Чорыд морт

Тайö аслыспöлöс абу бур вына морт. На дырйи пыр мыйкö жугавліс, некутшöм удж эз артмывлы. Стеклö вöчысьлöн пазавліс стеклöыс уна пельö, кузнечлöн дугдывліс донавны кöртыс.Татшöм мортлысь ньöбöм гортса пемöсыс абу и вайсьывлöма, регыд кувлöма. Инмöдчывлöма кö Чорыд морт кутшöмкö пемöс дорö – сійö дыгдылöма быдмыны. Кыйліс кö артельöн öтвылысь чери – пыр нин кутшöмкö неминуча лоліс, либö чериыс эз шедлы.Чорыд йöзыс пö зэв пемыд синмаöсь, скöрöсь, абу сёрниаöсь, скупöсь, вежöгтысьöсь, ставсö кутлöмны ас пытшкас, абу сёрнитлöмны веськыда.

Шурыд морт.

Тайö зэв небыд, шань,восьса сьöлöма морт. Юрсиыс югыд рöма. Шурыд морт кö орччöн, ставыслы кокни,сьöлöм вылас долыд. Босьтлывліс кö лавкаысь Шурыд морт дöратор,кодöс некод босьтны эз кöсйы – йöзыс уськöдчылісны ньöбны кольöм дöрасö дзоньнас. Босьтліс кö васö юкмöсысь,ваыс лоліс вынаöн,чöскыдöн. И юкмöсыс некор эз косьмывлы. А кыйліс кö чери – став чериыс ачыс волывліс тывъяс.

Шурыд морт вайлывліс сöмын шуд да радлун.

«Йöлöга» газетысь

…удж. Гöгöрвоöд кадакывъяслысь вежöртассö.

Уджавны – уджалыштны – уджавліс; вöчны – вöчавлывліс – вöчыштіс – вöчліс; керавны – кералывліс – керыштліс; вöравны – вöравлывліс – вöралыштіс.

…удж. Лыддьы да гöгöрво текстсö. Текст дорö лöсьöд юалöмъяс. Кадакывъяслысь инды суффиксъяссö, кадсὅ да лыдсὅ.

Пантелеймон Онуфриевич Мысов чужлiс 1914 воын Помöсдiн сиктын. Начальнöй школа помалöм бöрын уджалö республиканскмй типографияын. Уджалiгöн пырö актёръяслöн курсъяс вылö.

Артистъяс пиысь медводдзаöн ворслiс В.И.Ленинлысь роль.

Уна спектакльын ворслывлiс медшöр рольсö. Пантелеймон Онуфриевич ворслiс Муравьёвöс Н.Дьяконовлöн « Свадьба приданöйöнын», Гира Митрейöс В.Лекановлöн «Сиктса рытъяс-ын», Перминовöс И.Пыстинлöн «Бушкола воясын».

Пантелеймон Онуфриевичöс тöдлiсны республикаса быд карын, сикт да посёлокын. Сылысь гöлöссö кывзывлiсны уна сюрс радио кывзысьяс.

Пантелеймон Онуфриевич Коми АССР-са йöзкостса да РСФСР-са заслуженнöй артист. Сылы сетлiсны «Трудöвöй Гöрд Знамя» орден да «За доблестный труд в Великой Отечественной войне 1941-1945гг. » медаль.

…удж. Лöсьöд рецепт сетöм кадакывъяс пыртöмöн.

Колö босьтны, вундавны, гудравны, солавны, содтыны, пöжавны,кисьтны, пуктыны.

…удж. Кывъяс дорас вайöд фразеологическöй оборотъяс.

скöрмыны эн вунöд сёйны окота

чöв овны дышöдчыны юны кöсъя

шензьыны больгыны лöнь

ылöдлыны ён

…удж. Скобкаын сетöм нимвежтасъяссö гиж комиöн.

1. Ёна и мича (ты) да дона (нам), тулысöй.

2. Радейтöны (тебя) олöма йöз да челядь.

3. Мый дыра (мы) виччысим (тебя), лун-войсö лыддим, казьтывлім мичлунтö.

4. (За тобой) тэрмасьöны (к нам) войвылö ыджыд и ичöт лэбачьяс.

5. Гажыс бырöма (у них) чужан мусьыс.

6. Вöрса туй бокын сулалö ыджыд да кыз пожöм. Кымын арöс (ему), (никто) оз тöд. (Он) (никому) (ничего) оз висьтав.

…удж. Чутъяс пыддиыс гиж колана вежлöг суффиксъяс.

Сетны вок…; мунны автобус…; овны выль керка…; гуляйтны быд рыт ичöт чой…; ошкыны ёрт…; ветлыны вöр… тшак…; радейтны мам-бать…; кывзыны колипкай… сьылöмсö; ывла… гажа да лöсьыд; петны класс… .

…удж. Эмакывъясысь артмöд кывбердъяс да лöсьöд кывтэчасъяс.

Сикт, борд, лым, чöд, сакар, вой, шонді, вöр, ар, кымöр.

… удж. Бöрйы сетӧм сёрникузялы лöсялана юалöм.

1. Пузьöдтöм ва юны оз позь.

Мый оз позь юны?

Мыйöн оз позь юны?

Мыйысь оз позь юны?

2.Тайö кывбурсö ог вермы велöдны.

Мый ог вермы велöдны?

Мыйла ог вермы велöдны?

Мый йылысь ог вермы велöдны?

3.Колö велöдны коми кыв.

Мый колö велöдны?

Мыйö колö велöдны?

Мыйöдз колö велöдны?

…удж. Сёрникузяясö гиж колана кывбöръяс.

Керка … лэбöны юсьяс (йылöд, дінöд, сайöд , весьтöд).

Туй … восьлалö морт ( пöлöн, вомöн, паныд, вылын).

Школа … ворсісны челядь (дорын, дорö, костын, вомöн).

…удж. Бöрйы колана кывтэчасъяс.

чужис сиктын – чужис сиктысь

висьмыны кынмöмла – висьмыны кынмöмын

висьтавны мамлы – висьтавны мамлысь

…удж. Комиöд текстсö. Инды сложнὅй сёрникузяяс.

Кöр зэв винёв. Во гöгöр сійö ачыс перйö аслыс кöрым: яла, турун, кустарник коръяс, тшакъяс, вотöс. Кöръяслöн кок гыжъясыс ёна паськалöны. Та вöсна кöр оз вöйлась лымйö да оз сибды нюръясö. Сук гöныс сійöс бура видзö войвывса кöдзыдъясысь да тöвъясысь.

Кöр стада оз вермы дыр сулавны öти местаын. Кöръяс öдцö сёйöны став быдмöгсö, и кöр видзысьяс вöтлöны найöс выль местаö, кöні эм унджык кöрым. Йöзлы отсасьöны понъяс: найö видзöны стадасö кöинъясысь, оз лэдзны кöръяслы разöдчыны.

Гожöмнас кöръясöс ёна сёйö лöдз-ном. Йиа Саридз дорын пöльтöны ён тöвъяс, да лöдз-номйыс этшаджык. Татчö и вайöдлывлöны кöръясöс. Тöв кежлö стадаяс локтöны тундра лунвылö, вöръяс дорö матöджык. Тані йöзыслы кокниджык корсьны пес да дзебсьыны войвывса кöдзыд тöвъясысь.

Тундраын туйыс этша. Нюраинъясті он вермы мунны сьöкыд телегаясöн. Та вöсна во гöгöр ветлöны кокньыдик додьяс-нартъясöн, кодъяс бура исковтöны кыдзи лым вывті, сідзи и нитш вывті.

Ненечьяс, кöр видзöм кындзи, кыйöны кыньясöс, кöинъясöс да мукöд пемöсъясöс, лэбачьясöс.

…удж. Бöрйы лöсялана кадакыв.

Асывнас ме (мысся, мыська), (пасьтала, пасьтася), (шыльöдча, шыльöда), (лöсьöдча, лöсьöда) да муна школаö. Луннас ме (велöдча, велöда, велала), ( лыддя, лыддьыся), ( артася, артала), (вуджöда, вуджöдча). Рытнас (вöча, вöчася) гортса удж, (велöда, велöдча) роч кывйысь правилöяс, (артася, артала) математикаысь, бура (дасьта, дасьтыся) быд урок кежлö.

…удж. Бöрйы лöсялана вочакыв.

1. Серпасавны дзоридз

Серпасавны дзоридзöс

2. Мунны вöрын

Мунны вöрö

3.Радейтны И.Куратовлöн кывбуръяс

Радейтны И.Куратовлысь кывбуръяс

4. Уджавны черкöд

Уджавны черöн

5. Висьтавны ёртлы

Висьтавны ёртлысь

…удж. Комиöд нимвежтасъяссö да тöдмав нöдкывъяссö.

1. ( Меня) корöны, виччысьöны, а кор воа (все) дзебсьöны.

2. ( Меня) оз сёй и (без меня) оз сёйны.

3. (Я сам) ог сёй, а (каждого) верда.

Отсöг вылö: зэр – лым , сов – сакар, тасьтi – пань.

…удж. Лыддьы текстсö, юк абзацъяс вылӧ. Вочавидз юалöмъяс вылö.