Пань-кань.

Медводз бöрйöны куталысьöс. Синсö кöрталöны. челядь сувтöны кытшö да горзöны: «Пань-кань!». Куталысь локтö на дорö да кималаснас корсьö кодöскö. Малалас медводз юрсисö, чужöмсö, тушасö. Ворсысьяслы позьö вежсьыны öта-мöдныскöд паськöмнас. Тöдас кö куталысь, коді веськаліс сы ки улö, син кöртöдсö разясны. Вöдитысьнас лоö мöдыс.

А. Сидоровлöн архивысь.

Маръямоль.

Коркö важöн öти сиктын олöмны пöрысь гозъя. Налöн вöлöма мичаник авъя Марья нима ныв. Радейтöма сійö сиктса öти гöль зонмöс. Но бать-мамыс Машукöс мырдöн кутöмны сетны верöс сайö озыр семьяö. Дыр бöрдöма-корöма Марья бать-мамыслысь, медым эз сетны сійöс пöрысь озыр морт сайö. Но эз кывны бать-мамыс нылыслысь корöмсö. Крут берег дорын, кöні бöрдіс Марья, мыччысис гöрд рöма мича дзоридз. Йöзыс шуисны тайö дзоридзсö Марьямольöн. «Марья» – ныв ним серти, «моль» – дзоридзыслöн быд ар артмö сьöд рöма моль кодь кöйдыс.

Лыддьы да вуджöд роч кыв вылö.

Пион артмöма греческöй paionios кывйысь. Вежöртö ‘бурдöдысь, дзоньвидзалун сетысь’. Пионöн шулöмаöсь бурдöдысьöс. Грецияын вöлöма Пион нима тöдчана бурдöдысь, Асклепий енлöн велöдчысь.

Асклепий – Грецияын бурдöдчöмлöн ен.

 Степень петкöдлысь урчитанъяс вочавидзöны ёна-ö? юалöм вылö.

вель – довольно, достаточно

вывті – слишком

дзик – совсем

ёна – очень

зэв – очень

Маръямоль – зэв мича дзоридз.

Катшасинъяс ёна мичмöдöны Коми мусö.

Кöч тöлысьын пувйыд дзик нин гöрд.

Уразнöй турун вывті колана быдöнлы.

Лыддьы да гöгöрво висьтсö. Инды степень петкöдлысь урчитанъяс.

Содты сёрникузяясö колана степень петкöдлысь урчитанъяс.

Ичöт челядь купайтчöны … берег дорын.

Школаса рыт колис … кыпыда.

Ми … радлім гожся каникулъяс матысмöмлы.

Велöдчысьяс … бура гижисны тöдöмлун донъялан удж.

Тулыснас школа гöгöр челядь пелькöдчисны … дыр.

Висьма кö, ме дінö врачöс энö корöй,

Бурдöдчанторла эн котöртöй пыр,

Ачымöс лэччöдлöй Кунес ю дорö,

Кöні быд видз лыдтöм дзоридзöн тыр!

Лапкорйöн шонтыштöй позялöм морöс,

Кöчвöньöн кöртыштöй калганлысь вуж,

Шонді мед жалиттöг синъясöс ёрö,

Кöтöдлас синваöс лысва и пуж.

Ог кö на бурд, ладан турун сэк пуöй,

Кöкакань шырöй да вотыштöй оз,

Чай пыдди медбур лекарство моз юа

Ю весьтö öшöдчöм сьöд сэтöр роз.

Шудöй кö яндысьтöг эновтас дзикöдз,

Сэки на эскöмöй аслам оз кус…

Егырысь корсьöй, ме воа кö пикö,

Мырпом, кöть некымын бурдöдан тусь.

Лыддьы да аддзы бурдöдчан турун нимъяс. Корсь небöгъясысь, мыйысь найö бурдöдöны.

Нюр вылын вотчигöн.

Туйыд вутш пöвстас кö пыртас,

Он на, другö, кув.

Аддзан сэтысь чöскыд …,

Шома …

Меным муса сэтшöм вотöс,

Коді важöн сыв,

Нюр выв вотöс висьöм сотö,

Кыдзи шонді кыв.

Содты колана вотöс нимъяс да велöд кывбурсö наизусть.

Лыддьы текстсö да гöгöрво. Лöсьöд юалöмъяс текст серти.

Öтчыд гожöмнас ме ордö гöститны локтіс Öньö другöй. Ми мöдöдчим Мизин йылö ком вугравны. Сиктсянь неылын миянлы паныдасисны челядь чукöр. Шуйга кианыс быдöнлöн вöлі бидон либö туис. Быдöнлöн дозъясныс дзик тыр. Веськыд кианыс китырыс кабыртöмаöсь чöд розъяс, да мунігмозныс вомнас öктöны тусьяссö. Вель ёна вомныс лякöссьöма чöдйöн. Öньö юаліс челядьлысь:

– Вотчыны ветлінныд? Вывті бур!

Сэсся öти зонкалысь корис öти чö роз да юаліс:

– Мича öд? А дыр-ö чайтан тайö розъясыс олöны?

Челядь ёна шöйöвошисны.

– Öти во, кöнкö.

– Тайö розъяссьыс, гашкö, тіян пöь-пöчьясыд на вотлісны чöдсö. А чöд кустъясыс олöны кыксё воысь дырджык. Öні думыштöй, мыйта чöд на вермисны сетны йöзыслы тайö розъясыс, кодъясöс ті нетшкинныд дзик мöвпавтöг.

С. Раевский серти

Аддзы да вуджöд урчитан кывъяса сёрникузяяс. Лöсьöд аддзöм урчитанъясöн ас сёрникузяяс.

Бöрйы öти серпас. Гиж неыджыд мöвпалана висьт.

Рисунки:

Цветочек плачет

Мухомор на костылях с синяком

береза с подсохшими ветками с открытой раной на стволе

лесная дорога с разбросчанными черничными кустами

					М					1. шома, лöз рöма кузьмöс вотöс
					А					2. еджыд синлыса дзоридз
					Р					3. нюрын быдмысь кольквиж вотöс
					Ь					4. шома вотöса пу
					Я					5. содтöны курччалан сирö
					М					6. сыысь пуöны шыд
					О					7.вир сувтöдан турун
					Л					8. лöньöдан турун
					Ь					9. тайö вотöссьыс вöчöны ляз