Колана да кыпыд удж.

Зiль да водзмöстчысь мортыд гортас пукавны оз вермы. Торйöн нин гожöмнад. Окота мунны водзö, пыр мыйкö вöчны, дасьтыны. Унаöн öнiя кадö радейтöны туризм, вöр-ва.

Гожöмбыд миян Республикаын уджалöны быдсяма шойччан лагерьяс, кöнi нуöдöны спортивно-патриотическöй ворсöмъяс да ордйысьöмъяс. Шуам, «Мечта» челядь лагерын котыртöны вын-эбöс да вежöрлун петкöдлан ордйысьöмъяс. Татшöм öтув ордйысьöмъяс вылын челядь котралöны эстафетаын, петкöдлöны тöдöмлунъяс мортöс неминучаысь мездöмын, велöдчöны кутны нырвизь вöрын. Та кындзи лагерас тшöтш и шойччöны: челядь тöдмасьöны öта-мöдныскöд, рытъяснас йöктöны да сьылöны бипур дорын, шмонитöны да сералöны. Командаяс ёртасьöны, отсасьöны öта-мöдлы.

«Йöлöга» газетысь

? Мый вöчöны зiль да водзмöстчысь челядь гожöмнас?

Мый нуöдöны гожся лагеръясын?

Мый вöчöны сэнi?

Мыйла колöны татшöм ордйысьöмъясыс?

… удж. … уджысь фотографияяс серти лӧсьӧд да гиж сёрникузяяс.

 Вöлiн-ö тэ либö тэнад ёртыд спортивно-патриотическöй ворсöмъяс либö ордйысьöмъяс вылын? Гиж сы йылысь неыджыд юöр.

…удж. Мичаа лыддьы кывбурсö да вочавидз юалöмъяс вылö.

Коми муын гожöм.

Помасьö июнь – Лöддза-номъя тöлысь. Шоныд гыма-зэра Пыр на сійö вöлі. И со потшöс дорын Июль тöлысь – сора. Регыд косаясöн Видзьяс вылö корас. Вуграсьны на слöйма – Шедас зарни чери. Кисьмас вотöс – вотча. Унатор на кера.

Чужан Коми муын – Видз вылын и вöрын, Ставыс сэтшöм муса, Мича, чöскыд кöра. Катшасинма видзьяс Купальнича сорöн. Льöм пуяс да кыддзьяс Чукльöдлысь ёль дорын. Кöч бöж кузьта гожöм Он и тöдлы коляс. Но оз вун нин некор Синва кодь сöдз ёльыс.

А. Мишарина

? 1.Кутшöмöн петкöдлö гожöмсö поэт?

2.Кутшöм гожся тöлысьяс йылысь мунö сёрниыс?

3.Кутшöм шусьöг паныдасьö кывбурын?

4.Мыйла авторыс тадзи шуöма гожöмсö?

5.Кутшöм гожöмыс миян войвылын?

6.Мый вöчö авторыс гожöмнас?

7. Мый тэ вöчин гожöмнас?

…удж. Лыддьы висьтсö да висьтав, кутшöм интереснöйтор вöлі тэкöд гожöмын.

Кодлы шедö, кодлы оз.

Ваня воккöд ми радейтлім вуграсьны. Öтчыд вуграсим сыкöд пöшти орччöн. Сійö кельчи-мыктö сöмын лэпталö, а меным оз шед. Скöрми да кори вежсьыны местананым. И бара сылы шедö, меным оз. Бара вежсим. Сылы шедö, меным оз. Скöрми сы выйöдз, платтьööн и бузгыси ваас да став черисö повзьöді. Ваня скöрмис ме вылö. Йöй пö тэ, нидзувсö öд оз шöрöдыс пысавны вугырас, а вугыр йылыд аршин кузя тыдалö. Чериыд öд абу тэ кодь йöй.

Быттьö сылы водзджык эз позь висьтавны та йылысь.

А. Мишарина серти.

…удж. Велöд сьыланкыв.

Рис. Ноты песни.

Гожöм.

Кывъясыс Н.Тюрнинлöн

Шыладыс Г.Горчаковлöн

Гожöмыд нимкодя Сывъясьö дзоридзкöд. Гожöмын рамджыка Визувтö ю.

Ворсöдчö асывнас Енэжлöн саридзкöд Ю весьтö йöвваöн Кенясьöм ру.

…удж. Лыддьы текстсö, вуджöд. Сет висьтыслы ним. Лöсьöд план.

Таво ме веськавлі Сочиö. Сочи – тайö Россияса кар-курорт, нюжöдчö Сьöд саридз дорті 145 километра. Öти лунöн Сочитö он кытшовт.

Быд лун купайтчи саридзын да гожйöдчи. Ветлі Дельфинарийö да «Амфибиус» аквапаркö. «Три Софии» фермаысь аддзылі африканскöй страусъясöс да австралийскöй эмуясöс. Окотапырысь шойччи «Южные Культуры» паркын.

Ветлі экскурсияöн Ахун нима гöра вылö. Сылöн судтаыс саридзсяньыс 663 метра вылнаын. Гöра йылас сувтöдöма 30 метр судтаа смотрöвöй башня. Сэтчö окотапырысь волывлöны кöлысясьысьяс. Башнясяньыс позьö аддзыны Сочи карсö да сылысь Адлер юкöнсö, Сьöд саридз.

Мöд во ме бара на ветла Сочиö.

«Йöлöга» журналысь

вуджан Вежлöг. Переходный падеж Эмакыв да нимвежтас вуджан вежлöгын вочавидзöны мыйöд? мыйті? юалöмъяс вылö. Рочын лöсялö по чему? юалöмъяслы. вуджны - перейти мыйöд? мыйті? -öд; ті по
эмакыв нимвежтас	+	-öд; -ті	=	Туйöд; туйтi енэжöд; енэжтi	По дороге По небу
Пример вылö: Челядь котралiсны парктi. Ме восьлалi гажа расöд. Енэжöд шлывгисны рудоват кымöръяс.

…удж. Лыддьы да гöгöрво текстсö. Содты эмакывъясö колана суффиксъяс. Гöгöрвоöд текстлысь нимсö.