Коми саридз.

Кулöмдін районса Керчомъя сиктсянь неылын эм Кадам ты. Сэтчöдз позьö воöдчыны вöр… подöн либö ю… пыжöн. Кадам ты зэв ыджыд – нёль километр пасьта да вит километр кузьта. Тылöн джудждаыс нёль метр гöгöр. Ваыс зэв сöстöм.

Тыыс озыр уна чериöн. Ты гöгöрыс вöр да нюр. Сэнi быдмö уна сикас тшак- вотöс. Челядь котралöны вöр…, ветлöдлöны нюр…, корсьöны кисьмöм вотöс.

Немдінса челядь быд во волывлöны Кадам дорад. Некутшöм геб-номйысь оз повны. Оз шöйöвошны подöн вöр… мунігöн. Зонкаяс зіля сувтöдалöны палаткаяс, дасьтöны пес да öзтöны бипур. А нывкаяс дасьтöны сёян. Кадам ты дорын челядь зэв бура шойччöны: купайтчöны, вуграсьöны, ворсöны, ордйысьöны, ветлöны ты… пыжöн! Вöр… котралігöн пöттöдз чöсмасьöны мырпом-чöдлачöн.

Челядьлы ёна кажитчö татшöм ногöн шойччынытö. Весиг гортаныс абу окота мунны.

«Йöлöга» газетысь

Лыддьы ёрта сёрни да лöсьöд ас висьтасьöм гожся каникул коллялöм йылысь.

Кирö эз и казяв, кыдзи помасис гожся каникул. Воис кад мунны школаö. Школа йöрын тырыс нин чукöртчöмаöсь челядь. Ставныс зэв ёна гожъялöмаöсь, быдмöмаöсь. Медся ёна гожъялöма Глеб.

– Глеб, кöні татшöмасö гожъялін? – юасисны ёртъясыс.

– Бать-мамкöд ветлім путёвкаöн Крымö.

– Саридзсö аддзылін? Кутшöм сійö? – юаліс Кирö.

– Саридзыс зэв ыджыд, помтöм-дортöм. Ваыс сола. Саридзтi уялöны дельфинъяс. Саридз весьтöд лэбалöны каляяс. Саридзын эмöсь медузаяс. Берег дорысь позьö аддзыны ракпаньяс, – висьталiс ёртыс.

– А ме ветлі походö резина пыжöн Печора ю кузя. Мöд во бара на мöда, – тшöтш ошйысис Кирö.

…удж. Лöсьöдöй ёрта сёрни саридз, ю либö ты дорын шойччöм йылысь.

…удж. Лыддьы текстсö, мöвпышт да помав сiйöс. Сет ним.

…

Немдінса челядь зэв ёна радейтöны ветлыны быдсяма походö. Радпырысь виччысьöны гожöмлысь воöмсö.

Со и таво июнь тöлысь помын гырысь класса влöдчысьяс öти вой кежлö ветлісны Кулöмдін районса Красноярö. Тайö грездас öні некод нин оз ов. Но сэтчöс местаясыс сэтшöм мичаöсь! Тані вöрзьöдлытöм вöр-ва, крут берег, уліас визувтö Нем ю. Неылын быдмöны мича сус пуяс. Ю шöрын эм кось, а сысянь артмö неыджыд вылысін. Артмö аслыссяма водопад. Красноярсянь неылын эм карьер. Коркö сэтысь босьтлöмаöсь туй вöчöм вылö из.

Красноярын челядь … .

«Йöлöга» газетысь

 Лöсьöд аслад гожся шойччöм йылысь презентация, дасьтысь петкöдчыны ёртъяс водзын.

 Вöдитчы Power Point программаöн.

Гожся шойччöм. Ю дорын шойччöм. Коми республикаса юяс.



Борган, бузган – водопад Бузгысьны – бултыхнуться, бухнуться (в воду) Весыва – р.Весляна Визув – течение Визув – быстрый Визувтны – течь Вис – протока Висер – р.Вишера Войвыв Двина – р.Северная Двина Вöзйыны – предложить Вöрзьöдлытöм – нетронутый Вуграсьны – рыбачить Вугыр – рыболовный крючок Вынйöра – могучий Гожйöдчыны – загорать Из гöра – Уральские горы Изьва – р. Ижма Йиа саридз – Северный Ледовитый океан Кынйир – мерзлота

Катны – плыть вверх по течению Кывтны – течь, плыть Мозын – р.Мезень Нэмöвöйся – вечная, первозданная Нырвизь – направление Нюжöдчыны – растянуться Паськöдчыны – расположиться Пур – плот Пыж – лодка Пыдöс – дно Пысавны – нацепить Сибдöг – порог, мель Сыктыв – р.Сысола Тшугöр – р.Щугор Усьны – впадать Чилим – р. Цильма Шлывгыны – плавно течь, плыть Шылькнитчыны – раскинуться Ылыдз – р. Илыч Ыстыны – отправить Эжва – р. Вычегда

Рис. Речка. На лодке папа и мальчик рыбачат, возле берега купаются дети. На берегу девушки и юноши (по 2) играют в волейбол. Женщины загорают.

… удж. Серпас серти лöсьöд неыджыд висьт ю дорын гожся шойччöм йылысь.

Веськыд да косвеннöй сёрни. Прямая и косвенная речь Веськыд сёрни – сёрнитысьлысь кывъяссö вежлавтöг гижöдын вайöдöм. Веськыд сёрниа сёрникузяяс Веськыд сёрни Авторлöн кывъяс Веськыд сёрни гижсьö ыджыд шыпассянь да босьтсьö кавычкаясö. Веськыд сёрни вермас сулавны авторлöн кывъяс водзын либö бöрын. Веськыд сёрниа сёрникузя схемаяс Пример вылö «В.с.», - а.к. «В.с.!» - а.к. «В.с.?» - а.к. А.к.: «В.с.». А.к.: «В.с.!» А.к.: «В.с.?» «Печора – Коми муын медыджыд ю», - юöртiс велöдысь. «Гожöмнас ми ветлім Из гöраöдз!» - ошйысис ёртъяс водзын Кирö. «Мунан аски мекöд вуграсьны?» - юаліс рытнас вокöй. Батьöй шуис: «Окота чöскыд юква сёйыштны». Челядь радлiсны: «Регыд мунам байдаркаясöн Эжватi!» Миша юалiс: «Мый колö босьтны аскöд походö?» Косвеннöй сёрни – кодлыськö сёрни ас кывйöн висьталöм. Пример вылö: Кирö ошйысис ёртъяс водзын, мый гожöмнас ветлiс Из гöраöдз. Рытнас вокöй юалiс, муна-ö ме аски сыкöд вуграсьны. Челядь радлiсны, сы вöсна мый мунасны байдаркаясöн Эжватi.

… удж. Гижöй сёрникузяясö веськыд сёрниын гижан пасъяс содталöмöн.

1. Ниналы чойыс шуис Ме гижи кывбур чужан сикт йылысь, видзöдлы.

2. Чойыс вочавидзис Позьö ыстыны «Йöлöга» газетö.

3. Ме сэтшöма нимкодяся тiян вермöмъяслы нюмъялiс мамныс.

4. Челядь, корсьöй юöр Коми Республикаса юяс йылысь корис велöдысь.

5. Наста юалiс Кöнi тэ велöдчин татшöм бура вартчыны?

6. Гожся университетын уджалысьяс вöзйисны Бöрйöй ас кöсйöм серти нырвизь: проза либö поэзия.

7. География урокъяс вылын тi тöдмаланныд уна выльтор висьталic классöн веськöдлысь.

… удж. Лыддьы висьтсö да висьтав, кутшöм интереснöйтор вöлі тэкöд гожöмын. Веськыд сёрниа сёрникузяяс веж косвеннöяс вылö.