Ыджыдвиддзын ыджыд гаж.
Кöрткерöс районса Ыджыдвидз сиктын быд во рака тöлысьö овлö лызьöн котралысьяслöн ыджыд гаж. Лызьысь öтдор ордйысьöны и лямпаöн. Воысь воö содö котралысьлöн лыдыс.
Медводз котöртöны челядь. Сэсся лызь туй вылö петöны верстьö: аньяс, мужичöйяс, том йöз. Наысь кындзи ордйысьöны и олöма йöз. Быдöн бöрйö костсö ас вынъяс серти.
Лямпаöн котралысьяслы туйсö абу лöсьöдöма, öд вöралысьяслы пармаын аслыныс колö дасьтыны ордымсö. Дерт, медводдзаöн мунысьлы век медся сьöкыд.
Гажыс и збыльысь овлö кыпыд. Став вермысьыслы вичмö дона козин: и лызь, и велосипед, и гортса техника. Унаöн сiйöс шуöны лызьöн котралысьяслöн фестивальöн. Локтан воö быдöн кöсйö бара на волыны Ыджыдвиддзö. Волы и тэ!
Помав ёрта сёрнисö.
Ыджыдвидзса ордйысьöм вылын паныдасисны Кöрткерöсысь Öльöксан да сыктывкарса том йöз. Найö мöдысь нин воöмаöсь татчö, тöдсаöсь.
- Чолöм, ёртъяс! – нимкодьпырысь шыасис Öльöксан.
- Чолöм! – вочавидзисны зонъяс.
- Таво бара на кöсъянныд босьтны став козинсö?
- Окота эськö да! Ёна дасьтысим. А тi?
- Миянлы колöны жö вермöмъясыд!
- Сiдзкö, ставнымлы кокни лызь туй!
Колис куим час…
- …
Торйöдана кывбöръяс. Разделительные послелоги Кежысь – послелог обозначает ограничение тем, что выражено предшествующим послелогу словом Кындзи – кроме, за исключением Öтдор – кроме, помимо кого-чего-либо Торйöдана кывбöръяс сулалöны эмакывъяс да нимвежтасъяс бöрын. Пример вылö: Велöдчöмысь öтдор – кроме учёбы Таысь öтдор – помимо того Сыысь öтдор – кроме этого, к тому же Уджавны дöрöм кежысь – работать в одной рубашке Кольны ас кежысь – остаться одному Кольны нинöм кежысь – остаться ни с чем Кык мортысь кындзи – кроме двух человек Меысь кындзи – кроме меня |
… удж. Лыддьы да гöгöрво текстсö. Бöрйы текстыслы ним, гöгöрвöд бöрйöмтö. Вочавидз юалöмъяс вылö. Аддзы да гиж торйöдана кывбöръяса сёрникузяяс.
…
Асывнас быдöнлы колö вöчны гимнастика. Войнас быд морт шойччö. Сöнöд слабитö, та кындзи сьöлöм да мукöд вир-яй юкöн уджалöны оз тыр вынöн.
Медым вир-яйсö öдйöджык пыртны лунся уджö, быдöнлы колö вöчны гимнастическöй упражнениеяс. Сэки тэрыба кутас ветлыны вир, зэлалас сöнöд, сыысь öтдор ты кутас босьтны унджык сынöд. Оз öд прöста шуны асъя гимнастикасö зарядкаöн. Быдöн кö вöчас асывнас дас - дас вит минут чöж упражнениеяс, лунтыр лоас збодер да зіль. Зарядкасö колö вöчны кокни паськöм кежысь.
Асъя гимнастика – дзоньвидзалунö медводдза воськов. Спорт – мöд воськов. Велöдчöмысь да уджысь кындзи быдöн вермас бöрйыны кажитчана спорт сикас. Таысь öтдор некодлы оз ков пышъявны ывлавывса уджысь. Сiйö тшöтш ёнмöдö дзоньвидзалун.
А.Дорохов серти
Бöрйöм вылö нимъяс:
|
|
Мöвпышт да вöзйы текстлы ас ним.
? Мыйла быд мортлы асывнас колö вöчны гимнастика?
Мыйла гимнастика шуöны зарядкаöн?
Мый колö вöчны дзоньвидзалун ёнмöдöм могысь?
Вöчан-ö тэ асъя зарядка?
Кутшöм спортöн тэ занимайтчан?
Ывлавывса кутшöм удж тэ радейтан вöчны?
…удж. Лыддьы текстсö, гöгöрво да сет ним. Лöсьöд да гиж текстлысь бöръя абзацсö.
…
Нималана теннисистка Динара Сафина чужöма Москваын. Теннисöн ворсны босьтчöма кöкъямыс арöссянь. Но таöдз тöдöма нин, кыдзи ворсöны сылöн мамыс да вокыс. Мамыс, Рауза Ислановна – сылӧн медводдза тренер. Марат вокыс квайт арöссянь нин тренируйтчöма «Спартак» нима тенниснöй клубын, кодöн веськöдлö Михаил батьыс.
Том спортсменка Россияын кындзи тренируйтчис Испанияын. 2001 воын Динара Сафина пырис Нывбабаяслöн мирса тенниснöй ассоциацияö. 2002 воын Польшаса Сопотын лои медтом спортсменöн, коді вермис профессиональнöй турнирын. 2003 воын Италияын да 2005 воын Францияын бара на лоис вермысьöн. 2005 воын Динара Сафина вермис Мария Шараповаöс, коді сэки вöлі мирса «медводдза ракеткаöн», да пырис Россияса öтув командаö. А 2009 воын ачыс лоис мирса «медводдза ракеткаöн».
Быдлунъя олöмын Динара – Радейтö футбол да «висьö» Прöст кадö радейтö кывзыны музыка, Роч вöлöгаысь öтдор радейтö Динаралöн девиз: «Вöча ставсö, |
уна лыддьысьö, ветлö киноö. мый вылö тырмас вынöй». нюмбана да шань ныв. Мадридса «Реал» команда понда. итальянскöй да японскöй кухня. |
«Йöлöга» газетысь
Рис. Карта РК с обозначением национального парка «Югыд ва» |
… удж. Тöдмав, кыдзи шусьö мусерпас вылын петкöдлöм иныс.
Отсöг вылö кывъяс: Из гöра, из бöлбанъяс, «Югыд ва» вужвойтыр парк, Печоро-Илычскöй заповедник, Печора район.
ﯕ Фотографияяс да план серти дасьты юöр.
План:
2007-öд воын Россияын пансис проект…
Коми Республика пырöдчис уджö.
Миян ин став Россияса сизим чуймöданатор лыдын.
Нималана инлöн аслыспöлöслун.
Шойччöй да ёнмöдчöй Чужан муын!
Уджсö вöчны отсалас проектлöн сайт www.ruschudo.ru
… удж. Ас бöрйöм серти вуджöд роч кыв вылö öти легенда.