Пуяслöн коланлун
Миян вöр-ва озыр уна сикас пуясöн да кустъясöн. Лыска да коръя пуяс колöны звер-пöткалы, йöзлы.
Пашкыр лапъяса коз пу горсйын олöны ур да визяорда. Небыд лыска ньыв пу улö кодйö аслыс гусö ош. Топыд ниа пуысь морт вöчö керка подув. Сус пу кольясöн чöсмасьöны челядь.
Жов пу вотöс бурдöдö висьöмъясысь. Льöмйысь пуöны юмов компот да варенньö. Йöра сёйö бадь да кыдз коръяс. Пипу кырсьысь чöскыдджыкыс кöчлы немтор абу.
Кыдз пу – зэв колана пу. Кодi радейтö мыссьыны пывсянын, сійö водзвыв заптö корöсь. Кыдз пу сюмöдысь артмöны мича дозмукъяс, сувениръяс, чачаяс. Важöн кылісны сыысь кöм. Уна буртор сетöны миянлы пуяс. Челядь, видзöй да радейтöй вöр-ва!
33 удж. Вуджöд текст.
Усьöм кор.
Гожöмбыд уджалісны пулöн коръясыс. Найö вердісны пусö. А öні лоисны ковтöмöсь, гылалісны муö.
Веж гожöм помасис. Корйыс öні усьöма, куйлö му вылын. Но и тайö усьöм корйыс дыр на шогмас вöрса олысьяслы.
Ёж вöчас наысь шоныд поз, дзебсяс кöдзыдысь. Пуяс улын куйлысь коръяс оз лэдзны быдмыны турунлы.
Тöв да зэр улын сісьмöны коръяс, вынсьöдöны мусö.
? Мый вылö шогмöны усьöм коръяс?
34 удж. Тöдмав ребусъяс.
Рис. 11. Рисунки к ребусам: нинпу, сус, жов, тупу, тусяпу, оржи, ниа, ньыв, пипу.
Радейтана пу нимöн лöсьöд ребус.
35 удж. Гиж радейтана пу йылысь неыджыд висьт. Серпасав сійöс. Лöсьöд ичöтик небöг.
1 лист – серпас да ним
2 лист – висьт
3 лист – ребус
М ортлöн ортсы да сям
авъя – приветливый, тактичный вежавидзысь – вежливый вежöра – умный веськыд ныра – с прямым носом гöгрöс – круглый гöгрöс чужöма – круглолицый дзор – седой дзугсьöм – запутанный, взъерошенный енбиа – талантливый зiль – трудолюбивый колип гöлöса – с соловьиным голосом кузьмöс – овальный, продолговатый кывкутысь – ответственный латшкöс – коренастый лöсталысь – блестящий мелі – ласковый повтöм – смелый полысь – трусливый рам – скромный, тихий, спокойный сибыд – общительный |
сöдз – чистый, прозрачный, ясный статя – статный, стройный сувтса – стоячие, торчащие сук – густой сэтöр синма с глазами цвета смородины сюсь – умный, сообразительный топыд – прижимистый тöждысьысь – заботливый тöлка – толковый чангыль ныра – курносый читкыль – кудрявый чöдлач синма – с глазами цвета голубики шабді – лён шабді юрси – волосы цвета льна шöркодь тушаа – среднего роста шыльыд – гладкий эскысь – доверчивый |
Вежлö г – падеж Э
|
макыв
асалан вежлöг вочавидзö кодлöн?
юалöм вылö. Рочын лöсялö у кого?
юалöмлы.
Рис. 12. Тетрадь |
Рис. 13. Стол, на столе торт. Рядом – мама. |
Тайö тетрадьыс Миша Расовлöн. |
Менам мамлöн зарни кияс. |
36 удж. Кывтэчасъяс отсöгöн висьтав Мишалöн ортсы йылысь.
Рис. 14. Лицо ребенка: круглолицый, светловолосый, с голубыми глазами и курносым носиком. От лица идут лучики, на каждом лучике по слову: кузь синлыса, гöгрöс бандзиба, ёсь ныра, векни чужöма, гöгрöс чужöма, руд синма, кельыдлöз синма, сьöд сэтöр синма, смоль сьöд юрсиа, шабді юрсиа, паськыд ныра, чангыль ныра, кузьмöс чужöма.
Босьт тöд
вылад:
М ишук шабдi рöма юрсиа. Настук чöдлач рöма синма. |
М ишуклöн шабдi рöма юрси. Настуклöн чöдлач рöма син. |
37 удж. Лыддьы В.И. Лыткинлысь «Мунöны» поэмаысь юкöн.
Чеччы жö, Öльöксан,
Чеччы жö, ичöт пи.
Видзöдлы ывлаö гыöра öшиньтi.
Ывлаыс шемöсöн тыр –
Чеччы жö пырысьтöм-пыр.
Шабдi сöдз юрсиа Öльö
Чöдлач лöз синъяссö восьтiс,
Тэрыба пöлатьысь чеччис,
Котöрöн öшиньлань лэччис.
? 1. Код йылысь тайö кывбурыс?
2. Кутшöм Öльöксаныс?
3. Тэ думысь, кымын арöс зонкалы?
Ёрта сёрни.
Бать: Мишук, кöні тэ вöлін рытывбыд? Тэ дорö воліс гöсьтя.
Мишук: Коді нö?
Бать: Нимсö эз висьтав. Здук кежлö и пыраліс. Неыджыд тушаа, сьöд кузь юрсиа, гöгрöс чужöма, сьöд сэтöр синма. Ачыс гöрд курткаа, джинсы гача, сьöд туплиа.
Миша: А-а! Тайö миян классысь нывка – Юля Панева. Ме сылы звöнитла.
38 удж. Серпасав кывъясöн ёртыдлысь ортсы да сямсö.
Кывбöр – послелог Роч кывйын – предлог, а комиын – кывбöр. Тöдмасям кодь да моз öткодялан кывбöръясöн.
|
39 удж. Содты лöсялана кывбöр.
1. Мишуклöн синмыс чöдлач ... лöз.
Мишук батьыс ... бура уджалö.
2. Настук мамыс ... мичаа сьылö.
Настуклöн гöлöсыс колип ... .
3. Пöльлöн юрсиыс лым ... дзор.
Польö ме ... радейтö сёйны юмовторъяс.
40 удж. Лыддьы да гöгöрво сёрникузяяссö.
1. Сьöд юрсиа, гöгрöс чужöма, колип кодь гöлöса Маринаöс лыддисны медся мичаа сьылысьöн.
2. Вася – лöсталысь сьöд юрсиа, векньыдик синъяса, гырысь черлыяса детинка.
3. Саньö бумага кодь еджыд чужöма, еджгов юрсиа, ар дас сизима зон.
4. Невольский – дзугсьöм юрсиа, сэтшöм жö сьöд уска да ичöтик тошка.
5. Рюрик вöлi не арлыд серти дзор юрсиа, гöгрöс чужöма, шензьöдана лöз синъяса мужичöй.
Я.М. Рочев серти
41 удж. Кодь да моз кывбöра тэчасъяс пыртöмöн гиж ас йывсьыд висьт, кутшöмöн тэ лоан вит во мысти.