Арся козинъяс



бадь – ива бурдöдны – лечить быдманін – место произрастания визувтны – течь висьöм – заболевание вöр ді – лесной остров гылавны – опадать ёль – лесной ручей ельдöг – груздь еджыд гоб – белый гриб жов пу – калина зарни – золото, золотая заптыны заготовить, запастись йирны – грызть кöр – вкус, олень куйлыны – лежать кырсь – кора льöм – черемуха лыска – хвойный ниа – лиственница нинпу – липа ньыв – пихта

нюр – болото озыр – богатый оржы – тополь пелысь – рябина пипу – осина помасьны – закончиться пывсян – баня рас – роща роз – гроздь сісьмыны – гнить сус пу – кедр сьöлаоз – поляника сярвидзны – быть рассыпанным тугъя – с кистями тупу – дуб турипув – клюква тусяпу – можжевельник усьны – опадать, упасть чöсмасьны – лакомиться чуман – берестяная корзина ягсер – волнушка шогмыны – пригодиться

25 удж. Лыддьы. Серпасъяссö веж эмакывъясöн.

Быд тшак радейтö ассьыс места.

Быд тшаклöн аслас оланног. Гöрд да виж гобъяс шыбитчöны йöзлы син водзö, а еджыд гоб либö ельдöг оз петкöдлыны познысö.

Быд тшак тöдö ассьыс места. Рыжик быдмö видзьяс вылын да козъя вöрын. Ягсер да гöрд гоб радейтöны кыддза расъяс, путник – увтас местаяс, масленникъяс сярвидзöны вöрса туйяс пöлöн.

 26 удж. Мичаа лыддьы висьтсö. Гортад гиж висьтсö эмакывъяссö да кывбердъяссö веж серпасъясöн.

Арся вöрын.

Колис моз тöлысь. Гожся шоныд бöрын пуксис зарни ар. Вöрын быдмöны на тшакъяс, сэнi и танi паныдасьлöны рыжикъяс, ягсеръяс, ельдöгъяс, еджыд гобъяс. Шондiöн югзьöдöм вöр дiяс вылын дзирдалöны пелысь розъяс. Нюрын сярвидзö пемыдгöрд турипув. Лöня визувтö вöрса шор. Ылöдз кылöны гöлöсъяс. Пыдöстöм лöз енэжтi шлывгöны кымöръяс.

27 удж. Öкты пелысь розйысь вотöс нимъяс.

Рис. 10. Веточка рябины. На ягодах – буквы.

 28 удж.

Ельдöг

– Тэ тöдан, кутшöм солалан тшак медся чöскыд?

– Ме ногöн, выя ельдöг – медся чöскыд тшак.

– А кытысь сiйöс вотны?

– Кыддза-пипуа рас – сылöн быдманiн.Эм öд и ньыв ельдöг. Тайö тшакыс быдмö лыска вöрын.

– Ёна жö нин озырöсь коми вöръясыд чöскыд тшакъяснад!

 Тöдса тшак нимъясöн лöсьöд юржугöдлан.

Т Тöдмав нöдкывъяссö.

• Сьöд вöр шöрын сулалö гöрд шляпаа молодеч.

• Мича-мича зон да öти кока.

• Гöрд платтьöа, еджыд чутъяса Таттян.

• Юра, да шапкатöм; кока, да кöмтöм.

• Му пытштiыс ветлö, гöрд шляпаа петлö.

• Вöрын ичöт зон. Сiйöс тöдан он?

29 удж. Велöдчы бура лыддьыны сь шыпаса кывъяс.

Сьöлаоз

Яша да Миша

Ёльдорса вöрысь

Вотiсны чуман тыр

Гöрд сьöлаоз.

Чöскыдысь-чöскыд

Вотöслöн кöрыс,

Мыйла тадз шусьö:

Сьöла да оз?

Зоя Шиликова

К-А Г. Бараксанов серти, сьöлаоз кыв артмöма сьöла да оз кывъясысь. Йöз казявлöмаöсь, мый тайö вотöссö радейтö кокавны сьöла.

 Гöгöрвоöд турипув кывлысь артмöмсö.

30 удж. Сетöм кывъясöн артмöд кывтэчасъяс.

вотöса лыска колана кольяса чöскыд бурдöдö чöсмаси йирö пывсям туйö

тусяпу жов висьöмъясысь кырсь пуяс корöсьöн кöчьяслы куст льöмйöн öмидз

31 удж. Артмöд сёрникузяяс.

1. муын, быдмö, коми, уна, пу, сикас.

2. коз, лыска, пожöм, ньыв, пуяс.

3. вотöсъяс, бурдöдöны, жовлöн, висьöмъясысь, курыд.

4. чöсмасьöны, сус, челядь, öрекъясöн.

5. бать, пывсьö, кыдз, корöсьöн.

6. эм, чуман, миян, сюмöдысь.

7. кыдз, тайö, оржы, коръя, тупу, пуяс.

32 удж. Лыддьöй висьтсö. Öта-мöдлы сетöй юалöмъяс.