – копченый уль – свежий

Удж. Уськöд тöд вылö «Сёян-юан» темаысь кывъяс. Юклы да гиж лöсялана чукöръясö. Вöдитчы выль кывъясöн.

йöв		нянь		юмовторъяс		чери		яй
рысь …		сьöд нянь …		кампет …		уль сир …		кöр яй …

 Могман вежлöг = достигательный падеж

Мог – цель

кодла? – за кем?

мыйла? – за чем?

эмакыв нимвежтас

+

-ЛА

=

чойла тэла няньла

за сестрой за тобой за хлебом