Залда қызмет көрсету үрдісін ұйымдастыру

Сервис-бардан алклгльсіз сусындарды алған кезде оның аталуы, ассортимент толықтығы, сапасы бойынша тапсырысқа сәйкес келуіне көңіл аудару керек. Сусын бөтелкелері таза, шытынамаған, сынбаған болу керек, бүтін зауыттық тығыны мен затбелгі болу керек, онда сусын аты мен сипаттамасы көрсетілуі тиіс. Сусындар температурасына, оларды сақтау шарттарын қадағалануына көңіл аудару керек. Даяшы сусын сапасының нашарлау белгілерін жақсы білу керек. Мысалы, сыра, шырынды сулар бұзыла бастағанда біртекті лайлана бастайды, ал бөтелке түбіне тұнба түсуі бұл сусындардың бірталай бұзылғанын көрсетеді.

Алкоголсіз сусындар бұзылғанда құю кезінде қөбік пайда болады, ол сыра бұзылғанда - ашытқылардың өткір иісі сезіледі.

Мерамханаларда арақ-шарап және сыра өнімдерін сервис-бардан бөтелкеде, банкада немесе құйып жөнелтеді. Жеке тапсырыста 50 г арақ немесе 100г шарапты, сусындарды рюмкаға немесе кішкентай графинге құйып ұсынады, ал қонақтар тобына қызмет көрсеткенде графинде немесе бөтелкеде ұсынады.

Шырындарды құмырада ұсынады. Мұзды жеке шелекке немесе мұзға арналған кулерге салып ұсынған жөн. Шырындар мен салқын сусындардың ұсыну кезінде температурасы 8-12°С болу керек.

Даяшы сервис - бардан алынған өнімді майлық төселген подносқа қойып алып келеді. Майлық подноста заттардың жылжуын азайтады және ыдыстардың ықтимал сынуын болдырмайды. Сервис-бар өнімі қойылған подносты даяшы залда қосалықы үстелге немесе сервантқа қояды.

Ең алдымен салқын сусындар (газбен және газсыз су), сыра шырындар, нан ұсынылады. Су, сырасы бар бөтелкелерді, шырын пакетін ашар алдында оны тапсырыс берушіге көрсету керек. Екі бөтелке суды (газбен және газсыз) даяшы аты жоқ саусаққа қол орамал ілінген сол алақанына орнатады. Бөтелкенің біреуі алақанның бір бөлігін алып, аты жоқ саусақ пен шынашаққа тіреледі. Екіншісі қасына қойылып, бас бармақ, сұқ саусақ және ортан терекпен ұсынылады. Бөтелке затбелгісі қонаққа қарап тұруы керек, сусынмен екі бөтелкені аузынан да ұстауға болады. Бұл жағдайда қол орамал қолда немесе шылдыр шүмекте орналасуы мүмкін.

Даяшы су бөтелкелерін қосалқы үстелде немесе сервантта ашады. Бөтелке аузын таза майлықпен сүрткен соң, қонақтар рұқсатымен әйелдерден бастап қонақтың сол жағынан фужерге құя бастайды. Фужерді ¾ көлемін толтырады. Сумен бөтелкені фужер шетіне тимей сәл жоғары ұстап құю керек, ал сырамен бөтелкені көбік түзілу үшін жоғарырақ ұстау керек.

Банкада немесе бөтелкеде сыра ұсыну алдында даяшы фужерді сыраға арналған бокалға алмастырады да, сусынды қонақтың оң жағына қояды. Егер сыраны құйып жіберетін болса, онда фужерді сыраға арналған бокалға немесе сапты аяққа алмастырады.

Шырынды қосалқы үстелде пакеттен құмыраға құяды. Алдымен үстелге гадалка түрінде бүктелген майлық төселген тісбасарлық тәрелкені қояды, содан соң даяшы шырынды қонақтарға құйып, құмыраны алдын-ала дайындалған тәрелкеге қояды.

Даяшы нанды үстелге бәліш тәрелкесінде ұсынады. Қонақтың сол жағына келіп, сол қолымен үстелдегі бос бәліш тәрелкесін алып, оң қолдағы тәрелкемен алмастырып, нан салған тәрелкені сол қолмен үстелге қояды.

Қысқыштар көмегімен тісбасарлық тәрелкедегі нанды қонақтардың бәліш тәрелкесіне нанды салуға да болады. Бұл жағдайда даяшы сағат тіліне қарсы жүріп, оң қолмен қысқыштармен нанды салып шығады, бұнда қарабидай наннын бәліш тәрелкесіне қонаққа жақын жағына салады, ал бидай нанын қырын сыртқа қаратып қасына қояды.

Топтық қызметкөрсетуде нанды төрт бүктелген майлық төселген қант салғышқа салып ұсынуға болады.