2

государственное образовательное учреждение дополнительного

профессионального образования

коми республиканский институт развития образования и

переподготовки кадров

центр по разработке учебно-методических комплектов

национально-регионального компонента

Г.И. Ватаманова, ж.Г. Сизева, е.Н. Ярошенко

маръямоль

6

Сыктывкар

2008

Условнöй пасъяс

 - сёрнитам (нывкалöн да зонкалöн воча юръяс)

- тöдмав

 - кывчукöр

С – синоним

А – антоним

О – омоним

В – велöд наизусть

! – босьт тöд вылö

 – вöч содтöд удж

 – грамматика (нераскрывшийся бутон пиона)

– выль тема (цветов пиона)

 – гортса удж (венок)

К-А – кыв артмöм

– сёрни сöвмöдан урок

 – удж (лист тополя)

 – творческöй удж (букет)

Гожся казьтылöмъяс. 5-öд класса материал мöдвпöвъёвтöм

Рисунок: луг с разными цветами (преобладают желтые), солнце, облака (лебеди), река, на берегу мальчик удит рыбу, девочка плетет венок.

Стихотворение А. Мишарина «Гожöм».

Лыддьы да гöгöрво кывбурсö. Корсь кывбурысь серпас дорö лöсялана кывъяс.

2. Анекдот о рыбаках.

 Сёрнит ёртыдкöд гожöм йылысь.

 3. Текст о грибах.

… арын ме батькöд ветлі …-ла. Ягысь ме аддзи дас кык … гоб, а батьлы сюрис дас нёль. Ставныс вöліны ёнöсь, мичаöсь. Сэсся …-ысь сюрисны солалан тшакъяс: …, … да … . Ми локтім …-ö тыр …-öн.

Бобув.

Бобув – тайö медмича гут-гаг. Сійö быттьö уна рöма дзоридз.

Бобувъяс зэв бура лэбалöны, кодсюрöяс вермöны лэбны Европаысь Африкаö. Сэні найö пуктöны колькъяс. Выль бобувъяс сійö жö туйöд локтöны бöр Европаö.

Лыддьы да гöгöрво юöрсö. Гиж кажитчана гут-гаг йылысь ас юöр, серпасав.

Рисунок: Бабочка (перелётный вид). Спросить у биологов фото.

Анекдот – серамбана ичöтик висьт.

Öти вуграсьысь юалö ёртыслысь:

– Кымын сир тöрыт кыйин?

– Куимöс. А тэ?

– Муртса этшаджык.

– Кык?

– Этшаджык.

– Öти?

– Нöшта на этша.

Шусьöгъяс.

Гожöм заптö, тöв дзимлялö = Лето запасает, зима поедает.

Гожся луныд йöлöн-выйöн исковтö = Летний день молоком-маслом катиться.

Кöка войяс дженьыдöсь да югыдöсь = Летние ночи («кукушкины ночи») короткие и светлые.

И кöдзыд гожöм тöлысь шоныдджык овлö = И холодное лето теплее теплой зимы.

Нöдкывъяс.

Мый кöрзинаö он вермы йöртны?

Гожöмнас сыысь ва дорö котрала, а тöвнас корся да некор ог аддзыв.

Гожöм.

Лунтыръясöн пöжö шонді…

Ставыс вежöдö, дзоридзалö, сöвмö, кисьмö. Ставыс мыччасьö аслас мичöн-рöмöн, и быдöнлöн аслас кад…

Медводз веж видз вылын сяргысисны горадзульлöн топыд виж юръясыс.

Сэсся пондіс дзоридзавны льöм. А кутшöм кöрыс дзоридзалысь льöмыдлыöн!

Со и пелысь вижоват быг быттьö шлапкис-лэдзис мичаа вундалöм-дорöсалöм коръяс вылас.

Веж пытшкысь зильган турун видзöдчö сöстöм лöз синъяснас.

Сэсся восьтіс югыд бансö вöр-валöн медся мича розаыс – лежнöг дзоридз.

Сочетание тч, дч, чч

Словарнöй кывъяс:

лэччыны

пöрччыны

чеччавны

вотчыны → вота

велöдчыны → велöда

Лыддьы текст да гöгöрво.

Дона мамук!

Со ме и саридз дорын. Аддза сійöс медводдзаысь да чуймала, кутшöм сійö паськыд, помтöм-дортöм, а ваыс сола. Поводдяыс бур: пöжö шонді, пöльтö кокньыдик тöвру, ставыс вежöдö да дзоридзалö. Быд лун ми купайтчам, суналам, гожйöдчам пöсь лыа вылын. Тöрыт ветлім экскурсияöн Ботаническöй садйö, нимкодясим лунвывса быдмöгъясöн. Татшöмыд войвылын абу.

Рытъяснас гажöдчам дискотека вылын. Зэв бура ме шойчча. И век жö быд лун казьтыла тэнö, муса мамук. Регыд паныдасям.

Тэнад Мишук.

Вайöд син водзад, мый тэ шойччан лагерын. Гиж письмö.

Содты колана шыпас. Прöверит асьтö. Кадакывъяссö юк чукöръяс вылö.

Бергö.чыны, купай.чыны, мöдö.чыны, че.чыны, вар.чыны, пöр.чыны, во.чыны, чукöр.чыны, лöсьö.чыны, велö.чыны, матыс.чыны, купай.чыны, петкö.чыны, сайö.чыны, кур.чыны, мы.чыны, шой.чыны.

Бöрйы вит кадакыв да лöсьöд сёрникузяяс гожся шойччöм йылысь.

Кöні тэ вöлін гожся каникулъяс дырйи? Мый сэки вöчин?

Серпасавны маръямоль-дзоридз: шöрас гижны Гожся каникулъяс дырйи. Быд лепесточек вылын торйöн лоöны татшöм гижöдъяс: шойччан саридз дорын, суйöр сайын; гöститі пöль-пöч ордын; некытчö эг ветлы, вöлі гортын; отсаси турун пуктыны; град вылысь ёг весалі; ветлі вöрö вотöс-тшакла; ю дорын вуграси; отсаси пöль-пöчлы; уджалі, сьöм нажöвиті; вöлі карын; ветлі музейö; ветлі паркö; гожъялі да купайтчи; мöсъясöс видзи; вежайкöд вöралі.

Лöсьöдам öта-мöд костын сёрни татшöм юалöмъяс пыртöмöн:

– Кöні тэ коллялін гожся каникул?

– Кыдзи тэ шойччин?

– Мый вöчин каникул дырйи?

– Мый выльторсö аддзылін гожöмын?

– Кытчö тэ ветлін каникул дырйи?

– Мый выльторсö тöдмалін?

– Мый тэ вöчин рытъяснас?

– Тöдмасин-ö выль ёртъяскöд?

– Ветлін-ö мукöд каръясö? Мый сэтысь аддзылін?

– Мыйöн чöсмасин гожöмын?

– Кыдзи тэ казьтылан тайö каникулсö?

Гожся салат.

Тасьті пыдöсö пуктавны салат коръяс. Мыськавны градвыв пуктасъяс. Та бöрын вундавны редис нёль пельö, öгуреч гöгыльясöн, посньöдлыштны оливки. Мичаа пуктыны тасьтіö.

Вöчны соус: тэртука пыр лэдзны сыр да гудравны сливкиöн, выйöн да уксусöн, содтыны специяяс. Кисьтны соусöн салатсö.

Вöзйöй ті ассьыныд радейтана гожся сёянлысь рецепт.

	…	куим тöлысь.
	…	пöсь лыа вылын.
Ме	…	Сьöд (Азов) саридзын (юын).
	…	пöль-пöч ордö.
	…	уна выльтор.
	…	выль ёртъяскöд.

Коллялі (кöні?) Ветлім (кытчö?) Шойччис (кыдзи?) Гуляйтін (кыті?) Отсасим (кодлы?)

Чеччи (кор?) Сёрнитім (кодкöд?) Казьтывны (кыдзи?) Видзöдіс (мый?) Кывзінныд (мый?)